AMOS 8:12 - Edisana ñwed Abasi Ibom

¹² ndien mmɔ eyediyo, ɔtɔŋɔde ke inyaŋ kiet tutu osim ke inyaŋ eken, enyuŋ eyɔrɔ, ɔtɔŋɔde ke edere tutu osim edem usiaha-utin ke eyom ikɔ Jehovah, edi idikwe.

AMOS 8:12 ပူးပေါင်းရင်းမြစ်များ

MME ŊKE 1:28

Ke ini oro mmɔ eyeseme ekot mi, edi ndiyereke; eyebak eyom mi, ndien idikwe mi.

MME ŊKE 14:6

Ɔsɔŋ enyin oyom eti ibuot, ndien ikwe: edi ifiɔk ekpekpere asian.

MME ŊKE 29:18

Ke ini ŋkukut miduhe, obio etie otime-otime: edi ɔfɔfɔn didie ye owo eke onimde mbet!

EZEKIEL 20:3

Eyen owo, neme ye mbiowo Israel, nyuŋ dɔhɔ mmɔ, ete, Ntem ke Ɔbɔŋ Jehovah ɔdɔhɔ, ete, Nte mbufo edi ndibup mi ŋkpɔ? Ɔbɔŋ Jehovah ɔdɔhɔ, ete, Ma uwem mi, ndiyakke ebup mi enɔ mbufo.

EZEKIEL 20:31

Ndien ke ini mbufo emende enɔ mbufo esɔk mi, ke erinam nditɔ mbufo ebe eduk ke ikaŋ, mbufo esabare idem mbufo ke kpukpru ibɔk mbufo tutu ɔsim mfin emi: ndien nte ndiyak ebup mi ŋkpɔ enɔ mbufo, O ufɔk Israel? Ɔbɔŋ Jehovah ɔdɔhɔ, ete, Ma uwem mi, ndiyakke ebup mi enɔ mbufo.

DANIEL 12:4

Ndien afo, Daniel, dip ikɔ emi, nyuŋ nim seal ke ŋwed, tutu osim ke utit ini. Ediwak owo eyeyɔrɔ edi, eyɔrɔ eka, ndien ifiɔk eyekpon aka iso.

HOSEA 5:6

Ndien mmɔ eyeda ŋkpri ufene mmɔ ye enaŋ mmɔ eka ekeyom Jehovah, edi idikwe; enye omonyuŋ ɔkpɔŋ mmɔ.

MATTHEW 12:30

Owo eke midaha ye Ami aŋwaŋwana ye Ami; owo eke minyuŋ ibokke ye Ami asasuan.

1 SAMUEL 3:1

NTRE ke eyen oro Samuel anam ŋkpɔ Jehovah ke iso Eli. Ikɔ Jehovah onyuŋ edi ŋkpɔ uto ke usen oro; ŋkukut iwakke wak.