AMOS 9:9 - Edisana ñwed Abasi Ibom

⁹ Jehovah ɔdɔhɔ. Koro, sese, ami nyewuk, nyenyuŋ nsak ufɔk Israel nsin ke otu kpukpru mme idut, kpa nte emi esakde (ŋkpɔ) ke usak-ŋkpɔ, ndien baba ŋkeŋe kiet ididuɔhɔ ke isɔŋ.

AMOS 9:9 ပူးပေါင်းရင်းမြစ်များ

ISAIAH 27:12

Ndien ama ekem ke usen oro, Jehovah eyetuak, ɔtɔŋɔde ke isɔŋ akpa tutu osim ke idim Egypt, ndien eyetaŋ mbufo kiet kiet ebon, O nditɔ Israel.

ISAIAH 28:28

Enyene ndinuak ibokpot uyo, koro minyimeke ndibek enye ke nsinsi; enye anam wheel ukpat-ŋkpɔ esie oyut ke esit, edi iyakke mme horse esie enuak enye.

ISAIAH 30:28

Ndien ibifik esie ebiet akpa mmɔŋ eke ɔyɔhɔde, enye eyebahare osim kpa ke itɔŋ, man enye asak mme idut ke usak-ŋkpɔ nsu: uruk eke anamde mmɔ edue eyenyuŋ eyire mme idut ke mbaŋ:

JEREMIAH 31:36

Mme ewuhɔ emi ema edaŋa mi ke iso, ndien ubon Israel eyetre ndidi idut ke iso mi ke nsinsi, ke edi uyo Jehovah.

JEREMIAH 46:28

Jehovah ɔdɔhɔ ete, Afo owo mi Jacob, kufehe: koro ami ndude ye afo: koro nyesobo kpukpru mme idut emi ŋkebinde fi nsin do: edi ndisoboke fi mma, edi nyetunɔ fi ke ufat; ndien ndiyakke fi ɔbɔhɔ ikpikpu.

JEREMIAH 49:36

Ndien nyeda ofum mbinaŋ ke edem ikpa enyɔŋ mbinaŋ ntiene Elam; ndien nyesuan mmɔ nsin ke kpukpru ofum emi; ndien idut eke mbon itɔk Elam midisimke do ididuhe.

EZEKIEL 20:38

ndien nyekpɔri mbon nsɔŋ-ibuot ke otu mbufo mfep, ye mmɔ emi eduede mi: nyesio mmɔ ke isɔŋ emi mmɔ eduŋde ke esit, ndien mmɔ ididukke ke isɔŋ Israel. Ndien mbufo eyefiɔk ete ke ami ndi Jehovah.

EZEKIEL 36:19

ndien nsuan mmɔ ke otu mme idut, enyuŋ ewari mmɔ ke otu mme obio: ami nnam ikpe ye mmɔ nte ekemde ke usuŋ mmɔ.

EZEKIEL 39:28

Ndien mmɔ eyefiɔk ete ke ami ndi Jehovah Abasi mmɔ, koro ŋkayakde etaŋ mmɔ efep enɔ mme idut: ndien mmataŋ mbon ke isɔŋ mmɔ, nnyuŋ ŋkpɔŋke aba owo mmɔ ndomo kiet do.

EZEKIEL 5:10

Mmɔdo mme ete eyeta nditɔ ke ufɔt fo, nditɔ eyenyuŋ eta mme ete mmɔ; nyenyuŋ ŋkpe ikpe ke otu mbufo, nnyuŋ ŋkpɔri ofuri nsuhɔ fo mfep nsin ke kpukpru mme ofum.

EZEKIEL 5:12

Ɔyɔhɔ ubak mbufo ita eyekpaŋa ke udɔŋɔ, eyenyuŋ ekpa idem ke akaŋ ke otu mbufo; ɔyɔhɔ ubak ita eyenyuŋ ekpaŋa ke ofut ekan mbufo ekuk; nyenyuŋ nsuan ɔyɔhɔ ubak ita nsin ke kpukpru mme ofum, nnyuŋ nsio ofut mbine mmɔ.

LEVITICUS 26:33

Nyenyuŋ nsuan mbufo ke otu mme idut, nnyuŋ ndabare ofut mbine mbufo; ndien isɔŋ mbufo eyedobo, mme obio mbufo eyenyuŋ ewure.

LUKE 22:31

Simon, Simon, sese, Satan ekebeŋe mbufo ɔbɔ, man asak mbufo nte ibokpot: edi ŋkekpe ubɔk nnɔ fi,

DEUTERONOMY 28:64

Ndien Jehovah eyesuan fi ke oto kpukpru mme idut, ɔtɔŋɔde ke utit ererimbot oko, tutu osim ke utit ererimbot eken; ndien do ke afo edinam ŋkpɔ mme abasi efen, eke afo ye mme usɔ mikɔfiɔkke, eke eto ye itiat.