DANIEL 11:35 - Edisana ñwed Abasi Ibom

³⁵ Ndien ndusuk mmɔ emi edide ɔniɔŋ eyeduɔŋɔ, man edomo mmɔ, enyuŋ esio mmɔ ndek ke idem efep, enyuŋ enam mmɔ esana, tutu osim ke utit ini: koro osuk ebetde ini emi ekedoride.

DANIEL 11:35 ပူးပေါင်းရင်းမြစ်များ

2 CHRONICLES 32:31

Edi ke ikɔ mme isuŋutom mbɔŋ Babylon oro ekedɔŋde ekebup ŋkpɔ ndyɔ oro ekenamde ke isɔŋ, Abasi, ɔkpɔŋ enye, ete idomo ifiɔk kpukpru se idude enye ke esit.

MME ŊKE 17:3

Eso-utara edi eke silver, furnace onyuŋ edi eke gold: edi Jehovah odomo esit owo.

ISAIAH 27:9

Mmɔdo emi osiode isop Jacob; emi onyuŋ edi ofuri mfri, ke emen idiɔk ido esie efep; ke enye onimde mme itiat itie-uwa nte itiat ndom eke enuakde mbai-mbai, mme eto-mkpe ye mbiet utin ididaha aba.

DANIEL 11:27

Ndien esit edidem mbiba emi eyeyom ndinam idiɔk; ndien mmɔ etiŋ ikɔ nsu ke okpokoro kiet; edi idikwe unen: koro utit eyesuk odu ke ini emi ekedoride.

DANIEL 11:29

Ke ini emi ekedoride enye eyefiak aka edem usuk: edi ukperedem idibietke mbemiso.

DANIEL 11:33

Ndien mbon ɔniɔŋ ke otu mbio-obio eyeteme ediwak owo: ndien mmɔ eyeduɔŋɔ ke ofut, ye ke edem-ikaŋ, ye ke ntaŋ-mfep, ye ke mbume, ediwak usen.

DANIEL 11:40

Ama ekem ke utit ini, edidem usuk eyenuk enye: edidem edere eyenyuŋ ada chariot, ye mbon horse, ye ubom mbakara ediwak, obumere anam enye nte oyobio; ndien enye eyeduk ke mme idut oro, onyuŋ ofuk mmɔ, onyuŋ asaŋa ebe.

DANIEL 12:3

Ndien mmɔ eke enyenede eti ibuot, eyeyama nte ikpa-enyɔŋ ayamade: mmɔ eke enamde ediwak owo ekabare edi edinen, eyenyuŋ ebiet ntanta-ɔfiɔŋ ke nsinsi-nsinsi.

DANIEL 12:4

Ndien afo, Daniel, dip ikɔ emi, nyuŋ nim seal ke ŋwed, tutu osim ke utit ini. Ediwak owo eyeyɔrɔ edi, eyɔrɔ eka, ndien ifiɔk eyekpon aka iso.

DANIEL 8:10

Ndien enye akabare okpon tutu osim mme udim enyɔŋ; ndien emen usuk udim enyɔŋ ye usuk ntanta ɔfiɔŋ ɔduɔk ke isɔŋ, enyuŋ edigi mmɔ.

DANIEL 8:17

Ndien enye edi ke ɔtɔ ami ndade: ndien ke ini enye edide, ami ndikhe, nnyuŋ nduɔ ke isɔŋ ŋkubi iso mi; ndien enye ɔdɔhɔ mi, ete, Eyen owo, tim fiɔk ete ke ŋkukut emi aka ekperedem ini.

DANIEL 8:19

Enye onyuŋ ɔdɔhɔ mi, ete, Sese, ami nyesian fi se idiwɔrɔde ke ukperedem ifuresit: koro utit eyedu ke ini emi edoride.

DANIEL 9:27

Enye eyenyuŋ ɔsɔŋɔ onim ediomi ɔnɔ ediwak owo ke urua kiet; ndien ke ufɔt urua enye eyenam uwa ye inuak-udia etre: ndien andisobo eyedoro ke ibuot ŋkpɔ mbubiam: tutu enyuŋ eda se enamde ema enyuŋ ewukde, eŋwaŋa andisobo ke idem.

HABAKKUK 2:3

Koro ŋkukut anade kaŋa ɔnɔ ini emi enimde; ndien enye eyesioro uyo ke utit, idinyuŋ isuhɔ nsu: enye ama ebigi, bet enye; koro enye miditreke ndidi, midinyuŋ ibehe ini.

ZECHARIAH 13:9

Ndien nyeda ɔyɔhɔ ubak ita nsin ke ikaŋ, nnyuŋ nduk mmɔ nte edukde silver, nnyuŋ ndomo mmɔ nte edomode gold: mmɔ eyekot mi enyiŋ, ndien ami nyeyere mmɔ: nyenyuŋ ndɔhɔ mmɔ nte, Mmɔ edi ikɔt mi: ndien mmɔ eyedɔhɔ, ete, Jehovah edi Abasi mi.

MATTHEW 16:17

Jesus ɔbɔrɔ enye ete, Ɔfɔfɔn ɔnɔ fi Simon eyen Jonah, koro midige obuk ye iyip akayarare ŋkpɔ emi ɔnɔ fi, edi edi Ete Mi emi odude ke Heaven.

MATTHEW 26:56

Edi kpukpru emi ɔwɔrɔ, man se mme prophet ekewetde osu. Ndien mbet Esie kpukpru ekpɔŋ Enye efeŋe.

JOHN 15:2

Kpukpru ŋkɔk ke idem Mi eke miŋwumke mfri, Enye osibe efep; ndien kpukpru ŋkɔk eke oŋwumde mfri, Enye ɔdiɔŋ, man oŋwum mfri awak akan.

JOHN 20:25

Ntre ke mbet eken esian enye ete, Nnyin imokut Ɔbɔŋ. Edi enye ɔdɔhɔ mmɔ ete, Ndinimke ke akpanikɔ ibɔhɔke ini ŋkutnde ɔkpɔ-ukwak ke ubɔk Esie, nnyuŋ nsin nnuenubɔk mi ke nde ɔkpɔ-ukwak, nnyuŋ nsin ubɔk mi ke ŋkaŋ Esie.

UTOM MME APOSTLE 13:13

Ekem Paul ye mme nsaŋa esie esio ekpɔŋ Paphos, edi ke Perga emi odude ke Pamphylia: edi John ɔkpɔŋ mmɔ afiak ɔnyɔŋ ke Jerusalem.

DEUTERONOMY 8:16

emi adade manna emi mme usɔ mikɔfiɔkke, ɔbɔk fi ke wilderness, man enye ɔsuhɔre fi onim, onyuŋ odomo fi, ete ifɔn ye afo ke utit fo;

JAMES 1:2

Enim ete edi ŋkpɔ ɔyɔhɔ idaresit, nditɔ-ete mi, ke ini nsio-nsio idomo esimde mbufo;

ERIYARARE 14:15

Angel eŋwen onyuŋ ɔwɔrɔ ke temple ofiori ke ɔkpɔsɔŋ uyo, okot enye emi etiede ke ikpa-enyɔŋ, ete, Sin ofut fo, kpeŋe; koro ekem ini ukpeŋe; koro ini mbuŋwum isɔŋ ekem tutu ebe.

ERIYARARE 17:17

Koro Abasi ekesin mmɔ ke esit, ete enam uduak Imɔ, enyuŋ enyene ekikere kiet, enyuŋ eda obio emi mmɔ ekarade enɔ unam oro, tutu se Abasi eketiŋde osu.

ERIYARARE 2:10

Kunyene ndik ubaŋa ukut eke ɔmɔŋ edisim fi. Sese, Satan ɔmɔŋ edisin ndusuk mbufo ke ufɔk-ŋkpɔkɔbi, man edomo mbufo ese, ndien mbufo eyekut ukut ke usen duop. Wut idem nte anam-akpanikɔ tutu osim mkpa, ndien nyenɔ fi anyanya uwem.

ERIYARARE 7:14

Ndɔhɔ enye nte, Ɔbɔŋ mi, afo ɔmɔfiɔk. Ekem enye ɔdɔhɔ mi ete, Mmɔ oro edi mmɔ emi eketode ke akwa ukut ewɔŋɔ, ekenyuŋ eyetde ɔfɔŋidem mmɔ enam afia ke iyip Eyen-erɔŋ.