AMOS 8:14 - Edisana ñwed Abasi Ibom

¹⁴ emi etomode isop Samaria, enyuŋ edɔhɔde, ete, Ma uwem Abasi fo, O Dan! edɔhɔ ete, Ma uwem usuŋ Beer-sheba; ndien mmɔ eyeduɔŋɔ ke isɔŋ, ndien ididahake aba ke enyɔŋ.

AMOS 8:14 ပူးပေါင်းရင်းမြစ်များ

1 NDIDEM 12:32

Ekem Jeroboam onim usɔrɔ ke ɔyɔhɔ ɔfiɔŋ itiaita, ke ɔyɔhɔ usen ɔfiɔŋ efut, ebiet usɔrɔ emi odude ke Judah, onyuŋ awa uwa ke itie uwa. Ntem ke enye akanam ke Bethel, ke awa uwa ɔnɔ nditɔ-enaŋ oro enye akanamde: onim ke Bethel.

1 NDIDEM 14:16

Ndien enye eyeyak Israel ɔnɔ, abaŋa mme idiɔk ido Jeroboam emi ɔkɔdiɔkde, emi okonyuŋ anamde Israel ediɔk.

1 NDIDEM 16:24

Ndien enye edep obot Samaria ye Shemer ke talent silver iba, onyuŋ ɔbɔp (obio) ke obot oro, onyuŋ ada enyiŋ Shemer, andinyene obot, osio obio oro enye ɔkɔbɔpde, okot ete Samaria.

2 NDIDEM 10:29

Edi ama edi mme idiɔk-ŋkpɔ Jeroboam eyen Nebat, emi enye akadade anam Israel edue, Jehu ikabakede ikpɔŋ mmɔ, kpa nditɔ-enaŋ o gold oro edude ke Bethel, ye eke edude ke Dan.

2 CHRONICLES 36:16

edi mmɔ esak mme isuŋ-utom Abasi, enyuŋ esin ikɔ esie ke ndek, enyuŋ esuŋi mme prophet esie, tutu Jehovah obumere iyaresit ye ikɔt esie, tutu inyeneke erikure.

ŊWED MME PSALM 140:10

Eyetop ifia ikaŋ eduɔk mmɔ ke idem: enye eyemen mmɔ ɔduɔŋɔ ke ikaŋ, ye ke udem: mmɔ ididahake ke enyɔŋ.

ŊWED MME PSALM 36:12

Do ke mme abak-ibak eduɔŋɔ: etɔ mmɔ eduɔk ke isɔŋ, ndien mmɔ idikemeke ndidaha ke enyɔŋ.

MME ŊKE 24:16

Koro eti owo ɔduɔde utim ikatiaba, ndien adaha ke enyɔŋ: edi mme idiɔk owo eyetuaha ke idiɔk.

MME ŊKE 29:1

OWO eke ewakde ndidua-ri enye, ndien enye ɔsɔŋ obot itɔŋ, eyebiara usɔp-usɔp, ndien ididige nte ekɔkde enye.

ISAIAH 24:20

Ererimbot eteteŋ nte owo mmin, onyuŋ ofofum nte hammock; isop esie onyuŋ odobi enye ke edem; ndien enye ɔduɔ, idinyuŋ idahake aba ke enyɔŋ.

ISAIAH 43:17

Emi osiode chariot ye horse, mbon-ekɔŋ ye odudu; mmɔ eyesuhɔre ena ɔtɔ kiet, ididahake ke enyɔŋ: mmɔ enime nte ɔfɔŋ utuenikaŋ, emenime.

JEREMIAH 25:27

Dɔhɔ mmɔ ndien, ete, Ntem ke Jehovah mme udim, Abasi Israel, ɔdɔhɔ, ete, Mbufo eŋwɔŋ ekpa, enyuŋ ekpɔhi, enyuŋ eduɔŋɔ, ndien ekudaha ke enyɔŋ, ebaŋa ofut eke ami ndidɔŋde utom ke otu mbufo.

JEREMIAH 51:64

Nyuŋ dɔhɔ, ete, Babylon eyedeŋ ntem, idinyuŋ itoho ke idiɔk ŋkpɔ emi ami ndade ntiene enye; ndien mmɔ eyekpa mba. Mme ikɔ Jeremiah esim ebiet emi.

HOSEA 10:5

Mme andiduŋ Samaria efehe ndik ebaŋa nditɔ-enaŋ Beth-aven: koro ikɔt esie eyetua ebaŋa enye, mme oku eyenyuŋ efut ebaŋa enye, ebaŋa ubɔŋ esie, koro enye adahade ɔkpɔŋ enye.

HOSEA 13:16

Samaria eyesio isop; koro enye ɔsɔŋde ibuot ye Abasi esie: mmɔ eyeduɔŋɔ ke ofut. Eyesuok abak-inua mmɔ mbai-mbai, enyuŋ esiak iban mmɔ eke eyomode idibi.

HOSEA 13:2

Ndien ke emi mmɔ edediɔŋ enam idiɔk; enyuŋ etara silver mmɔ enam mbiet ke idem mmɔ, adaŋa nte efiɔkde, kpa ibɔk; mbon-usɔ enam mmɔ kpukpru: mmɔ edɔhɔ ebaŋa mmɔ, ete, Yak owo eke ewade uwa etim nditɔ-enaŋ inua.

HOSEA 4:15

Edieke afo Israel edide akpara, Judah okukam edue; mbufo ekunyuŋ edi ke Gilgal, ekunyuŋ edɔk eka ke Beth-aven, ekunyuŋ etomo, ete, Ma uwem Jehovah.

AMOS 5:1

MBUFO ekop uyo emi ami mmende ntiŋ mbaŋa mbufo, kpa ikwɔ eseme, O ufɔk Israel.

AMOS 5:2

Adiaha Israel ɔmɔduɔ, idinyuŋ idahake aba ke enyɔŋ: eduɔk enye ke isɔŋ esie; baba owo kiet eke emenerede enye ke enyɔŋ iduhe.

AMOS 5:5

ndien mbufo ekuyom Bethel, ekunyuŋ eka ke Gilgal, ekunyuŋ ebe ekesim Beer-sheba: koro miditreke nditaŋ Gilgal nnyɔŋ, Bethel eyenyuŋ akabare edi ikpikpu.

MICAH 1:5

Ofuri ŋkpɔ emi oto ke idiɔk ido Jacob, ye ke ndudue ufɔk Israel. Nsidi ndudue Jacob? Nte idige Samaria? Nsidi ŋkokoŋo ebiet Judah? Nte idige Jerusalem?

ZEPHANIAH 1:5

ye mmɔ eke etuakde ibuot enɔ mbon ikpa-enyɔŋ ke enyɔŋ ɔkɔm ufɔk; ye mmɔ eke etuakde ibuot enyuŋ eŋwɔŋɔde enɔ Jehovah, enyuŋ eŋwɔŋɔde enɔ Malcam;

UTOM MME APOSTLE 18:25

Ema eteme owo emi usuŋ Ɔbɔŋ; ndien sia enye edide owo ifiop-esit, enye etiŋ onyuŋ otim ekpep mme owo ŋkpɔ abaŋa Jesus, okposuk edi nte enye ɔfiɔkde baptism John ikpɔŋ.

UTOM MME APOSTLE 19:23

Edi ke adaŋa ini oro, akwa ndutime otibe abaŋa Usuŋ.

UTOM MME APOSTLE 19:9

Edi ke ini ndusuk mmɔ esɔŋde esit enyuŋ etutde utɔŋ, enyuŋ etiŋde idiɔk ebaŋa Usuŋ Ɔbɔŋ ke iso mbio-obio, Paul ɔkpɔŋ mmɔ, adianare mbet ye mmɔ, adaha ebuen ikɔ kpukpru usen ke ufɔk-ŋwed Tyrannus.

UTOM MME APOSTLE 24:14

Edi mmonyime ke iso fo, nte nsaŋa ke usuŋ emi mmɔ ekotde isio erikpep nnam ŋkpɔ nnɔ Abasi mme ete nnyin; edi mmonim kpukpru se ewetde ke ibet ye mme prophet ke akpanikɔ:

UTOM MME APOSTLE 9:2

enye onyuŋ adaha etiene akwa oku okobup enye, ete ɔnɔ imɔ ŋwed ida isɔk mme synagogue emi edude ke Damascus, man imɔ ima ikut owo ekededi eke esaŋade ke Usuŋ oro, ye mmɔ edide irenowo ye edide iban, ikpada mmɔ ke ebuka idi ke Jerusalem.

DEUTERONOMY 33:11

O Jehovah, diɔŋ odudu esie, nyuŋ ma utom ubɔk esie: tɔ mmɔ eke enamde ikɔ ye enye ke isin, nyuŋ tɔ mme asua esie, man ekutɔŋɔ ntak enam ikɔ.

DEUTERONOMY 9:21

Ndien mmen idiɔk-ŋkpɔ mbufo, kpa eyen enaŋ emi mbufo ekenamde, nda mfɔp ke ikaŋ, ndien nda obu esie nduɔk ke idim emi otode ke obot ɔsuhɔre.