DANIEL 1:1 - Edisana ñwed Abasi Ibom

¹ KE ɔyɔhɔ isua ita nte Jehoiakim edidem Judah akada ubɔŋ, Nebuchadnezzar edidem Babylon edi ke Jerusalem edikan enye okuk.

DANIEL 1:1 ပူးပေါင်းရင်းမြစ်များ

2 NDIDEM 23:36

Jehoiakim osim isua edip ye ition ke ini enye adade ubɔŋ; ndien edi edidem ke Jerusalem ke isua duopekiet: ndien enyiŋ eka esie ekere Zebidah, eyen Pedaiah a Rumah.

2 NDIDEM 24:13

Enye onyuŋ osio do kpukpru ŋkpɔ uto ufɔk Jehovah, ye ŋkpɔ uto ufɔk edidem, onyuŋ adianare gold efep ke kpukpru ŋkpɔ oro Solomon edidem Israel akanamde ke ufɔk Jehovah, kpa nte Jehovah ɔkɔdɔhɔde.

ISAIAH 39:7

Baba ŋkpɔ kiet idisuhɔke. Ndien mmɔ eyeda ndusuk nditɔ fo, eke editode fi ke idem, eke afo edibonde, efep; ndien mmɔ eyedi eunuch ke ufɔk edidem Babylon.

JEREMIAH 25:1

IKƆ emi okosim Jeremiah abaŋa ofuri mbio Judah ke ɔyɔhɔ isua Jehoiakim eyen Josiah, edidem Judah, inaŋ, enye edi akpa isua Nebuchadnezzar edidem Babylon:

JEREMIAH 35:1

IKƆ emi okoto Jehovah osim Jeremiah, ke eyo Jehoiakim eyen Josiah edidem Judah, ete,

JEREMIAH 35:11

Edikem ke ini Nebuchadrezzar edidem Babylon ɔdɔkde edi ke edem emi, nnyin idɔhɔ, ite, Yak nnyin ika Jerusalem, ibak mbon-ekɔŋ Babylon, ibak mbon-ekɔŋ Syrian ŋko: ntem ke nnyin iduŋ ke Jerusalem.

JEREMIAH 36:1

EDIDEM ke ɔyɔhɔ isua Jehoiakim eyen Josiah edidem Judah inaŋ, uyo emi oto Jehovah osim Jeremiah, ete,

JEREMIAH 45:1

IKƆ emi ke Jeremiah prophet eketiŋ ɔnɔ Baruch eyen Neriah, ke ini enye ɔbɔde Jeremiah ikɔ emi ke inua ewet ke ŋwed, ke ɔyɔhɔ, isua Jehoiakim eyen Josiah, edidem Judah, inaŋ, ete,

JEREMIAH 50:1

UYO emi ke Jehovah ɔkɔdohɔ abaŋa Babylon ye isɔŋ mme Chaldean ke ubɔk Jeremiah prophet.

JEREMIAH 52:12

Ekem ke ɔyɔhɔ ɔfiɔŋ ition, ke ɔyɔhɔ usen ɔfiɔŋ duop, oro edi ɔyɔhɔ isua ɔbɔŋ Nebuchadrezzar edidem Babylon efurenaŋ, Nebu-zaradan etubom mbon ukpeme edidem, emi asaŋade utom edidem Babylon, edisim Jerusalem;

JEREMIAH 52:28

Mme mmɔ emi edi mmɔ oro Nebuchadrezzar akataŋde efep: ke ɔyɔhɔ isua itiaba, tɔsin Jew ita ye owo edip ye ita:

DANIEL 5:13

Ndien eda Daniel edi ke iso edidem. Edidem ɔbɔrɔ onyuŋ ɔdɔhɔ Daniel, ete, Ndi afo edi Daniel emi otode ke otu nditɔ Judah emi eketaŋde edi, emi edidem ete mi akadade ke Judea edi?