AMOS 7:2 - Edisana ñwed Abasi Ibom

² Ndien edikem adaŋemi mmɔ ema eketa ofuri mbiet isɔŋ ema, ami ndɔhɔ, nte, Mbɔk, Ɔbɔŋ Jehovah, dahado: Jacob edinam didie adaha ada? koro enye emekpri.

AMOS 7:2 ပူးပေါင်းရင်းမြစ်များ

ŊWED MME PSALM 12:1

O JEHOVAH, nyaŋa; koro mbon ima fo ekurede: koro mbon akpanikɔ etrede ke otu nditɔ owo.

EXODUS 10:15

Ndien mmɔ efuk ofuri iso isɔŋ, isɔŋ onyuŋ okim; mmɔ enyuŋ eta kpukpru mbiet iŋwaŋ, ye kpukpru mfri eto eke edim-itiat ɔkɔsuhɔde; ndien mmɔ isuhɔke baba se idide awawa ke eto, ye ke mbiet inwaŋ, ke ofuri isɔŋ Egypt.

EXODUS 34:9

Enye onyuŋ ɔdɔhɔ ete, Mbɔk, edieke afo enende iso ye ami, O Ɔbɔŋ, mbɔk, yak Ɔbɔŋ mi asaŋa ke otu nnyin; koro mmɔ edide mbon nsɔŋibuot; nyuŋ fen ukwaŋ-ŋkpɔ nnyin, ye idiɔk ido nnyin, nyuŋ da nnyin nim ke udeme fo.

ISAIAH 37:4

Mme Jehovah Abasi fo eyekop ikɔ Rabshakeh emi ete esie edidem Assyria ɔkɔdɔŋde ndisuene Abasi uwem; onyuŋ asua ɔnɔ ikɔ emi Jehovah Abasi fo okopde: menere ndien mkpeubɔk baŋa nsuhɔ emi edude mi.

ISAIAH 51:19

Ŋkpɔ iba oro emesim fi: anie editua fi mbɔm? nditaha ye nsobo, ye akaŋ ye ofut: nnam didie ndɔŋ fi esit?

JEREMIAH 14:7

Okposuk edi nte mme idiɔk ido nnyin ebɔrɔde ebaŋa nnyin, O Jehovah, nam baŋa enyiŋ fo: koro mfiakedem nnyin awakde; nnyin imanam idiɔk ye afo.

JEREMIAH 42:2

edidɔhɔ Jeremiah prophet, ete, Mbɔk, yak mkpe-ubɔk nnyin ɔsuhɔre ana fi ke iso, nyuŋ kpe Jehovah Abasi fo ubɔk baŋa nnyin, baŋa kpukpru mmɔ eke esuhɔde mi: koro nnyin emi ikewakde isuhɔde esisit, kpa nte enyin fo okutde nnyin:

EZEKIEL 11:13

Edikem adaŋemi nsuk ntetiŋ prophecy, Pelatiah eyen Benaiah akpa. Ndien nduɔ ke isɔŋ ŋkubi iso mi, nnyuŋ mfiori ke ɔkpɔsɔŋ uyo, nnyuŋ ndɔhɔ nte. Ah, Ɔbɔŋ Jehovah, nte afo ɔmɔŋ anam ubak Israel emi esuhɔde ama?

EZEKIEL 9:8

Edikem adaŋemi mmɔ esuk ewowot ami nsuk, ndien nduɔ ke isɔŋ ŋkubi iso mi, nnyuŋ nseme, nnyuŋ ndɔhɔ, nte, Ah, Ɔbɔŋ Jehovah, nte afo ɔmɔŋ osobo ofuri ubak Israel emi esuhɔde, ke eriŋwaŋa ifuresit fo ke Jerusalem?

DANIEL 9:19

O Ɔbɔŋ, kop; O Ɔbɔŋ, dahado; O Ɔbɔŋ, kpaŋ utɔŋ, nyuŋ nam; kubigi, baŋa idem fo, O Abasi mi: koro obio fo ye ikɔt fo ekerede enyiŋ fo.

JOEL 2:17

Yak mme oku, mme anam-ŋkpɔ Jehovah, etua eyet ke ufɔt etehe ye itie-uwa; yak mmɔ enyuŋ edɔhɔ ŋko, ete, O Jehovah tua ikɔt fo mbɔm, kunyuŋ uda udeme fo usin ke ŋkpɔ but, man mme idut ekara mmɔ: mmɔ ekpenam didie edɔhɔ ke otu mme idut, ete, Enye Abasi mmɔ?

AMOS 4:9

Ŋkada nda-eyo ye mfut mmia mbufo eti-eti; ŋkukuŋkpɔyɔriyɔ ata mbuŋwum iŋwaŋ-esa mbufo, ye iŋwaŋ-vine mbufo, ye fig mbufo, ye mme olive mbufo: edi mbufo ifiakke itiene mi; uyo Jehovah edi emi.

AMOS 7:5

Ndien ndɔhɔ, nte, Ɔbɔŋ Jehovah, mbɔk, tre: Jacob edinam didie adaha ada? koro enye emekpri.

ZECHARIAH 4:10

Koro anie owo esin usen ekpri ŋkpɔ ke ndek? Ndien mmɔ eyedat esit, enyuŋ ekut uruk ŋket ke ubɔk Zerubbabel, kpa mbitiaba emi; mme mmɔ emi edi enyin Jehovah emi esuanade ese ofuri ererimbot.

ERIYARARE 9:4

Enyuŋ enɔ mmɔ uyo, ete ekunam ibak ye mbiet isɔŋ, ye kpukpru awawa ikɔŋ, ye kpukpru eto, edi enam ibak ye mmɔ oro minyeneke idiɔŋɔ Abasi ke ɔkpɔ-iso mmɔ ikpɔŋ-ikpɔŋ.