AMOS 7:3 - Edisana ñwed Abasi Ibom

³ Emi esin Jehovah akabare ido: Jehovah ɔdɔhɔ, ete, Ididige.

AMOS 7:3 ပူးပေါင်းရင်းမြစ်များ

GENESIS 6:7

Ndien Jehovah ɔdɔhɔ ete, Nyesɔhi owo emi mbotde ke iso isɔŋ mfep; ntɔŋɔ ye owo nsim ufene, ye ɔnyɔni, ye inuen enyɔŋ: koro mmatua ŋkpɔfiɔk koro ŋkanamde mmɔ.

1 CHRONICLES 21:15

Abasi onyuŋ ɔdɔŋ angel esie, ete aka okosobo Jerusalem: ndien ke ini enye osobode, Jehovah ese, onyuŋ atua mkpɔfiɔk ke idiɔk-ŋkpɔ oro, onyuŋ ɔdɔhɔ angel emi osobode, ete, Ekem, suk ubɔk fo, ndien. Ndien angel Jehovah ke ada ke ebiet-ubek-ibokpot Ornan Jebusite.

ŊWED MME PSALM 106:45

onyuŋ eti ediomi esie ɔnɔ mmɔ, onyuŋ atua mmɔ mbɔm ke uwak ima esie.

ŊWED MME PSALM 78:38

Ndien enye enyene-mbɔm osio isop idiɔk ido mmɔ, inyuŋ isoboke mmɔ: Edi awak ndikabare ŋkpɔŋ iyaresit esie, inyuŋ idemekede ofuri ifuresit esie.

ŊWED MME PSALM 90:13

Fiak di, O Jehovah, adaŋa didie! Nyuŋ tua mkpɔfiɔk baŋa ikɔt fo.

EXODUS 32:14

Ntem ke Jehovah adahado ke idiɔk-ŋkpɔ emi enye ekekerede ndinam ikɔt esiemɔ.

JEREMIAH 26:19

Nte Hezekiah edidem Judah, ye ofuri Judah ema eyom ndiwot enye? Nte enye ikabakke Jehovah, inyuŋ ikpe Jehovah ubɔk, ndien Jehovah adahado ke idiɔk-ŋkpɔ oro enye ɔkɔdɔhɔde abaŋa mmɔ? Ke ntre ke nnyin ikpanam akamba idiɔk ŋkpɔ otuk ukpɔŋ nnyin.

JEREMIAH 42:10

Edieke mbufo ediduŋde ke isɔŋ emi, ndien nyediɔŋ mbufo, ndiwurike, nyetɔ mbufo, ndidibekede: koro mbɔm idiɔk-ŋkpɔ oro nnamde mbufo anamde mi.

HOSEA 11:8

O Ephraim, ndinam didie nda fi nnɔ? nnyuŋ mmen fi nyak O Israel? ndinam didie nda fi nnɔ nte Admah? nnyuŋ nnim fi nte Zeboim? Esit mi amakabare odoro mi; mbɔm etimere mi ini kiet.

JOEL 2:13

ndien mbufo ewai esit mbufo, ekuwai edisine-ŋkpɔ mbufo, enyuŋ efiak edem etiene Jehovah Abasi mbufo: koro enye enyenede mfɔn ye mbɔm, isɔpke iyaresit, onyuŋ awak ima, onyuŋ atua mkpɔfiɔk ke idiɔk ŋkpɔ.

JOEL 2:14

Anie ɔfiɔk mme enye eyekabare onyuŋ atua mkpɔfiɔk, onyuŋ ɔkpɔŋ eti ŋkpɔ ke edem esie, kpa inuak-udia ye uwa ediŋwɔŋ-ŋkpɔ, ɔnɔ Jehovah Abasi mbufo?

AMOS 5:15

Mbufo esua idiɔk, enyuŋ ema eti, enyuŋ ewuk edinen ikpe ke inua-otop: mme Jehovah Abasi mme udim eyetua nsuhɔ Joseph mbɔm.

AMOS 7:6

Emi esin Jehovah akabare ido. Ɔbɔŋ Jehovah ɔdɔhɔ, ete, Emi ŋko ididige.

JONAH 3:10

Ndien Abasi okut se mmɔ enamde, koro mmɔ ekpɔŋde mme idiɔk ido mmɔ efiak edem; Abasi onyuŋ akabare esit ke idiɔk-ŋkpɔ oro enye ɔkɔdɔhɔde, ete ke imɔ iyenam mmɔ; ndien etre, inamke.

DEUTERONOMY 32:36

Koro Jehovah eyekpe ikpe ikɔt esie, eyenyuŋ ɔkpuhɔre ido ye ifin esie, ke ini enye okutde nte odudu ɔbɔhɔde mmɔ, ye nte ofin ye eyen isɔŋ miduhe aba.

JAMES 5:16

Mmɔdo eyarare idiɔk-ŋkpɔ mbufo enɔ kiet eken, enyuŋ ebɔŋ akam ebaŋa kiet eken, man ekɔk udɔŋɔ mbufo. Mkpe-ubɔk edinen owo enyene odudu eti-eti ndinam ŋkpɔ.