DANIEL 11:20 - Edisana ñwed Abasi Ibom

²⁰ Ndien owo eyeda ke itie esie emi ediyakde ɔbɔ-utomo asaŋa ke ediye idut ebe: ndien enye eyesuana ke ini esisit, itoho ke iyaresit, inyuŋ itoho ke ekɔŋ.

DANIEL 11:20 ပူးပေါင်းရင်းမြစ်များ

2 NDIDEM 23:35

onyuŋ akpa do. Ndien Jehoiakim ɔnɔ Pharaoh silver ye gold oro; edi enye ɔkɔm ɔnɔ obio, man ekeme ndinɔ silver oro ke uyo Pharaoh: enye anam mbio-obio etibe silver ye gold, kpukpru owo nte ekɔmde enɔ mmɔ, man ada ɔnɔ Pharaoh-necoh.

MME ŊKE 30:33

Koro erifik mmɔŋ-eba anamde butter: erifik ibuo onyuŋ anam iyip ɔwɔrɔ: kpa ntre ŋko erifik iyaresit anam utɔk edi.

ISAIAH 60:17

Nyeda gold ndinim ke itie okpoho, nyeda silver ndinim ke itie ukwak, ye okpoho ke itie eto, ye ukwak ke itie itiat: ndien nyenam mbɔŋ fo edi emem, nyenyuŋ nnam mme andikara fi edi edinen ido.

DANIEL 11:21

Ndien obukpo owo kiet eyedaha ada ke itie esie, edi idinɔŋɔ enye ubɔŋ itie edidem: ndien enye eyesaŋa suŋ-suŋ edi, onyuŋ ada ubɔŋ ke nnem-inua.

DANIEL 11:7

Ndien owo kiet emi otode ke ŋkɔk oruŋ aŋwan oro, eyedaha ada ke itie esie, ndien enye eyesaŋa ye mbon-ekɔŋ edi, onyuŋ oduk ke ɔkpɔsɔŋ ebiet edidem edere, onyuŋ anam ŋkpɔ ke otu mmɔ, onyuŋ ɔsɔŋ akan:

HABAKKUK 1:1

UYO JEHOVAH EMI KE HABAKKUK PROPHET OKOKUT.