DANIEL 11:16 - Edisana ñwed Abasi Ibom

¹⁶ Ndien enye emi otode edi ekɔŋ ye enye eyenam kpa nte enye amade, baba owo kiet eke edidade enye ke iso idinyuŋ iduhe: ndien enye eyeda ke isɔŋ inemesit, ubɔk esie eyenyuŋ abiat enye.

DANIEL 11:16 ပူးပေါင်းရင်းမြစ်များ

ISAIAH 8:8

ndien enye eyebe oduk ke Judah: eyetɔ onyuŋ asaŋa ebe, eyesim ke itɔŋ; ndien eritara mba esie eyedi se iyɔhɔde ubom isɔŋ fo, O Immanuel.

JEREMIAH 3:19

Edi ami ndɔhɔ nte, Ndinam didie nsin fi ke otu nditɔ mi, nnyuŋ nnɔ fi isɔŋ inemesit, kpa ata ediye udeme udim mme idut? Ndien ndɔhɔ nte, Kot mi, ete, Ete mi: kunyuŋ ufiak edem ukpɔŋ mi.

DANIEL 11:3

Ndien akamba edidem kiet eyeda, onyuŋ ada ubɔŋ ke akwa ubɔŋ, onyuŋ anam kpa nte enye amade.

DANIEL 11:36

Ndien edidem eyenam kpa nte enye amade, onyuŋ emenere idem esie ke enyɔŋ, onyuŋ onim idem esie ke akamba akan kpukpru abasi, onyuŋ etiŋ mme utibe ŋkpɔ abaŋa Abasi mme abasi, eyenyuŋ oforo tutu ikpahesit okure ama: koro enye eyenam se ekewukde.

DANIEL 11:41

Enye eyenyuŋ oduk ke edinem isɔŋ, ediwak owo eyeduɔŋɔ: edi mme mmɔ emi eyebɔhɔ enye ke ubɔk, kpa Edom, ye Moab, ye akpan owo nditɔ Ammon.

DANIEL 11:45

Ndien enye eyewuk mme tent ebiet-iduŋ esie ke ufaŋ mme inyaŋ ke ediye ye edisana obot; ndien enye eyesim utit esie, baba owo kiet eke anyaŋade enye iduhe.

DANIEL 5:19

ndien ubom oro Enye ɔkɔnɔde enye esin kpukpru mme idut ye obio ye usem edikhe enye, enyuŋ enyek ke iso esie; enye owot owo eke enye amade, onyuŋ ada owo eke enye amade onim ke uwem; ofori mmɔ eke enye amade, onyuŋ ɔsuhɔre mmɔ eke enye amade.

DANIEL 8:4

Ŋkut okukim oro ke onuk aka edem usop-utin, ye edere, ye usuk; baba unam kiet eke ekemede ndida enye ke iso inyuŋ iduhe du, baba kiet eke anyaŋade ŋkpɔ osio enye ke ubɔk inyuŋ iduhe; enye onyuŋ anam se enye amade, onyuŋ akabare okpon.

DANIEL 8:7

Ndien ŋkut nte enye osimde ɔtɔ okukim erɔŋ oro, onyuŋ ayat esit ye enye eti-eti, onyuŋ onuk okukim oro obuŋ nduk esie mbiba: okukim oro inyuŋ inyeneke odudu eke adade enye ke iso. Ndien enye onuk enye ɔduɔk ke isɔŋ, onyuŋ edigi enye: baba owo kiet eke anyaŋade okukim osio enye ke ubɔk inyuŋ iduhe.

DANIEL 8:9

Ndien nduk kiet eke oyomde ndikpri otibe ke mme mmɔ emi kiet, ndien enye ɔkɔri eti-eti, aka usuk, ye edem usiaha-utin, ye edem edinem isɔŋ.

JOSHUA 1:5

Baba owo kiet idibiɔŋɔke fi ke iso, ke ofuri ini uwem fo: nyedu ye afo kpa nte ŋkodude ye Moses: ndiyakke fi nduɔk, ndinyuŋ ŋkpɔŋke fi.