DANIEL 1:4 - Edisana ñwed Abasi Ibom

⁴ nditɔ eke mibiomke baba ndo, eke enyuŋ eyede iso, enyuŋ edide ɔniɔŋ ke kpukpru oruk eti ibuot, enyuŋ efiɔkde ŋkpɔ, enyuŋ edide mme asian ke ifiɔk, eke enyuŋ enyenede ukeme nte edidade ke akwa ufɔk edidem, eke edinyuŋ ekpepde mmɔ ŋwed ye usem mme Chaldean.

DANIEL 1:4 ပူးပေါင်းရင်းမြစ်များ

GENESIS 41:46

Ndien Joseph osim isua edip ye duop ke ini enye adade ke iso Pharaoh edidem Egypt. Ndien Joseph adaha ke iso Pharaoh, onyuŋ asaŋa ebe ke ofuri isɔŋ Egypt.

2 SAMUEL 14:25

Baba owo kiet eke eyede nte Absalom inyuŋ iduhe ke ofuri Israel, emi etorode eti-eti: ɔtɔŋɔde ke ikpat ukot esie tutu osim ke etiŋe ibuot enye inyeneke baba ndo kiet.

MME ŊKE 22:29

Nte afo okut owo eke ɔsɔpde ubɔk ke utom esie? Enye eyeda ke iso mbɔŋ: ididaha ke iso mbukpo owo.

ECCLESIASTES 7:19

Eti ibuot anam enyene-ibuot owo ɔsɔŋ akan mbɔŋ duop eke edude ke obio.

ISAIAH 36:11

Ndien Eliakim, ye Shebna, ye Joah edɔhɔ Rabshakeh, ete, Mbɔk, sem usem Syria nɔ nnyin ikɔt fo: koro nnyin ikopde enye: ndien kudɔhɔ ye nnyin ke usem mme Jew usin ke utɔŋ mme mmɔ emi edude ke enyɔŋ ibibene.

JEREMIAH 5:15

Jehovah ɔdɔhɔ ete, Sese, ami mmɔŋ nda idut ke anyan ebiet ndi ntiene mbufo, O ufɔk Israel: idut oro edi ɔkpɔsɔŋ, idut oro oto ke eyo oko, afo udufiɔkke usem idut oro, udunyuŋ ukopke se mmɔ edidɔhɔde.

DANIEL 2:10

Mme Chaldean ebɔrɔ ke iso edidem enyuŋ edɔhɔ, ete, Baba owo eke ekemede ndisiak ŋkpɔ edidem kiet iduhe ke ererimbot: mmɔdo baba akamba ye ɔkpɔsɔŋ edidem kiet akanam ibupke baba owo ŋwed ye abia-idiɔŋ ye Chaldean kiet utɔ ikɔ emi.

DANIEL 2:2

Ndien edidem ɔnɔ uyo, ete ekot mbon-ŋwed ye mbia-idiɔŋ, ye mbia-mfa, ye mme Chaldean edi edisian edidem ndap esie. Ndien mmɔ edi edida ke iso edidem.

DANIEL 3:8

Mmɔdo ndo-ndo oro ndusuk owo mme Chaldean esaŋa ekpere edibia mme Jew.

DANIEL 4:7

Ndien mbon-ŋwed, ye mbia-idiɔŋ, ye mme Chaldean, ye mbia-mfa eduk edi: ndien ami ntiŋ ndap oro ke iso mmɔ: edi mmɔ isianke mi nte ediwɔrɔde.

DANIEL 5:11

owo kiet odu ke obio fo emi spirit edisana Abasi odude enye ke idem; ndien ke eyo usɔ ke ekekut ete ke ɔniɔŋ ye eti ibuot ye ifiɔk emi ebietde ifiɔk Abasi, edu enye ke idem: ndien edidem Nebuchadnezzar usɔ, kpa usɔ edidem okonim ndien enye ke etubom mbon-ŋwed, ye mbia-idiɔŋ, ye mme Chaldean, ye mbia-mfa:

DANIEL 5:7

Edidem ofiori ɔkpɔsɔŋ, ete eda mbia-idiɔŋ ye mme Chaldean ye mbia-mfa eduk. Edidem ɔbɔrɔ onyuŋ ɔdɔhɔ mme ɔfiɔkŋkpɔ owo Babylon, ete, Owo ekededi ama okot ŋwed emi, onyuŋ asiak enye ɔnɔ mi, eyesine purple ke idem, onyuŋ ɔkɔŋɔ ŋkpɔkɔbi gold ke itɔŋ, onyuŋ ada ɔyɔhɔ itie ubɔŋ ita ke obio.

DANIEL 9:1

KE akpa isua Darius eyen Ahasuerus, emi okotode ke ubon nditɔ Media, emi ekenimde enye ke edidem mme Chaldean:

ZECHARIAH 2:4

Ndien ɔdɔhɔ enye, ete, Fehe kɔdɔhɔ akparawa emi, ete Jerusalem eyeduŋ obio-iŋwaŋ, oto ke uwak owo ye eke ufene eke edude ke esit.

UTOM MME APOSTLE 7:20

Ke ini oro Moses amana, enye onyuŋ eye eti-eti: enyuŋ ebɔk enye ke ɔfiɔŋ ita ke ufɔk ete esie:

UTOM MME APOSTLE 7:22

Ndien ekpep Moses ofuri ifiɔk nditɔ Egypt; enye onyuŋ edi ɔkpɔsɔŋ owo ke ikɔ-inua ye ke ubɔk-utom.

ŊWED MBON EPHESUS 5:27

anam enye asana; man akpada enye ɔnɔ Idem Esie nte ufɔk Abasi emi ɔyɔhɔde ye ubɔŋ, minyuŋ inyeneke ntɔi mme eriŋwine mme oruk ŋkpɔ eke etiede ntre; edi man enye asana onyuŋ anana ndo.

JUDGES 8:18

Ndien enye ɔdɔhɔ Zebah ye Zalmunna, ete, Mbio oro mbufo ekewotde ke Tabor, eketie didie? Ndien mmɔ ebɔrɔ ete, Nte afo etiede, kpa ntre ke mmɔ eketie; kpukpru mmɔ eye uyai nte nditɔ edidem.