DANIEL 1:19 - Edisana ñwed Abasi Ibom

¹⁹ Ndien edidem eneme nneme ye mmɔ; ndien enye ikwe baba owo kiet eke ebietde Daniel, ye Hananiah ye Mishael ye Azariah ke otu mmɔ kpukpru: ndien mmɔ eda ke iso edidem.

DANIEL 1:19 ပူးပေါင်းရင်းမြစ်များ

GENESIS 41:46

Ndien Joseph osim isua edip ye duop ke ini enye adade ke iso Pharaoh edidem Egypt. Ndien Joseph adaha ke iso Pharaoh, onyuŋ asaŋa ebe ke ofuri isɔŋ Egypt.

1 NDIDEM 17:1

EKEM Elijah Tishbite emi otode ke mme andiduŋ Gilead, ɔdɔhɔ Ahab, ete Ma uwem Jehovah Abasi Israel, emi ndade enye ke iso, mbara ye edim ididuhe ke mme isua emi, ke mitoho ke uyo mi.

MME ŊKE 22:29

Nte afo okut owo eke ɔsɔpde ubɔk ke utom esie? Enye eyeda ke iso mbɔŋ: ididaha ke iso mbukpo owo.

JEREMIAH 15:19

Mmɔdo ntem ke Jehovah ɔdɔhɔ, ete, Edieke afo afiakde edi, nyeda fi mfiak ndien, afo eyeda ke iso mi: ndien edieke afo osiode ŋkpɔ-uto ke ŋkpɔ ndek efep, afo eyekabare nte inua mi. Mmɔ eyefiak etiene fi; edi afo udufiakke utiene mmɔ.

DANIEL 1:18

Edikem ke utit ini emi edidem ɔkɔdɔhɔde, ete eda mmɔ edi, ndien etubom mme eunuch ada mmɔ edi ke iso Nebuchadnezzar.

DANIEL 1:4

nditɔ eke mibiomke baba ndo, eke enyuŋ eyede iso, enyuŋ edide ɔniɔŋ ke kpukpru oruk eti ibuot, enyuŋ efiɔkde ŋkpɔ, enyuŋ edide mme asian ke ifiɔk, eke enyuŋ enyenede ukeme nte edidade ke akwa ufɔk edidem, eke edinyuŋ ekpepde mmɔ ŋwed ye usem mme Chaldean.

DANIEL 1:5

Ndien edidem eteme, ete enɔ mmɔ udeme udia edidem ye eke wine emi enye ɔŋwɔŋde, nte ekemde kpukpru usen; enyuŋ ebɔk mmɔ ntem ke isua ita, man adaŋemi isua ita ebede, mmɔ ekpeda ke iso edidem.

DANIEL 1:6

Ndien Daniel ye Hananiah ye Mishael ye Azariah emi etode ke nditɔ Judah, edu ke otu mmɔ:

DANIEL 1:7

ndien etubom mme eunuch osio mmɔ enyiŋ: osio Daniel Belteshazzar; onyuŋ osio Hananiah Shadrach; onyuŋ osio Mishael Meshach; onyuŋ osio Azariah Abed-nego.

DANIEL 2:13

Ndien etaŋa ewuhɔ, ete ewot mme ɔfiɔkŋkpɔ owo oro: ndien mmɔ eyom Daniel ye mme nsaŋa esie, ete iwot mmɔ.

DANIEL 3:29

Ami nnyuŋ ŋwuk ewuhɔ, nte ke eyeda idut, ye obio, ye usem eke etiŋde se minenke edian Abasi Shadrach ye Meshach ye Abednego, ekpok mmɔ mbak-mbak, enyuŋ enim ufɔk mmɔ ke ekwe: koro baba Abasi efen eke ekemede ndinyaŋa ntem miduhe.