DANIEL 11:33 - Edisana ñwed Abasi Ibom

³³ Ndien mbon ɔniɔŋ ke otu mbio-obio eyeteme ediwak owo: ndien mmɔ eyeduɔŋɔ ke ofut, ye ke edem-ikaŋ, ye ke ntaŋ-mfep, ye ke mbume, ediwak usen.

DANIEL 11:33 ပူးပေါင်းရင်းမြစ်များ

DANIEL 12:10

Eyesioŋo ediwak owo ndek ke idem efep, enyuŋ enam mmɔ edi edisana, enyuŋ edomo mmɔ; edi mme idiɔk owo eyenam idiɔk; baba idiɔk owo kiet idinyuŋ idige asian, edi mmɔ eke enyenede eti ibuot eyedi asian.

MALACHI 2:7

Koro mkpɔk-inua oku ekpekpeme ifiɔk, owo ekpenyuŋ ebup mkpɔk-inua esie ewuhɔ: koro enye edide isuŋ-utom Jehovah mme udim.

MATTHEW 10:21

Eyen-eka enyeyuŋ ada eyen-eka ɔnɔ mkpa, ete eyenyuŋ ɔnɔ eyen esie: nditɔ eyenyuŋ edaha eŋwana ye mme ete ye mme eka mmɔ, enyuŋ esin ewot mmɔ.

MATTHEW 13:11

Enye ɔbɔrɔ ete, Eyak enɔ mbufo ndifiɔk ndibe ŋkpɔ Obio Ubɔŋ Heaven, edi iyakka inɔ mmɔ.

MATTHEW 20:23

Enye ɔdɔhɔ mmɔ ete, Ke akpanikɔ mbufo eyeŋwɔŋ cup Mi: edi nditie ke ubɔk nasia Mi ye ke ufien inyeneke Mi ndinɔ, edi enyene mmɔ emi Ete Mi okonimde oro ɔnɔ.

MATTHEW 24:9

Ke ini oro ke eyeda mbufo eyak enɔ ukut, enyuŋ ewot mbufo: kpukpru mme idut eyenyuŋ esua mbufo kabaŋa enyiŋ Mi.

MATTHEW 28:20

enyuŋ ekpep mmɔ enam kpukpru ŋkpɔ eke ŋketemede mbufo: ndien sese, Ami ndodu ye mbufo kpukpru ini, tutu osim utit ererimbot. Amen.

JOHN 16:2

Mmɔ eyebin mbufo esio ke mme synagogue; ini ke onyuŋ edi eke owo ekededi eke ediwotde mbufo eyese ete imɔ inam ŋkpɔ inɔ Abasi.

UTOM MME APOSTLE 11:26

ndien ke ini okutde enye, ada enye edi ke Antioch. Ntre ke mmɔ ebono ye ufɔk Abasi ke ofuri isua kiet, enyuŋ ekpep ediwak owo ŋkpɔ. Ndien ebem iso esio mbet enyiŋ Christian ke Antioch.

UTOM MME APOSTLE 14:21

Ke mmɔ ema ekekwɔrɔ gospel enɔ obio oro, enyuŋ enam ediwak owo ekabare edi mbet, mmɔ efiak enyɔŋ Lystra, ye Iconium, ye Antioch, ekɔsɔŋɔ mbet esit:

1 ŊWED CORINTH 4:9

Koro osuk etie mi nte Abasi okosiode nnyin, mme apostle, onim nte ukperedem ndise nte owo mkpa. Koro ema enam nnyin ikabare idi ŋkpɔ ndise inɔ ererimbot ye mme angel ye owo.

2 ŊWED TIMOTHY 1:12

Emi esin mi ŋkut ndudtuhɔ emi; edi ŋkopke but; koro mmɔfiɔk Enye emi ŋkɔbuɔtde idem ye Enye, mmonyuŋ mbure mfiɔk nte, Enye emekeme ndikpeme se ŋkayakde nsin Enye ke ubɔk tutu osim usen oro.

2 ŊWED TIMOTHY 4:6

Koro ke emi emɔŋ ediŋwaŋa mi eduɔk nte ediŋwɔŋ uwa, ini unyɔŋ mi ke ekpere.

MME HEBREW 11:34

ebɔhɔ iso ofut, ewɔŋɔ ekpɔŋ mmem-idem ekabare ekop idem, ewɔŋɔ edi uko ke ekɔŋ, enyuŋ enam udim-ekɔŋ mme idut efeŋe.

ERIYARARE 1:9

Ami John, eyen-ete mbufo, emi mbuanade ye mbufo ke ukut ye Obio Ubɔŋ ye ime eke edude ke Jesus, ŋkodu ke isuo emi ekerede Patmos, ke ntak ikɔ Abasi, ye ikɔ-ntiense mbaŋa Jesus.

ERIYARARE 17:6

Ndien ŋkut ŋwan oro nte ɔŋwɔŋde iyip nti ikɔt Abasi ye eke mme ntiense Jesus ɔyuhɔ. Ke adaŋemi ŋkutde enye, idem akpa mi eti-eti.

ERIYARARE 2:13

Mmɔfiɔk ebiet eke oduŋde do; kpa ebiet eke ebekpo Satan ɔdiɔhɔde; ndien ɔmɔsɔŋɔ omum enyiŋ Mi akama, ukonyuŋ ukaŋke mbuɔtidem Mi, kpa ke mme usen ntiense Mi Antipas, owo akpanikɔ Mi, emi ekowotde ke otu mbufo, ke ebiet oro Satan oduŋde.

ERIYARARE 6:9

Ke adaŋemi Enye ama akadianare ɔyɔhɔ ufik-ŋkpɔ ition, ŋkut ke idak itie-uwa mme ukpɔŋ owo emi ekewotde kabaŋa ikɔ Abasi ye ikɔ-ntiense eke mmɔ enyenede.

ERIYARARE 7:14

Ndɔhɔ enye nte, Ɔbɔŋ mi, afo ɔmɔfiɔk. Ekem enye ɔdɔhɔ mi ete, Mmɔ oro edi mmɔ emi eketode ke akwa ukut ewɔŋɔ, ekenyuŋ eyetde ɔfɔŋidem mmɔ enam afia ke iyip Eyen-erɔŋ.