DANIEL 11:2 - Edisana ñwed Abasi Ibom

² Ndien ke emi nyesian fi akpanikɔ. Sese, ndidem ita eyedaha ke enyɔŋ kaŋa eda ke Persia; ndien ɔyɔhɔ inaŋ eyenyene akwa inyene akan mmɔ kpukpru: ndien adaŋemi enye ɔsɔŋɔde ke inyene esie, enye eyedemere kpukpru eka ekɔŋ ye edidem Javan.

DANIEL 11:2 ပူးပေါင်းရင်းမြစ်များ

EZRA 4:24

Ntre ke utom ufɔk Abasi ke Jerusalem odop, onyuŋ ana tutu osim ke udiana-akpa isua ubɔŋ Darius, edidem Persia.

EZRA 4:7

Ndien ke eyo Artaxerxes, Bishlam, ye Mithredath, ye Tabeel, ye mme nsaŋa mmɔ efen, ewet ŋwed enɔ esɔk Artaxerxes edidem Persia; ndien mmɔ ewet ŋwed oro ke usem Syria, enyuŋ esiak enye ke usem Syria.

ESTHER 1:1

EDIKEM ke eyo Ahasuerus (enye Ahasuerus edi edidem province ikie ye edip ye itiaba, ɔtɔŋɔde ke India tutu osim ke Ethiopia:)

MME ŊKE 22:21

Man nsian fi nte uyo akpanikɔ ɔsɔŋɔde; man afo ada uyo akpan-ikɔ afiak eketiŋ ɔnɔ andidɔŋ fi utom?

DANIEL 10:1

KE ɔyɔhɔ isua Cyrus edidem Persia ita, eyarare ŋkpɔ enɔ Daniel emi enyiŋ esie ekerede Belteshazzar; ndien ikɔ oro edi akpanikɔ, ekɔŋ onyuŋ okpon. Enye onyuŋ otim ɔfiɔk ikɔ oro, onyuŋ ɔwɔrɔ ɔniɔŋ ke ŋkukut oro.

DANIEL 11:25

Ndien enye eyedemere odudu esie ye esit esie aŋwana ye edidem edem usuk ke akamba udim mbon-ekɔŋ. Ndien edidem edem usuk eyemen idem ada akwa ye ɔkpɔsɔŋ udim eti-eti aŋwana ekɔŋ; edi enye idikemeke ndisɔŋɔ nda: koro mmɔ eyeduak uduak ebaŋa enye:

DANIEL 7:5

Ndien, sese, utɔŋɔ ntak unam eŋwen ebiet bear; enye onyuŋ emenere idem esie edem kiet; ɔkpɔ ŋkaŋ ita enyuŋ edu enye ke inua ke ufɔt edet esie: ndien ntem ke mmɔ edɔhɔ enye, ete, Daha ke enyɔŋ ta ediwak unam.

DANIEL 8:21

Odusu okpo ebot ŋko edi edidem Greece: ndien akamba nduk emi odude enye ke ufɔt enyin edi akpa edidem.

DANIEL 8:26

Ndien ŋkukut uwemeyo ye usenubɔk emi eketiŋde edi akpanikɔ; afo ndien da seal nim ŋkukut emi: koro eyedu ediwak usen.

DANIEL 8:4

Ŋkut okukim oro ke onuk aka edem usop-utin, ye edere, ye usuk; baba unam kiet eke ekemede ndida enye ke iso inyuŋ iduhe du, baba kiet eke anyaŋade ŋkpɔ osio enye ke ubɔk inyuŋ iduhe; enye onyuŋ anam se enye amade, onyuŋ akabare okpon.

AMOS 3:7

Koro Ɔbɔŋ Jehovah midinamke baba ŋkpɔ kiet, ke mibɔhɔke ini enye ayarade uduak esie ɔnɔ ikɔt esie mme prophet.

JOHN 10:35

Edieke Abasi okokotde mmɔ emi uyo Abasi osimde mmɔ ete, mme abasi (ndien ŋwed Abasi ikemeke ndikpu),

ERIYARARE 21:5

Anditie ke ebekpo onyuŋ ɔdɔhɔ ete, Sese, mmanam kpukpru ŋkpɔ edi mbufa. Enye onyuŋ ɔdɔhɔ ete, Wet: koro mme ikɔ emi edi akpanikɔ ye se owo okponimde.