AMOS 8:2 - Edisana ñwed Abasi Ibom

² Ndien enye ɔdɔhɔ ete, Afo okut nso ŋkpɔ, Amos? Ndien mbɔrɔ nte, Edidat mfri ke akpan. Ndien Jehovah ɔdɔhɔ mi, ete, Utit omosim ikɔt mi Israel; ndiyɔhɔ aba mmɔ.

AMOS 8:2 ပူးပေါင်းရင်းမြစ်များ

GENESIS 6:13

Ndien Abasi ɔdɔhɔ Noah, ete, Utit kpukpru obuk owo emedi ke iso mi, koro oto mmɔ afai ɔyɔhɔ ke isɔŋ; ndien, sese, ami mmɔŋ nsobo mmɔ ye isɔŋ.

ISAIAH 28:4

Ndien ediyemere flower ediye mbana esie emi odorode ke ibuot eti itihere isɔŋ esie, eyebiet ŋwara-ndat fig ke ini utet mika-ikemke kaŋa: emi andise okutde, ndien ke osuk odude ke ubɔk esie, emen enye adia.

JEREMIAH 40:10

Ndien ama edi ami, sese, ami nduŋ ke Mizpah, man ndiɔŋ mme Chaldean eke edisimde nnyin itie; edi mbufo etaŋ wine ye mfri eto nda-eyo ye aran, esin ke ŋkpɔ mbufo, enyuŋ eduŋ ke mme obio mbufo emi mbufo edade.

JEREMIAH 5:31

mme prophet etiŋ prophecy nsunsu, mme oku enyuŋ eda ubɔk mmɔ ekan obio; ikɔt mi enyuŋ ema ntre: ndien mbufo edinam didie ke ukperedem esie?

ŊWED ESEME 4:18

Mmɔ ebine ikpat nnyin, ndien nnyin ikemeke ndisaŋa ke aŋwa nnyin: utit nnyin emekpere, mme usen nnyin emeyɔhɔ: koro utit nnyin emedi.

EZEKIEL 12:23

Dɔhɔ mmɔ ndien, ete, Ntem ke Ɔbɔŋ Jehovah ɔdɔhɔ, ete, Mmɔŋ nnam ŋke emi etre, ndien mmɔ iditopke aba enye ke Israel; edi dɔhɔ mmɔ, Mme usen ke ekpere, ye uyo kpukpru ŋkukut.

EZEKIEL 29:8

Mmɔdo ntem ke Ɔbɔŋ Jehovah ɔdɔhɔ ete, Sese, mmɔŋ nda ofut ntiene fi, nyenyuŋ nsibe fi owo ye ufene mfep.

EZEKIEL 3:10

Ndien enye ɔdɔhɔ mi, ete, Eyen owo, da kpukpru ikɔ mi emi nditiŋde nnɔ fi sin ke esit fo, nyuŋ kop mmɔ ke utɔŋ fo.

EZEKIEL 3:7

Edi ufɔk Israel inyimeke ndikop uyo fo: koro mmɔ minyimeke ndikop uyo mi; koro ofuri ufɔk Israel esɔŋɔde ɔkpɔ-iso enyuŋ etunde esit.

EZEKIEL 7:6

Idiɔk-ŋkpɔ, idiɔk-ŋkpɔ kierakiet, sese, emedi, utit emedi, utit emedi; emedemere ebet fi, sese, emedi.

EZEKIEL 8:12

Ndien enye obup mi, ete, Eyen owo, nte afo omokut se mbiowo Israel enamde ke ekim, kpukpru kiet kiet ke ubet mbiet ŋkpɔ mmɔ? koro mmɔ edɔhɔde, ete, Jehovah ikwe nnyin; Jehovah ɔmɔkpɔŋ edem emi.

EZEKIEL 8:17

Ndien enye obup mi, ete, Eyen owo, nte afo omokut? Nte ufɔk Judah ese erinam mbubiam emi mmɔ enamde mi ke ekpri ŋkpɔ? koro mmɔ edade ŋkanubɔk eyɔhɔ ke isɔŋ, enyuŋ efiak edem eyat mi esit: ndien, sese, mmɔ ke edian ikɔŋ ke ibuo mmɔ.

EZEKIEL 8:6

Ndien enye ɔdɔhɔ mi, ete, Eyen owo, nte afo omokut se mmɔ enamde? ikpɔ mbubiam ŋkpɔ emi ufɔk Israel enamde mi, man ŋkpɔŋ edisana ebiet mi anyan usuŋ? edi tɔŋɔ ntak kabare, ndien afo eyekut ikpɔ mbubiam ŋkpɔ efen.

HOSEA 9:7

Mme usen ufen emedi, mme usen usiene emedi; Israel eyefiɔk: prophet edi owo ndisime, owo spirit adama idat, kabaŋa akamba idiɔk ido fo ye akwa usua.

AMOS 7:8

Ndien Jehovah obup mi, ete, Afo okut nso ŋkpɔ, Amos? Ndien mbɔrɔ, nte, Uruk ŋket. Ndien Ɔbɔŋ ɔdɔhɔ, ete, Sese, mmɔŋ nsin uruk ŋket ke otu ikɔt mi Israel: ndinyuŋ mbehe aba mmɔ.

AMOS 8:1

NTEM ke Ɔbɔŋ Jehovah owut mi ŋkpɔ, ndien, sese, edidat mfri ke akpan.

MICAH 7:1

ƆDƆDIƆK ye ami! koro ntiede nte etetde ndat-ndat mfri: mbiet ŋkeŋe-ŋkeŋe mfri vine: baba etuek kiet eke owo adiade iduhe: baba akpa ndat fig eke ɔdɔŋde mi ukpɔŋ.

ZECHARIAH 5:2

Ndien enye ɔdɔhɔ mi, ete, Afo okut nso ŋkpɔ? Ndien mbɔrɔ nte, Ami mmokut ikpa-ŋwed eke efede, uniɔŋ esie edi ibio-idomo-okuk edip, ubara esie ŋko edi ibio-idomo-okuk duop.