AMOS 8:3 - Edisana ñwed Abasi Ibom

³ Ɔbɔŋ Jehovah onyuŋ ɔdɔhɔ, ete, Ikwɔ ufɔk edidem eyedi eseme ke usen oro: mme okpo ewak! men mmɔ duɔk ke ebiet ekededi: dop uyo!

AMOS 8:3 ပူးပေါင်းရင်းမြစ်များ

ŊWED MME PSALM 39:9

Ntie imum, ntatke inua mi: koro edide afo akanam.

ISAIAH 37:36

Ndien angel Jehovah ɔwɔrɔ okowot tɔsin owo itie ikie ye anaŋ, ye tɔsin owo ition, ke nna-ekɔŋ Assyria; ndien ke mmɔ ebakde edemere ke usenubɔk, sese, kpukpru mmɔ edi okpo-okpo.

JEREMIAH 22:18

Mmɔdo ntem ke Jehovah ɔdɔhɔ abaŋa Jehoiakim eyen Josiah edidem Judah, ete, Mmɔ idituaha enye, ite, O eyen-eka mi! ye, Ah eyen-eka aŋwan! idinyuŋ ituaha enye, ite, Ah Ɔbɔŋ! ye, Ah ubɔŋ esie!

ŊWED ESEME 2:10

Mbiowo adiaha Zion etie ke isɔŋ, edop uyo: mmɔ emen ntan eduɔk ke ibuot mmɔ; emebɔbɔ ɔfɔŋ-ikpo ke idem: nditɔ iban Jerusalem etuk ibuot mmɔ ese isɔŋ.

JOEL 1:11

Mbufo mbon-iŋwaŋ eda but; mbufo mme andidiɔŋ iŋwaŋ-vine eseme ebaŋa wheat ye barley; koro ukpeŋe iŋwaŋ atakde.

JOEL 1:13

Mbufo mme oku ebɔbɔ mbɔbɔ, enyuŋ etuaŋa: mbufo mme anam-ŋkpɔ itie-uwa eseme: mbufo mme anam-ŋkpɔ Abasi mi edi edina ke ɔfɔŋ-ikpo ke ofuri okoneyo: koro ebɔde ufɔk Abasi mbufo inuak-udia ye uwa ediŋwɔŋ-ŋkpɔ efep.

JOEL 1:5

Mbufo mbon mmin edemere enyuŋ etua eyet; kpukpru mbufo mme ɔŋwɔŋ-wine, enyuŋ eseme ebaŋa obufa wine: koro emesibe enye ke inua mbufo efep.

LEVITICUS 10:3

Ndien Moses ɔdɔhɔ Aaron ete, Emi edi se Jehovah ɔdɔhɔde ete, Kpukpru mmɔ eke esaŋade ekpere mi, enyene ndise mi ke edisana, enyuŋ enyene ndikpono mi ke iso kpukpru owo. Ndien Aaron odop uyo.

AMOS 4:10

Ŋkɔdɔŋ idiɔk udɔŋɔ etiene mbufo, kpa nte ŋkanamde ke Egypt: ŋwot mkparawa mbufo ke ofut, nnyuŋ ntaŋ mme horse mbufo mfep; nnyuŋ nnam utebe nna-ekɔŋ mbufo ɔdɔk oduk mbufo ke ibuo: edi mbufo ifiakke edem itiene mi; uyo Jehovah edi emi.

AMOS 5:16

Mmɔdo ntem ke Jehovah Abasi mme udim, Ɔbɔŋ, ɔdɔhɔ, ete, Ntuaŋa odu ke kpukpru mme aŋwa; mmɔ enyuŋ edɔhɔ, ete, “Mbɔm! mbɔm!” ke kpukpru efak; mbufo ekot mbio iŋwaŋ edi eseme, enyuŋ ekot mmɔ eke efiɔkde ikwɔ edi ntuaŋa.

AMOS 5:23

Men uyom ikwɔ fo fep kpɔŋ mi; ndien nyomke ndikop ikwɔ ndido fo.

AMOS 6:4

eke enade ke bed oduk-enin, enyuŋ enyanarede ena ke mkpana mmɔ, enyuŋ etade nditɔ-erɔŋ eke etode ke ŋkpri ufene, ye nditɔ-enaŋ eke etode ke ebiet ŋkuhɔ;

AMOS 6:5

eke ekwɔde harp ebɔ: mmɔ esin ibuot enam ndido idem mmɔ, nte David;

AMOS 6:8

Ɔbɔŋ Jehovah otomo idem esie, ete, Ntem ke Jehovah Abasi mme udim ɔdɔhɔ, ete, Ami nse iseri Jacob ke mbubiam, nnyuŋ nsua ikpɔ ufɔk esie: ndien nyeda obio ye se iyɔhɔde ke esit nyak nnɔ.

AMOS 8:10

ndien nyekabare usɔrɔ mbufo nsin ke ntuaŋa, ye kpukpru ikwɔ mbufo nsin ke eseme; ndien nyeda ɔfɔŋ-ikpo nsine kpukpru owo ke isin; nnyuŋ ndori ibɔ ke kpukpru ibuot, nnyuŋ nnim enye ke ntuaŋa ikpɔŋ eyen: ndien utit esie eyedi ndot-ndot usen.

NAHUM 3:3

mbon horse ke edɔk: ofut esem: eduat emineŋ: afai okpon; mme okpo ewak; mme okpo ekan ibat: etuak ukot ke mme okpo mmɔ eduɔŋɔ.

ZEPHANIAH 1:7

Dop uyo ke iso Ɔbɔŋ Jehovah: koro usen Jehovah emekpere: koro Jehovah omowuk uwa: omotim mmɔ emi enye okokotde.