AMOS 9:2 - Edisana ñwed Abasi Ibom

² Mmɔ ekpetibi eduk ke hell, ubɔk mi okposio mmɔ do; ekpenyuŋ edɔk ke enyɔŋ, ŋkpanam mmɔ eto do esuhɔre.

AMOS 9:2 ပူးပေါင်းရင်းမြစ်များ

ŊWED JOB 20:6

Idaha esie ama okoŋ nte enyɔŋ, ibuot esie ama onyuŋ osime ikpa-enyɔŋ:

ŊWED JOB 22:13

Afo onyuŋ ɔdɔhɔ ete, “Abasi ɔfiɔk nso ŋkpɔ? Nte enye ekeme nditie ke edem ɔkpɔsɔŋ ekim ŋkpe ikpe?

ŊWED JOB 24:23

Enye (Abasi) ɔnɔ enye ifure, ndien enye eberi edem; Enye onyuŋ etiŋ enyin ke usuŋ mmɔ.

ŊWED JOB 26:6

Obio ekpo ana iŋwaŋ ke iso esie, ŋkpɔ eke ofukde Nsobo inyuŋ iduhe du.

ŊWED JOB 34:22

Ekim iduhe, mfut mkpa inyuŋ iduhe, eke mme anam-idiɔk ekemede ndidibe do.

ISAIAH 2:19

Ndien mmɔ eyeduk ke aba itiat, ye ke ndudu isɔŋ, ebaŋa ndik Jehovah, ye ubom ubɔŋ esie, ke ini enye adahade ke enyɔŋ ndidikhe isɔŋ.

JEREMIAH 49:16

Ndik fo ye iseŋ esit fo emebiaŋa fi, afo emi oduŋde ke nsiaha itiat, emi adade enyɔŋ obot enyene: koro afo onimde efɔk fo ke enyɔŋ nte ntrukpom, nyesio fi ke esit nsuhɔre: uyo Jehovah edi emi.

JEREMIAH 51:53

Koro Babylon ɔdɔkde ke enyɔŋ, koro enye onyuŋ ɔsɔŋɔde edikoŋ odudu esie, owo eke edibiatde eyeto mi esim enye. Emi edi uyo Jehovah.

EZEKIEL 26:20

ke ndidade fi nsuhɔre ye mmɔ eke esuhɔrede ke obube, ke ɔtɔ mbon eset, nyenyuŋ nnam fi oduŋ ke ata idak isɔŋ ke ebiet oro ekebiarade tutu ko; ye mmɔ eke esuhɔre ke obube, man owo okuduŋ fi ke esit; man ŋkunim fi ke ubɔŋ ke isɔŋ mme odu-uwem.

EZEKIEL 31:14

Man baba eto mmɔŋ kiet okumenere idem ke enyɔŋ abaŋa idaha mmɔ, ekunyuŋ esin nsom mmɔ ke ufɔt mbubit enyɔŋ; man baba mme ɔŋwɔŋ mmɔŋ kiet okudoro ke idem mmɔ abaŋa idaha mmɔ: koro edade kpukpru mmɔ eyak enɔ mkpa, esin ke idak isɔŋ, ke otu nditɔ owo, ye mmɔ eke esuhɔrede ke obube.

OBADIAH 1:4

Jehovah ɔdɔhɔ, ete Afo ama onim efɔk fo edikoŋ nte ntrukpom, onyuŋ onim enye ke otu ntantafiɔŋ, nyesio fi do nsuhɔre nnim.

LUKE 10:18

Edi Enye ɔdɔhɔ mmɔ ete,Mma ŋkut Satan otode ke enyɔŋ ɔduɔ nte emireŋ-mireŋ.