AMOS 5:21 - Edisana ñwed Abasi Ibom

²¹ Nsua, nsin ikpɔ usen mbufo ke ndek, ndinyuŋ ŋŋwuneke mme usɔrɔ mbufo.

AMOS 5:21 ပူးပေါင်းရင်းမြစ်များ

GENESIS 8:21

Ndien Jehovah okop edinem utebe oro, Jehovah onyun ɔdɔhɔ ke esit esiemɔ, ete, Ami nditɔŋɔke aba ntak nsuŋi isɔŋ mbaŋa owo; koro ekikere esit owo ɔdiɔkde toto ke uyen esie: ndinyuŋ ntɔŋɔke aba ntak nsobo kpukpru se idude uwem, nte ŋkanamde.

MME ŊKE 15:8

Jehovah abat uwa mme idiɔk owo ke mbubiam: edi akam mbon eti ido enem enye esit.

MME ŊKE 21:27

Uwa idiɔk ido edi mbubiam: ŋwaŋwa ediso ke adaŋemi enye adade enye edi ye idiɔk ekikere.

MME ŊKE 28:9

Owo eke ɔwɔŋɔrede utɔŋ esie man okukop mbet, idem akam esie edidi ŋkpɔ ndek.

ISAIAH 66:3

Eke ɔyɔkde enaŋ owot owo; eke awade eyen erɔŋ atuak ebua itɔŋ; eke odoride inuak-udia osime iyip edi; eke ɔfɔpde incense ɔkɔm ibɔk. Mmɔ ememek usuŋ mmɔ ŋko, ŋkpɔ mbubiam mmɔ enyuŋ enem mmɔ esit.

JEREMIAH 14:12

Ke ini mmɔ etrede udia, ami ndikopke eseme mmɔ; ndien ke ini mmɔ ewade edifɔp uwa ye inuak-udia, ami ndibɔhɔ mmɔ: koro nyesobo mmɔ ke ofut, ye ke akaŋ, ye ke idiɔk udɔŋɔ.

JEREMIAH 6:20

Frankincense anam didie oto ke Sheba edi ke ɔtɔ mi, eti mbɔkɔk ke anyan idut ŋko? Ndifɔp uwa mbufo inemke nem, mme uwa emem mbufo inyuŋ idatke mi esit.

EZEKIEL 23:18

Ntem ke enye ayarare use esie, onyuŋ ɔfuhɔre use esie: ndien ukpɔŋ mi odorore enye, kpa nte ukpɔŋ mi okodororede eyen-eka esie.

HOSEA 2:11

Nyenyuŋ nnam ofuri idaresit esie etre, ye mme usɔrɔ esie, ye mbufa ɔfiɔŋ esie, ye mme sabbath esie, ye kpukpru ikpɔ usen esie.

HOSEA 5:6

Ndien mmɔ eyeda ŋkpri ufene mmɔ ye enaŋ mmɔ eka ekeyom Jehovah, edi idikwe; enye omonyuŋ ɔkpɔŋ mmɔ.

HOSEA 8:13

Mmɔ ewa unam ke uwa emi enɔde mi, enyuŋ eta enye; mmɔ inemke Jehovah esit; ke emi ke enye editi idiɔk ido mmɔ, edinyuŋ ɔnɔ mmɔ ufen mme ukwaŋ-ŋkpɔ mmɔ: mmɔ eyefiak ke Egypt.

LEVITICUS 26:31

Nyenyuŋ ŋwuri mme obio mbufo, nnyuŋ nnam mme edisana ebiet mbufo ekabare ndon, ndinyuŋ ŋŋwuneke edinem utebe mbufo.

AMOS 4:4

Mbufo edi ke Bethel enam idiɔk; enyuŋ enam ediwak mme idiɔk ido ke Gilgal; enyuŋ eda uwa mbufo ke usenubɔk edi, ye ɔyɔhɔ mbak duop mbufo ke isua ita:

AMOS 4:5

enyuŋ efɔp uwa ekɔm ye leaven, enyuŋ ekwɔrɔ uwa ima esit ebuk mmɔ; koro ntem ke mbufo ema, O nditɔ Israel. Uyo Ɔbɔŋ Jehovah edi emi.

AMOS 6:8

Ɔbɔŋ Jehovah otomo idem esie, ete, Ntem ke Jehovah Abasi mme udim ɔdɔhɔ, ete, Ami nse iseri Jacob ke mbubiam, nnyuŋ nsua ikpɔ ufɔk esie: ndien nyeda obio ye se iyɔhɔde ke esit nyak nnɔ.

AMOS 8:10

ndien nyekabare usɔrɔ mbufo nsin ke ntuaŋa, ye kpukpru ikwɔ mbufo nsin ke eseme; ndien nyeda ɔfɔŋ-ikpo nsine kpukpru owo ke isin; nnyuŋ ndori ibɔ ke kpukpru ibuot, nnyuŋ nnim enye ke ntuaŋa ikpɔŋ eyen: ndien utit esie eyedi ndot-ndot usen.

MATTHEW 23:13

Edi eyedɔdiɔk ɔnɔ mbufo, mme scribe ye mme Pharisee, mbon mbubik! koro mbufo eberi Obio Ubɔŋ heaven ebaha owo: koro mbufo idukke ke idem mbufo, inyuŋ iyakke mmɔ emi eyomde ndiduk ebe eduk.

ŊWED MBON EPHESUS 5:2

enyuŋ esaŋa ke ima kpa nte Christ ŋko akamade mbufo, okonyuŋ ayakde Idem Esie ɔnɔ kibuot nnyin, nte enɔ ye uwa emi edade esɔk Abasi, emi osiode ufik eke enemde.

ŊWED MBON PHILIPPI 4:18

Edi mmenyene kpukpru ŋkpɔ uwak-uwak; mmɔyuhɔ, sia mma ŋkɔbɔ enɔ mbufo ke ubɔk Epaphroditus; ata edinem ufuɔŋ ke edi, uwa eke Abasi adarade, onyuŋ enemde Enye esit eti-eti ndibɔ.