DANIEL 10:16 - Edisana ñwed Abasi Ibom

¹⁶ Ndien, sese, owo kiet emi ebietde nditɔ owo edi edituk mi ke mkpɔk-inua. Ndien ntat inua mi nnyuŋ ntiŋ ikɔ, ndien ndɔhɔ enye oro adade mi ke iso, nte, Ɔbɔŋ mi, ŋkukut esin ukut mi akabare oduk mi ke idem, ndien nnyeneke aba odudu.

DANIEL 10:16 ပူးပေါင်းရင်းမြစ်များ

EXODUS 4:10

Ndien Moses ɔdɔhɔ Jehovah, ete, Mbɔk, Ɔbɔŋ mi, ami ndige owo udɔn-ikɔ, akananam, ye idem ini emi afo ɔdɔhɔde ye owo fo: koro ami ndobide inua, nnyuŋ ndobide edeme.

EXODUS 4:13

Ndien enye ete, Mbɔk, Ɔbɔŋ mi, da ubɔk owo eke afo edidɔŋde, dɔŋ utom.

ECCLESIASTES 1:18

Koro ediwak mbufiɔk esin ediwak ukut: ndien owo eke ɔkɔde ifiɔk ɔkɔ ubiak.

ISAIAH 6:7

ndien enye ada enye otuk mi ke mkpɔk-inua, onyuŋ ɔdɔhɔ ete, Sese, emi omutuk fi ke mkpɔk-inua: omonyuŋ osio isop idiɔk ido fo.

JEREMIAH 1:9

Ndien Jehovah anyanare ubɔk esie otuk mi inua. Jehovah onyuŋ ɔdɔhɔ mi, ete, Sese, mmesin fi ikɔ mi ke inua.

EZEKIEL 1:26

Ndien ŋkpɔ eke ebietde itiat a-sapphire, mbiet ebekpo, odoro ke ikpa-enyɔŋ eke odude ibuot mmɔ ke enyɔŋ: mbiet eke etiede nte idem owo onyuŋ odoro ke mbiet ebekpo oro ke enyɔŋ esie.

EZEKIEL 3:27

Ndien ke adaŋemi ndɔhɔde ye afo, nyetat fi inua, ndien afo eyedɔhɔ ye mmɔ, ete, Ntem ke Ɔbɔŋ Jehovah ɔdɔhɔ, ete, Yak owo eke okopde okop; nyuŋ yak owo eke etrede etre; koro mmɔ edide ufɔk nsɔŋibuot.

EZEKIEL 33:22

Ndien ubɔk Jehovah edidoro mi ke idem ke mbubreyo, ke andibɔhɔ oro mikaidige kaŋa; onyuŋ atat mi inua, tutu enye osim mi ke usenubɔk; ntem ke inua mi atara, ndien ndige aba imum.

DANIEL 12:8

Ndien ami ŋkop, edi ntimke mfiɔk. Ndien ndɔhɔ nte, Ɔbɔŋ mi, utit ŋkpɔ emi edidi didie? Ndien enye ɔdɔhɔ, ete,

DANIEL 4:19

Ndien idem akpa Daniel emi ekerede Belteshazzar idaha kiet, ekikere enyuŋ etimere enye. Edidem ɔbɔrɔ onyuŋ ɔdɔhɔ, ete, Belteshazzar, kuyak ndap emi ye se enye ediwɔrɔde akpa fi idem. Belteshazzar ɔbɔrɔ, ete, Ɔbɔŋ mi, yak ndap emi enyene mmɔ eke esuade fi, yak ŋkpɔ emi enye ediwɔrɔde onyuŋ osim mbon-utɔk fo.

DANIEL 7:15

Ndien esit ayat mi Daniel ke esit idem mi, ŋkukut ibuot mi enyuŋ etimere mi.

DANIEL 7:28

Utit ikɔ osim emi. Ama edi ami Daniel, ekikere mi etimere mi eti-eti, iso onyuŋ ɔkpuhɔre mi, edi nnim ŋkpɔ oro ke esit mi.

DANIEL 8:15

Ndien edikem ke adaŋemi ami Daniel ŋkutde ŋkukut oro, nnyuŋ nyomde nditim mfiɔk, sese, se ibietde idem owo ada mi ke iso.

DANIEL 8:17

Ndien enye edi ke ɔtɔ ami ndade: ndien ke ini enye edide, ami ndikhe, nnyuŋ nduɔ ke isɔŋ ŋkubi iso mi; ndien enye ɔdɔhɔ mi, ete, Eyen owo, tim fiɔk ete ke ŋkukut emi aka ekperedem ini.

DANIEL 8:18

Ndien ke ini enye ɔdɔhɔde ye ami, ami ŋkubi iso mi ke isɔŋ nde ɔkpɔsɔŋ idap; ndien enye otuk mi, onyuŋ eneŋere mi onim ke itie mi.

DANIEL 8:27

Ndien idem akpa mi Daniel, udɔŋɔ onyuŋ anam mi ndusuk ini: edikem ŋkop idem, nnyuŋ nam utom edidem; ŋkukut oro onyuŋ enyene mi ndyɔ: edi baba owo kiet ifiɔkke enye.

DANIEL 9:21

ke ini ami nsuk ndɔhɔde ke akam mi, Gabriel owo oro ŋkokutde ke ŋkukut mi ke eritɔŋɔ, ɔsɔp efe edi edituk mi ke ini uwa mbubreyo.

LUKE 1:64

Ndien idem akpa mmɔ kpukpru. Idaha oro inua ye edeme esie atara, enye onyuŋ etiŋ ikɔ otoro Abasi.

LUKE 21:15

koro Ami nyenɔ mbufo inua ikɔ ye eti ibuot, eke kpukpru mme asua mbufo midikemeke ndikaŋ mme ndineni.

JOHN 20:28

Thomas ɔbɔrɔ Enye ete, Ɔbɔŋ mi ye Abasi mi.

JOSHUA 5:14

Ndien enye ete, Ih ih; koro ami ndi ke emi nte etubom mbon-ekɔŋ Jehovah. Ndien Joshua ɔduɔ ke isɔŋ okubi iso esie, atuak ibuot, onyuŋ obup enye, ete, Nso ke Ɔbɔŋ mi ɔdɔhɔ owo esie?

ERIYARARE 1:13

nnyuŋ ŋkut ke ufɔt udiɔk-utuenikaŋ oro Kiet, emi ebietde eyen owo, emi esinede ɔfɔŋidem emi ɔduɔde osim ukot, onyuŋ ɔbɔbɔde mbɔbɔ o-gold ke ikpanesit.

JUDGES 13:8

Ndien Manoah ekpe Jehovah ubɔk, onyuŋ ɔdɔhɔ ete, O Ɔbɔŋ mi, mbɔk, yak owo Abasi oro afo ɔkɔdɔŋde utom, ɔtɔŋɔ ntak edi ke ɔtɔ nnyin, editeme nnyin se nnyin idinamde ye eyen emi edimanade.

JUDGES 6:13

Ndien Gideon ɔdɔhɔ enye, ete, O Ɔbɔŋ mi, edieke Jehovah odude ye nnyin, anam didie, ndien, kpukpru ŋkpɔ emi enam nnyin? Enye ŋko kpukpru mme utibe ŋkpɔ esie oro mme ete nnyin ekebukde enɔ nnyin, ete, Nte Jehovah ikadaha nnyin ke Egypt idɔk? Edi ke emi Jehovah ɔmɔkpɔŋ nnyin, onyuŋ ayak nnyin esin ke ubɔk Midian.

JUDGES 6:15

Nte idige ami ndɔŋ fi? Ndien enye ɔbɔrɔ Enye, ete, O Ɔbɔŋ mi, ami ndida nso nnyaŋa Israel? Sese, tɔsin mi ekpri akan ke Manasseh; ami nnyun ndi eyenɔwɔŋ ke ufɔk ete mi.