DANIEL 11:36 - Edisana ñwed Abasi Ibom

³⁶ Ndien edidem eyenam kpa nte enye amade, onyuŋ emenere idem esie ke enyɔŋ, onyuŋ onim idem esie ke akamba akan kpukpru abasi, onyuŋ etiŋ mme utibe ŋkpɔ abaŋa Abasi mme abasi, eyenyuŋ oforo tutu ikpahesit okure ama: koro enye eyenam se ekewukde.

DANIEL 11:36 ပူးပေါင်းရင်းမြစ်များ

ŊWED MME PSALM 136:2

Oh mbufo ekɔm Abasi mme abasi: koro ima esie odude ke nsinsi.

ŊWED MME PSALM 33:10

Jehovah asuan uduak mme idut: enye anam mme ekikere mme obio ekpu.

MME ŊKE 19:21

Ediwak ekikere edu owo ke esit: edi edi uduak Jehovah edisu.

ISAIAH 10:23

Koro Ɔbɔŋ Jehovah mme udim eyenam nsobo, kpasuk oro ɔwuhɔde, ke ofuri ererimbot.

ISAIAH 10:25

Koro osuk ata ini esisit kaŋa, ndien ikpahesit okure, ye iyaresit mi ke edisobo mmɔ.

ISAIAH 10:5

Ifɔnke fɔn inɔ Asshur, eto iyaresit mi, ndien esaŋ ke ubɔk mmɔ edi eke ifuresit mi.

ISAIAH 14:13

Ndien afo ɔkɔdɔhɔ ke esit fo, ete, “Nyedɔk ke enyɔŋ, nyemenere ebekpo mi nnim ke enyɔŋ ŋkan ntantafiɔŋ Abasi: nnyuŋ ntie ke obot emi mmɔ esopde esop, ke edem edere-edere:

ISAIAH 14:14

nyedɔk ŋkan ŋkokoŋo mbubit enyɔŋ; nyenim idem mi nte Ata Edikoŋ.”

ISAIAH 26:20

Ikɔt mi, mbufo eka ekeduk ke mme ubet mbufo, enyuŋ eberi itim mbufo ebaha idem mbufo: edibe ini esisit ntem, tutu ikpahesit ebe.

ISAIAH 30:33

Koro ema etim Topheth ebigi; ema enyuŋ ediɔŋ enye enɔ edidem; enye ama otuŋ enye, ama onyuŋ anam okpon: ebok ikaŋ ye ifia emekpon: ibifik Jehovah, nte akpa brimstone, ɔfɔp enye.

ISAIAH 46:10

Emi nsiakde akpatre ke akpa, ndien ke eset nsiak se minamke kaŋa, nte ke uduak mi eyeda, ndien nyenam kpukpru se mmade.

ISAIAH 57:9

Afo omonyuŋ aka ɔtɔ edidem ye aran, onyuŋ ada ediwak ufuɔŋkpɔ fo: onyuŋ ɔdɔŋ mme isuŋ fo utom ke anyan ebiet, onyuŋ ɔduɔk idem tutu osim ke hell.

EZEKIEL 28:2

Ntem ke Ɔbɔŋ Jehovah ɔdɔhɔ ete, Koro esit fo okoŋde, afo onyuŋ ɔdɔhɔ, ete, Ami ndi abasi kiet; ntie ke itie Abasi ke ufɔt inyaŋ; ndien afo edi owo, udige Abasi; onyuŋ onim esit fo nte esit Abasi:

EZEKIEL 35:13

Ntre ke mbufo ebre mbre enɔ mi ke inua mbufo, enyuŋ ewak nditiŋ ikɔ mbufo mbaŋa mi: ami mmokop.

DANIEL 11:16

Ndien enye emi otode edi ekɔŋ ye enye eyenam kpa nte enye amade, baba owo kiet eke edidade enye ke iso idinyuŋ iduhe: ndien enye eyeda ke isɔŋ inemesit, ubɔk esie eyenyuŋ abiat enye.

DANIEL 11:3

Ndien akamba edidem kiet eyeda, onyuŋ ada ubɔŋ ke akwa ubɔŋ, onyuŋ anam kpa nte enye amade.

DANIEL 11:37

Enye idinyuŋ ikereke mme abasi mme ete esie, idinyuŋ ikereke se iban emade, ikereke baba abasi kiet: koro enye eyenim idem esie ke akamba akan kpukpru.

DANIEL 12:7

Ndien ŋkop uyo owo oro esinede linen, emi adade ke enyɔŋ mmɔŋ akpa, ndien enye emenere ubɔk nnasia esie ye ubɔk ufien esie ke enyɔŋ, onyuŋ otomo enye emi odude uwem ke nsinsi, ete ke edidi ini, ye ini iba, ye ubak ini; ndien adaŋemi enye edisuande odudu edisana mbio ama, eyema kpukpru ŋkpɔ emi.

DANIEL 2:47

Edidem ɔbɔrɔ Daniel onyuŋ ɔdɔhɔ, ete, Ke akpanikɔ Abasi mbufo edi Abasi mme abasi ye Ɔbɔŋ ndidem: edi enye ayarare ndibe-ndibe ŋkpɔ, koro afo ekemede ndiyarare ndibe ŋkpɔ emi.

DANIEL 4:35

ndien ebat kpukpru mme andiduŋ isɔŋ ke ikpikpu: enye onyuŋ anam kpa nte enye amade ke otu mme udim enyɔŋ ye ke otu mme andiduŋ isɔŋ: ndien baba owo kiet eke edituakde enye ubɔk, onyuŋ ɔdɔhɔde enye, ete, Afo amanam nso? iduhe.

DANIEL 5:19

ndien ubom oro Enye ɔkɔnɔde enye esin kpukpru mme idut ye obio ye usem edikhe enye, enyuŋ enyek ke iso esie; enye owot owo eke enye amade, onyuŋ ada owo eke enye amade onim ke uwem; ofori mmɔ eke enye amade, onyuŋ ɔsuhɔre mmɔ eke enye amade.

DANIEL 5:20

Ndien ke ini enye emenerede esit esie ke enyɔŋ, spirit esie onyuŋ akabarede ɔsɔŋ, onyuŋ eseride iseri, esio enye ke ebekpo ubɔŋ esie esuhɔre, enyuŋ ebɔ enye ukpono esie efep:

DANIEL 7:8

Ntie nse nduk oro, ndien, sese, ekpri nduk eŋwen otibe ke otu mmɔ oro: ndien enye odibere ita ke nduk oro ekebemde enye iso; ndien, sese, enyin eke ebietde enyin owo odu ke nduk emi, ye inua ŋko eke etiŋde ikpɔ ŋkpɔ.

DANIEL 8:19

Enye onyuŋ ɔdɔhɔ mi, ete, Sese, ami nyesian fi se idiwɔrɔde ke ukperedem ifuresit: koro utit eyedu ke ini emi edoride.

DANIEL 8:4

Ŋkut okukim oro ke onuk aka edem usop-utin, ye edere, ye usuk; baba unam kiet eke ekemede ndida enye ke iso inyuŋ iduhe du, baba kiet eke anyaŋade ŋkpɔ osio enye ke ubɔk inyuŋ iduhe; enye onyuŋ anam se enye amade, onyuŋ akabare okpon.

ZECHARIAH 11:16

Koro, sese, ami mmɔŋ ndemere ekpem-erɔŋ ke isɔŋ emi, enye idisehe se ibiarade, idiyomke se ebinde efep, inyuŋ ikɔkke se idade unan, inyuŋ ibɔkke mmɔ eke esɔŋɔde; edi eyeta unam mmɔ eke ekponide, onyuŋ osio mmɔ mbara ukot.

JOHN 5:30

Ami ŋkemeke ndinam baba ŋkpɔ kiet ke Idem Mi: adaŋa nte ŋkopde ke mbiere ikpe; ndien ubiere-ikpe Mi edi edinen; koro mbineke uduak idem Mi, edi mbine uduak Andidɔŋ Mi.

JOHN 6:38

Koro nto ke heaven nsuhɔre ndi, idige man nnam uduak Idem Mi, edi man nnam uduak Andidɔŋ Mi.

UTOM MME APOSTLE 4:28

man mmɔ enam ŋkpɔ ekededi eke ubɔk Fo ye uduak Fo ekebemde iso onim ete ediwɔrɔ osu.

DEUTERONOMY 10:17

Koro Jehovah mbufo edide Abasi mme abasi, ye ɔbɔŋ mme mbɔŋ, Abasi emi edide ata akwa, ye ɔkpɔsɔŋ, ye akpakop, emi miteŋeke owo baba kiet enyin, minyuŋ ibɔhɔ enɔ:

2 ŊWED THESSALONICA 2:3

Ekuyak owo abiaŋa mbufo ke baba usuŋ kiet; koro usen oro ididige, tutu mfiak-edem ebem iso odu, owo eke edide ata abiat-ibet onyuŋ ayarare idem,

2 ŊWED THESSALONICA 2:4

eyen nsobo, kpa enye emi ɔbiɔŋɔde Abasi, onyuŋ emenerede idem onim kenyɔŋ ɔbiɔŋɔ kpukpru se ekotde Abasi enyuŋ etuakde ibuot enɔ; tutu enye etie ke temple Abasi osio idem owut, ete idi Abasi.

2 ŊWED THESSALONICA 2:8

Adaŋoro ndien eyeyarare abiat-ibet oro, emi Ɔbɔŋ Jesus eyeda ibifik inua Esie owot enye, onyuŋ ada eriyarare eridi Esie osobo enye.

JOSHUA 22:22

Abasi, Abasi Jehovah, Abasi, Abasi Jehovah ɔfiɔk, Israel eyenyuŋ efiɔk: ama edi nsɔŋ-ibuot, mme idiɔk ido ye Jehovah (kunyaŋa nnyin mfin emi),

ERIYARARE 10:7

edi ke mme usen emi ɔyɔhɔ angel itiaba osiorode uyo, ke adaŋemi enye oyomde ndifri ukorowo, adaŋoro ke ndibe uduak Abasi ososu, asaŋa ekekem ye eti etop emi Enye akayararede ɔnɔ nti ikɔt Esie, kpa mme prophet.

ERIYARARE 12:14

Edi enɔ ŋwan oro mba iba eke akamba ntrukpom, man enye efe ɔnyɔŋ ke ebiet iduŋ esie ke desert; do ke ebɔk enye ke ini ye ke mme ini ye ke ubak ini, uruk-ikɔt okunyuŋ okut enye.

ERIYARARE 13:1

EKEM ndada do ke utan esuk inyaŋ. Ndien ŋkut unam otode ke inyaŋ ɔdɔk edi, emi enyenede nduk duop ye ibuot itiaba; enye onyuŋ ayara anyanya duop ke nduk esie, onyuŋ obiom enyiŋ eke esuŋide Abasi ke mbuot esie.

ERIYARARE 17:17

Koro Abasi ekesin mmɔ ke esit, ete enam uduak Imɔ, enyuŋ enyene ekikere kiet, enyuŋ eda obio emi mmɔ ekarade enɔ unam oro, tutu se Abasi eketiŋde osu.

ERIYARARE 17:3

Ekem enye emen mi ke Spirit aka ke desert. Ndien ŋkut ŋwan etiede ke edem ididuot unam, emi enyiŋ isuŋi eyɔhɔde enye ke idem, emi onyuŋ enyenede ibuot itiaba ye nduk duop.