AMOS 7:5 - Edisana ñwed Abasi Ibom

⁵ Ndien ndɔhɔ, nte, Ɔbɔŋ Jehovah, mbɔk, tre: Jacob edinam didie adaha ada? koro enye emekpri.

AMOS 7:5 ပူးပေါင်းရင်းမြစ်များ

ŊWED MME PSALM 85:4

Fiak tiene nnyin, O Abasi erinyaŋa nnyin; nyuŋ tre iyaresit fo ye nnyin.

ISAIAH 1:9

Ke mikpedige Jehovah mme udim ɔsuhɔ ata ekpri nsuhɔ ɔnɔ nnyin, nnyin ikpekabare itie nte Sodom, ibiet Gomorrah.

ISAIAH 10:25

Koro osuk ata ini esisit kaŋa, ndien ikpahesit okure, ye iyaresit mi ke edisobo mmɔ.

JEREMIAH 30:19

Ndien ekɔm ye uyo mmɔ emi ebrede mbre eyewɔrɔ ke otu mmɔ: nyenyuŋ nnam mmɔ ewak, ndien mmɔ ididige esisit. Nyenyuŋ nnam ekpono mmɔ, ndien mmɔ idikprike.

EZEKIEL 9:8

Edikem adaŋemi mmɔ esuk ewowot ami nsuk, ndien nduɔ ke isɔŋ ŋkubi iso mi, nnyuŋ nseme, nnyuŋ ndɔhɔ, nte, Ah, Ɔbɔŋ Jehovah, nte afo ɔmɔŋ osobo ofuri ubak Israel emi esuhɔde, ke eriŋwaŋa ifuresit fo ke Jerusalem?

JOEL 2:17

Yak mme oku, mme anam-ŋkpɔ Jehovah, etua eyet ke ufɔt etehe ye itie-uwa; yak mmɔ enyuŋ edɔhɔ ŋko, ete, O Jehovah tua ikɔt fo mbɔm, kunyuŋ uda udeme fo usin ke ŋkpɔ but, man mme idut ekara mmɔ: mmɔ ekpenam didie edɔhɔ ke otu mme idut, ete, Enye Abasi mmɔ?

ZECHARIAH 4:10

Koro anie owo esin usen ekpri ŋkpɔ ke ndek? Ndien mmɔ eyedat esit, enyuŋ ekut uruk ŋket ke ubɔk Zerubbabel, kpa mbitiaba emi; mme mmɔ emi edi enyin Jehovah emi esuanade ese ofuri ererimbot.

NUMBERS 14:19

Mbɔk dahado ke mme ukwaŋ-ŋkpɔ mbio emi, nte akwa ima fo edide, ye nte afo ekefende ɔnɔ mmɔ, ɔtɔŋɔde ke Egypt tutu osim emi.