AMOS 6:8 - Edisana ñwed Abasi Ibom

⁸ Ɔbɔŋ Jehovah otomo idem esie, ete, Ntem ke Jehovah Abasi mme udim ɔdɔhɔ, ete, Ami nse iseri Jacob ke mbubiam, nnyuŋ nsua ikpɔ ufɔk esie: ndien nyeda obio ye se iyɔhɔde ke esit nyak nnɔ.

AMOS 6:8 ပူးပေါင်းရင်းမြစ်များ

GENESIS 22:16

onyuŋ ɔdɔhɔ ete, Jehovah ɔdɔhɔ ete, Mmotomo idem mi, nte Koro afo ama akanam ŋkpɔ emi, mukonyuŋ usinke mi eyen fo,

ŊWED MME PSALM 106:40

Ndien iyaresit Jehovah obumere ye ikɔt esie, enye onyuŋ asua udeme esie eti-eti.

ŊWED MME PSALM 47:4

Enye eyemek udeme nnyin ɔnɔ nnyin, kpa ubɔŋ Jacob emi enye amade. [Selah.]

ŊWED MME PSALM 50:12

Biɔŋ ama ɔkpɔdɔŋ mi, ŋkpɔdɔhɔke fi: koro ekondo ye se iyɔhɔde ke esit edide okim.

ŊWED MME PSALM 78:59

Abasi okop, ndien ofuresit; onyuŋ asua Israel eti-eti:

MME ŊKE 8:13

Uteŋe Jehovah edi ndisua idiɔk, ye iseri, ye iseŋ, ye idiɔk ido: ami nnyuŋ nsua abak inua.

ISAIAH 28:1

IFƆNKE fɔn inɔ edikoŋ anyanya mbon mmin Ephraim, ye ediyemere ikɔŋ ediye mbana esie emi odorode ke ibuot eti itihere isɔŋ mmɔ eke wine amiade.

JEREMIAH 12:8

Udeme mi amakabare etie ye ami nte lion ke akai; enye osioro uyo esie abaŋa mi: oro esin mi nsua enye.

JEREMIAH 22:14

eke ɔdɔhɔde, ete, Nyebɔp akwa ufɔk ye ikpɔ ubet enyɔŋ nnɔ idem mi; ndien enye asiak window ɔnɔ idem esie, onyuŋ ɔkɔŋ enye ke cedar, onyuŋ eyet ididuot ke esit.

JEREMIAH 22:5

Ndien mbufo minyimeke ndikop ikɔ emi, Jehovah ɔdɔhɔ, ete, Mmotomo idem mi, nte, Ufɔk mi iditreke ndikabare ndi ndon.

JEREMIAH 44:26

Mbufo ekop ndien uyo Jehovah, ofuri Judah emi etiede ke isɔŋ Egypt; sese, Jehovah ɔdɔhɔ, ete, Mmotomo akwa enyiŋ mi, nte ke inua baba owo Judah kiet eke odude ke ofuri isɔŋ Egypt idikotde aba enyiŋ mi, ite, Ma uwem Ɔbɔŋ Jehovah.

JEREMIAH 49:13

Koro Jehovah ɔdɔhɔde, ete, Mmotomo idem mi, nte ke Bozrah eyekabare edi ŋwure, ye esuene, ye nsobo, ye isuŋi: kpukpru mme obio esie eyenyuŋ edi nsinsi nsobo.

JEREMIAH 51:14

Jehovah mme udim omotomo idem esie, ete, Nditreke ndisin owo eyɔhɔ fi ke esit, nte ŋkukuŋkpɔyɔriyɔ: ndien mmɔ eyesio mkpo ebaŋa fi.

ŊWED ESEME 2:5

Ɔbɔŋ amakabare ebiet owo asua: omosobo Israel, omosobo kpukpru ikpɔ ufɔk esie; owuri mkpɔsɔŋ ebiet esie, omonyuŋ anam ubaha ye mfuhɔ ewak ke idem adiaha Judah.

EZEKIEL 24:21

Ntem ke Ɔbɔŋ Jehovah ɔdɔhɔ ete, Sese, ami, mmɔŋ mbiat edisana ebiet mi, ubɔŋ odudu mbufo, ŋkpɔ emi enyin mbufo emade, ye se ukpɔŋ mbufo enyenede mbɔm ke esit: ndien nditɔ-iren mbufo ye nditɔ mbufo iban emi mbufo ekpɔŋde eye-duɔŋɔ ke ofut.

HOSEA 11:6

Ndien eyefuŋ ofut ke mme obio mmɔ, ndien enye eyebiat eto-usuŋ mmɔ, onyuŋ ata mmɔ abaŋa uduak mmɔ.

LEVITICUS 26:11

Ndien ami nyenyuŋ nnim ebiet-iduŋ mi ke otu mbufo: esit mi idinyuŋ isuaha mbufo.

LEVITICUS 26:30

Nyenyuŋ nsobo mme edikoŋ ebiet mbufo, nnyuŋ nsobo mbiet-utin mbufo mfep, nnyuŋ mmen mbukpit mbufo nduɔŋɔ ke mbukpit owo eto mbufo, mbufo eyenyuŋ etek mi esit.

AMOS 3:10

Jehovah ɔdɔhɔ, ete, Mmɔ ifiɔkke ndinam se inende, mmɔ ekɔ afai ye mbume ebon ke ikpɔ ufɔk mmɔ.

AMOS 3:11

Mmɔdo ntem ke Ɔbɔŋ Jehovah ɔdɔhɔ, ete, Mbon-usua eyekan idem isɔŋ ekuk: eyenyuŋ esuhɔre fi odudu fo: ndien eyebume ikpɔ ufɔk fo.

AMOS 4:2

Ɔbɔŋ Jehovah otomo edisana ido esie, ete, Sese, mme usen emɔŋ esim mbufo, eke enye edimende mbufo ke usam efep, ye ubon mbufo ke uwam ɔkɔ-iyak.

AMOS 5:21

Nsua, nsin ikpɔ usen mbufo ke ndek, ndinyuŋ ŋŋwuneke mme usɔrɔ mbufo.

AMOS 8:3

Ɔbɔŋ Jehovah onyuŋ ɔdɔhɔ, ete, Ikwɔ ufɔk edidem eyedi eseme ke usen oro: mme okpo ewak! men mmɔ duɔk ke ebiet ekededi: dop uyo!

AMOS 8:7

Jehovah otomo iseri Jacob, ete, Ndifreke baba ŋkpɔ kiet eke mmɔ enamde tutu amama.

ZECHARIAH 11:8

Ndien nsibe mme ekpemerɔŋ mbita mfep ke ɔfiɔŋ kiet; ndien esit mi asua mmɔ, esit mmɔ onyuŋ asua mi.

DEUTERONOMY 32:19

Ndien Jehovah okut, onyuŋ asua, abaŋa eriyat emi nditɔ-iren esie ye nditɔ-iban esie eyatde enye esit.