AMOS 5:6 - Edisana ñwed Abasi Ibom

⁶ Mbufo eyom Jehovah, enyuŋ edu uwem, mbak enye edibumere nte ikaŋ ke ufɔk Joseph, onyuŋ ata enye, ndien baba owo kiet eke onimede enye iduhe ke Bethel.

AMOS 5:6 ပူးပေါင်းရင်းမြစ်များ

2 SAMUEL 19:20

Koro owo fo ɔfiɔkde ete ke ami mma ndue: ndien, sese, ami ndi akpa owo ofuri ufɔk Joseph eke ɔsuhɔrede ndisobo ye ɔbɔŋ mi edidem.

1 NDIDEM 11:28

owo oro Jeroboam onyuŋ edi ɔkpɔsɔŋ owo uko; ndien adaŋemi Solomon okutde nte akparawa oro anamde utom, enye onim enye ke etubom mbon-utom ufɔk Joseph.

2 CHRONICLES 34:25

koro mmɔ emekpɔŋ mi, enyuŋ efɔp uwa enɔ mme abasi efen, man mmɔ eyat mi esit ke kpukpru se ubɔk mmɔ enamde mmɔdo ndiŋwaŋade iyaresit mi ke ebiet emi, ndien enye idinimeke.

ŊWED MME PSALM 27:8

(Ke ini afo ɔdɔhɔde, ete) “Mbufo eyom iso mi,” esit mi ɔdɔhɔ fi ete, “Nyeyom iso fo, O Jehovah.”

ŊWED MME PSALM 69:33

Koro Jehovah okopde ɔnɔ mme ubuene, ndien isinke mbon ŋkpɔkɔbi esie ke ndek.

EXODUS 22:6

Edieke ikaŋ obuberede odomo ke ikɔt, onyuŋ atade otu ebek ibokpot, mme ibokpot eke adadeda, mme iŋwaŋ; owo eke okimde ikaŋ oro osio usiene.

ISAIAH 1:31

Ndien ŋkpɔsɔŋ owo eyekabare edi mfube, ŋkpɔ eke enye anamde eyenyuŋ edi ebua ikaŋ, ndien mmɔ mbiba eyeta ikaŋ, baba owo kiet eke onimede idinyuŋ iduhe.

ISAIAH 55:3

Mbufo ekpaŋ utɔŋ mbufo, enyuŋ edi etiene mi: ekop, ndien ukpɔŋ mbufo eyedu uwem; ndien nyenam nsinsi ediomi ye mbufo, kpa ŋkpɔ ima David eke edide akpanikɔ.

ISAIAH 55:6

Mbufo eyom Jehovah, ke ini ekemede ndikut enye, eseme ekot enye, ke ini enye ekperede:

JEREMIAH 38:20

Ndien Jeremiah ɔdɔhɔ ete, Mmɔ idisinke. Mbɔk, kop uyo Jehovah ke se ami ndɔhɔde fi; ndien eyefɔn fi, ukpɔŋ fo eyenyuŋ odu uwem.

JEREMIAH 4:4

O mbio Judah, ye mme andiduŋ Jerusalem, mbufo ena mbobi enɔ Jehovah, enyuŋ esibe esit mbufo edut efep: mbak ifiopesit mi ediwɔrɔ nte ikaŋ, onyuŋ ata, ndien baba owo kiet eke onimede iduhe, abaŋa mme idiɔk ido mbufo.

JEREMIAH 7:20

Mmɔdo ntem ke Ɔbɔŋ Jehovah ɔdɔhɔ, ete, Sese, ke eŋwaŋa iyaresit mi ye ifuresit mi ke ebiet emi, odoro owo, ye ufene, ye eto ikɔt, ye mbuŋwum iŋwaŋ; ndien enye eyesak, idinyuŋ inimeke.

EZEKIEL 21:3

Nyuŋ dɔhɔ isɔŋ Israel, ete, Ntem ke Jehovah ɔdɔhɔ, ete, Sese, ami mmɔŋ nnam ikɔ ye afo; ndien nyesio ofut mi ke efɔk esie, nnyuŋ nsibe eti owo ye idiɔk ke otu mfep.

EZEKIEL 33:11

Dɔhɔ mmɔ, ete, Ɔbɔŋ Jehovah ɔdɔhɔ, ete, Ma uwem mi, mkpa idiɔk owo inemke mi esit, edi idiɔk owo akam akabare ɔkpɔŋ usuŋ esie, ndien odu uwem: mbufo, O ufɔk Israel, ekabare, ekabare; koro nsinam mbufo ekpekpaŋa?

EZEKIEL 37:19

Dɔhɔ mmɔ, ete, Ntem ke Ɔbɔŋ Jehovah ɔdɔhɔ, ete, Sese, ami mmɔŋ nda eto Joseph emi odude ke ubɔk Ephraim, ye mme esien Israel nsaŋa esie, nnyuŋ nda mmɔ ndori enye ke esit, kpa eto Judah, nnyuŋ nnam mmɔ edi eto kiet, ndien mmɔ eyekabare edi kiet ke ubɔk mi.

AMOS 3:14

Ke usen eke ndidade ufen idiɔk ido Israel nnɔ enye, ke ndinyuŋ nnɔ mme itie-uwa Bethel ufen: ndien eyesibe nduk itie-uwa efep, ndien mmɔ eyeduɔŋɔ ke isɔŋ.

AMOS 5:14

Mbufo eyom eti ŋkpɔ, ekuyom idiɔk, man edu uwem: ndien ntem ke Jehovah Abasi mme udim edidu ye mbufo, kpa nte mbufo ekedɔhɔde.

AMOS 5:4

Koro ntem ke Jehovah ɔdɔhɔ ufɔk Israel, ete, Mbufo etiene mi, enyuŋ edu uwem:

AMOS 6:6

eke eŋwɔŋde bowl wine, enyuŋ eyetde akpan aran ke idem: edi ikereke nditaha Joseph.

ZEPHANIAH 2:3

Mbufo kpukpru suŋ-suŋ mbio isɔŋ emi enamde ikpe esie, eyom Jehovah; mbufo eyom edinen ido, eyom suŋ-suŋ ido: mme mbufo eyedibe ke usen iyaresit Jehovah.

ZECHARIAH 10:6

Nyenyuŋ nnam ufɔk Judah ɔsɔŋ, nnyuŋ nyaŋa ufɔk Joseph, nnyuŋ nyak mmɔ eduŋ: koro mmatua mmɔ mbɔm: ndien mmɔ eyetie kpa nte ŋkpɔ eke mmeŋkemenke mmɔ nduɔk: koro ami ndide Jehovah Abasi mmɔ, ami nyenyuŋ nyere mmɔ.

DEUTERONOMY 32:22

Koro ikaŋ obuberede ke iyaresit mi, eyenyuŋ ɔfɔp tutu osim ke udem hell, onyuŋ ata isɔŋ ye mbuŋwum-ŋkpɔ esie, onyuŋ okim ikaŋ ke itie obot.

DEUTERONOMY 4:24

Koro Jehovah Abasi fo edide edisak ikaŋ ye Abasi ufup.

JOSHUA 18:5

Ndien yak mmɔ ebahare enye esin ke mbak itiaba: Judah eyetie ke adaŋa esie ke usuk-usuk; ufɔk Joseph eyenyuŋ etie ke adaŋa mmɔ ke edem edere. Ndien mbufo ewet isɔŋ esin ke mbak itiaba,