DANIEL 11:32 - Edisana ñwed Abasi Ibom

³² Ndien enye eyeda nnem-inua abiat mmɔ emi ediɔkde ye ediomi oro. Edi mmɔ eke efiɔkde Abasi mmɔ eyesɔŋ idem enyuŋ enam ŋkpɔ.

DANIEL 11:32 ပူးပေါင်းရင်းမြစ်များ

1 CHRONICLES 28:9

Ndien afo Solomon eyen mi, fiɔk Abasi usɔ, nyuŋ nam ŋkpɔ esie ke ofuri esit, ye ke ima ukpɔŋ: koro Jehovah ɔduŋɔde kpukpru esit owo, onyuŋ otim ɔfiɔk kpukpru se ekikere obotde: afo ama oyom enye, eyekut enye; edi ama ɔkpɔŋ enye, enye eyemen fi ɔduɔk tutu amama.

NEHEMIAH 4:14

Ndien ŋkut, nnyun ndaha ke enyɔŋ, nnyuŋ ndɔhɔ mbɔŋ, ye mme ebiere-ikpe, ye kpukpru mmɔ efen, nte, Mbufo ekufehe mmɔ: mbufo eti Ɔbɔŋ emi okponde, onyuŋ enyenede uteŋe, ndien eŋwana ekɔŋ enɔ nditɔ-ete mbufo, ye nditɔ-iren mbufo, ye nditɔ-iban mbufo, ye iban mbufo, ye mme ufɔk mbufo.

ŊWED MME PSALM 9:10

Ndien mmɔ eke efiɔkde enyiŋ fo eyebuɔt idem mmɔ ye afo; koro afo, Jehovah, mukpɔŋke mmɔ eke eyomde fi.

MME ŊKE 19:5

Ikpe iditebeke ntiense nsu, ndien etiŋ nsu idibɔhɔke.

MME ŊKE 26:28

Edeme nsu asua mmɔ eke enye anuakde: nneminua eyenyuŋ anam nsobo.

JEREMIAH 31:34

Ndien kiet idikpepke aba mbɔhiduŋ esie, ye kiet eyen-ete esie, ite, Mbufo efiɔk Jehovah: koro kpukpru mmɔ, ŋkpri ye ikpɔ, eyefiɔk mi, Jehovah ɔdɔhɔ: koro nyefen mme idiɔk ido mmɔ, ndinyuŋ ntihi aba mme oburobut ido mmɔ.

DANIEL 11:21

Ndien obukpo owo kiet eyedaha ada ke itie esie, edi idinɔŋɔ enye ubɔŋ itie edidem: ndien enye eyesaŋa suŋ-suŋ edi, onyuŋ ada ubɔŋ ke nnem-inua.

DANIEL 11:34

Ndien adaŋemi mmɔ eduɔŋɔde, eyenɔ mmɔ uŋwam esisit: ndien ediwak owo eyeda nnem-inua eyire ye mmɔ.

ZECHARIAH 10:12

Nyenyuŋ nnam mmɔ esɔŋ ke Jehovah; ndien mmɔ eyesaŋa ke enyiŋ esie, ke edi Jehovah ɔdɔhɔ.

MALACHI 4:2

Ndien utin edinen ido asiaha ɔnɔ mmɔ: se inamde itɔŋ uwem ɔsɔŋɔ onyuŋ odu enye ke mba; ndien mbufo eyewɔŋɔ ekefrɔ nte nditɔ-enaŋ ŋkuhɔ.

JOHN 17:3

Ndien nsinsi uwem oro edi ndifiɔk Fi, ata Abasi kierakiet, ye Enye emi Afo ɔkɔdɔŋde, kpa Jesus Christ.

1 JOHN 5:20

Nnyin imonyuŋ ifiɔk ite Eyen Abasi ama edi, ama onyuŋ ɔnɔ nnyin ikike, ete ifiɔk Enye emi edide ata Abasi: nnyin inyuŋ idu ke ata Abasi, kpa ke Eyen Esie Jesus Christ. Enye emi edi ata Abasi, onyuŋ edi nsinsi uwem.

ERIYARARE 6:11

Ndien enɔ mmɔ kiet kiet afia edisine-ŋkpɔ, enyuŋ edɔhɔ mmɔ ete, ebet kaŋa ke ekpri ibio ini, tutu ibat nsaŋa-utom mmɔ ye nditɔ-ete mmɔ, eke ediwotde nte mmɔ, ɔyɔhɔ.