AMOS 6:2 - Edisana ñwed Abasi Ibom

² Mbufo ebe eka Calneh ekese; enyuŋ eto do eka ke akamba Hamath; ndien esuhɔre ke Gath mme Philistine: nte mmɔ efɔn ekan mme idut emi? Nte adaŋa mmɔ okpon akan adaŋa mbufo?

AMOS 6:2 ပူးပေါင်းရင်းမြစ်များ

GENESIS 10:10

Ndien editɔŋɔ ubɔŋ esie ekedi Babel, ye Erech, ye Accad, ye Calneh, ke isɔŋ Shinar.

2 SAMUEL 8:9

Ekem Toi edidem Hamath okop, ete ke David ama akan ofuri udim - ekɔŋ Hadadezer.

1 NDIDEM 8:65

Ndien ke ini oro Solomon ye ofuri Israel nde, kpa akwa esop, ɔtɔŋɔde ke ebiet emi edukde Hamath tutu osim ke akpa Egypt, enam usɔrɔ ke iso Jehovah Abasi nnyin, ke usen itiaba, ye usen itiaba, kpa usen duopenaŋ.

2 NDIDEM 17:24

Ekem edidem Assyria ada owo ke Babylon, ye ke Cuthah, ye ke Avva, ye ke Hamath, ye ke Sepharvaim, edi edinim mmɔ ke mme obio Samaria ke ibuot nditɔ Israel: ndien mmɔ eda Samaria enyene, enyuŋ eduŋ ke mme obio esie.

2 NDIDEM 17:30

Ndien mbio Babylon enam Succoth-benoth, mbio Cuth enyuŋ enam Nergal, mbio Hamath enyuŋ enam Ashima,

2 NDIDEM 18:34

Enye mme abasi Hamath, ye eke Arpad? Enye mme abasi Sepharvaim, ye eke Hena, ye eke Ivvah? Nte mmɔ ema enyaŋa Samaria esio mi ke ubɔk?

2 NDIDEM 19:13

Enye edidem Hamath, ye edidem Arpad, ye edidem obio Sepharvaim, ye Hena, ye Ivvah?

2 CHRONICLES 26:6

Ndien enye ɔwɔrɔ aka akaŋwana ekɔŋ ye mme Philistine, onyuŋ owuri ibibene Gath, ye ibibene Jabneh, ye ibibene Ashdod, onyuŋ ɔbɔp obio ke Ash-dod, ye ke otu mme Philistine.

JEREMIAH 49:23

Eke Damascus. But anam Hamath ye Arpad: koro mmɔ ekopde idiɔk etop: mmɔ eyemere: ndutime mmɔdo ke inyaŋ ibom; enye ikemeke ndina suŋ.

NAHUM 3:8

Nte afo ɔmɔfɔn akan Noamon, emi eketiede ke otu mme akpa mmɔŋ? Mmɔŋ akakan enye okuk, emi odudu esie edide inyaŋ, ibibene esie onyuŋ atuak ke mben inyaŋ.

1 SAMUEL 17:23

Ndien ke ini enye enemede nneme ye mmɔ, sese, esine-ufɔt oro, ekere Goliath, Philistine emi otode ke Gath, oto ke udim mme Philistine ɔdɔk edi edidɔhɔ kpasuk ikɔ oro: ndien David okop.

1 SAMUEL 17:4

Ndien esine-ufɔt kiet ekere Goliath owo Gath, oto ke nna-ekɔŋ mme Philistine edi, idaha esie edi ibio-idomo-okuk itiokiet ye ubɔk kiet.

1 SAMUEL 5:10

Ndien mmɔ enɔ ekebe Abasi esɔk Ekron. Ndien edikem, ke ini ekebe Abasi osimde Ekron, mbio-obio Ekron eseme, ete, Emeda ekebe Abasi Israel ewɔŋɔre esɔk nnyin, ete iwot nnyin ye mbio-obio nnyin.

1 SAMUEL 5:8

Ndien mmɔ edɔŋ ekekot kpukpru mbɔŋ mme Philistine edi ke ɔtɔ mmɔ; ndien ebup, ete, Nnyin idinam ekebe Abasi Israel nso ŋkpɔ? Ndien mmɔ edɔhɔ ete, Yak eda ekebe Abasi Israel ewɔŋɔre eka ke Gath. Ndien mmɔ emen ekebe Abasi Israel ewɔŋɔre eka do.