AMOS 6:14 - Edisana ñwed Abasi Ibom

¹⁴ Edi Jehovah Abasi mme udim ɔdɔhɔ, ete, Sese, ami mmɔŋ ndemere idut nnɔ mbufo, O ufɔk Israel, ndien mmɔ eyefik mbufo ɔtɔŋɔde ke ebiet emi edukde Hamath tutu osim ke akpa mmɔŋ itihere.

AMOS 6:14 ပူးပေါင်းရင်းမြစ်များ

1 NDIDEM 8:65

Ndien ke ini oro Solomon ye ofuri Israel nde, kpa akwa esop, ɔtɔŋɔde ke ebiet emi edukde Hamath tutu osim ke akpa Egypt, enam usɔrɔ ke iso Jehovah Abasi nnyin, ke usen itiaba, ye usen itiaba, kpa usen duopenaŋ.

2 NDIDEM 14:25

Enye ɔtɔŋɔ ntak ada ofuri adaŋa Israel, ɔtɔŋɔde ke ebiet emi edukde Hamath tutu osim inyaŋ Arabah, ekem ke uyo Jehovah Abasi Israel, emi enye eketiŋde ke inua owo esie Jonah eyen Amittai, prophet oro okotode ke Gath-hepher.

2 NDIDEM 15:29

Ke eyo Pekah edidem Israel, Tiglath-pileser edidem Assyria edi edida Ijon, ye Abel-beth-maacah, ye Janoah, ye Kedesh, ye Hazor, ye Gilead, ye Galilee, kpa ofuri isɔŋ Naphtali; onyuŋ ataŋ mmɔ ɔnyɔŋ ke Assyria.

2 NDIDEM 17:6

Ke ɔyɔhɔ isua Hoshea usukkiet, edidem Assyria ada Samaria, onyuŋ ataŋ Israel ɔnyɔŋ ke Assyria, okonim mmɔ ke Halah, ye ke Habor, ke mben akpa Gozan, ye ke mme obio nditɔ Media.

ISAIAH 7:20

Ke usen oro Ɔbɔŋ eyekpe akaraŋ kiet ke edem akpa oko, kpa Assyria, ada okporo ibuot, ye idet ukot: enye eyenyuŋ akwat ntaŋebek efep.

EZEKIEL 47:20

Ndien akwa inyaŋ edidi adaŋa edem usop-utin tutu osim ekem ye ɔtɔ emi owo odukde Hamath. Emi edi adaŋa edem usop-utin.

HOSEA 10:5

Mme andiduŋ Samaria efehe ndik ebaŋa nditɔ-enaŋ Beth-aven: koro ikɔt esie eyetua ebaŋa enye, mme oku eyenyuŋ efut ebaŋa enye, ebaŋa ubɔŋ esie, koro enye adahade ɔkpɔŋ enye.

AMOS 3:11

Mmɔdo ntem ke Ɔbɔŋ Jehovah ɔdɔhɔ, ete, Mbon-usua eyekan idem isɔŋ ekuk: eyenyuŋ esuhɔre fi odudu fo: ndien eyebume ikpɔ ufɔk fo.