AMOS 5:2 - Edisana ñwed Abasi Ibom

² Adiaha Israel ɔmɔduɔ, idinyuŋ idahake aba ke enyɔŋ: eduɔk enye ke isɔŋ esie; baba owo kiet eke emenerede enye ke enyɔŋ iduhe.

AMOS 5:2 ပူးပေါင်းရင်းမြစ်များ

2 NDIDEM 15:29

Ke eyo Pekah edidem Israel, Tiglath-pileser edidem Assyria edi edida Ijon, ye Abel-beth-maacah, ye Janoah, ye Kedesh, ye Hazor, ye Gilead, ye Galilee, kpa ofuri isɔŋ Naphtali; onyuŋ ataŋ mmɔ ɔnyɔŋ ke Assyria.

2 NDIDEM 17:16

Edi mmɔ ekpɔŋ kpukpru ibet Jehovah Abasi mmɔ, enyuŋ enam editara mbiet ke idem mmɔ, kpa nditɔ-enaŋ iba, enyuŋ enam eto-mkpe, enyuŋ ebɔŋ akam enɔ ofuri udim enyɔŋ, enyuŋ enam ŋkpɔ Baal.

ISAIAH 14:21

Mbufo etim mkpa afai enɔ nditɔ esie, ebaŋa mme idiɔk ido mme ete mmɔ; ekuyak mmɔ edaha ke enyɔŋ eda ererimbot enyene, enyuŋ ebɔp obio eyɔhɔ ke iso isɔŋ.

ISAIAH 24:20

Ererimbot eteteŋ nte owo mmin, onyuŋ ofofum nte hammock; isop esie onyuŋ odobi enye ke edem; ndien enye ɔduɔ, idinyuŋ idahake aba ke enyɔŋ.

ISAIAH 3:8

Koro Jerusalem ke ofofum, Judah onyuŋ ɔduɔ: koro edeme mmɔ ye ido mmɔ eduede Jehovah, enyuŋ eyatde enyin ubɔŋ esie.

ISAIAH 37:22

ikɔ emi ke Jehovah ɔdɔhɔ abaŋa enye ete, Adiaha Zion eyenɔwɔŋ esin fi ke ndek, onyuŋ asak fi nsahi; adiaha Jerusalem enyeŋe ibuot ke edem fo.

ISAIAH 43:17

Emi osiode chariot ye horse, mbon-ekɔŋ ye odudu; mmɔ eyesuhɔre ena ɔtɔ kiet, ididahake ke enyɔŋ: mmɔ enime nte ɔfɔŋ utuenikaŋ, emenime.

JEREMIAH 14:17

Nyuŋ dɔhɔ ikɔ emi, ete, enyin mi eyeyak mmɔŋeyet ɔsuhɔre ke okoneyo ye uwemeyo, idinyuŋ idopke: koro emenuak adiaha ikɔt mi eyenɔwɔŋ eti-eti, unan ɔmɔdiɔk akan.

JEREMIAH 18:13

Mmɔdo ntem ke Jehovah ɔdɔhɔ ete, Mbufo ebup ndien ke otu mme idut: Anie okokop oruk ŋkpɔ ntem? Eyen aŋwan Israel amanam ata ŋkpɔ ndik.

JEREMIAH 2:27

Ke edɔhɔ eto, ete, Afo edi ete mi; enyuŋ edɔhɔ itiat, ete, Afo ekaman mi: koro mmɔ emekabare ekɔt enɔ mi, ikabakede iso: ndien ke ini ukut mmɔ, mmɔ eyedɔhɔ, ete, Daha ke enyɔŋ di nyaŋa nnyin.

JEREMIAH 31:4

Nyetɔŋɔ ntak ndiɔŋ fi, ndien eyediɔŋ fi, O adiaha Israel: afo eyetɔŋɔ ntak ada ekɔmɔ fo abana idem, onyuŋ ɔwɔrɔ oduk ke unek mmɔ eke ebrede mbre.

JEREMIAH 4:20

Mmɔ ebuk ŋwure ekɔrɔ ke ŋwure: koro ofuri isɔŋ amabiara: mme tent mi emebiara ke isɔrɔ kiet, mme ikpehe mi emebiara ke idaha kiet.

JEREMIAH 50:32

Ndien eseri-iseri eyetuak ukot ɔduɔ, ndien owo eke edimenerede enye onim ke enyɔŋ ididuhe: ndien ami nyekim ikaŋ ke mme obio esie, ndien enye eyeta kpukpru se ikande enye ikuk.

JEREMIAH 51:64

Nyuŋ dɔhɔ, ete, Babylon eyedeŋ ntem, idinyuŋ itoho ke idiɔk ŋkpɔ emi ami ndade ntiene enye; ndien mmɔ eyekpa mba. Mme ikɔ Jeremiah esim ebiet emi.

JEREMIAH 8:4

Nyuŋ dɔhɔ mmɔ, ete, Ntem ke Jehovah ɔdɔhɔ, ete, Nte mmɔ ediduɔŋɔ, ndien ididaŋake ke enyɔŋ? Nte owo edikabare idem esie efep, ndien idifiakke idi?

JEREMIAH 9:21

Koro mkpa ɔdɔkde ke window nnyin, oduk ke ikpɔ ufɔk nnyin, ndisibe nditɔwɔŋ ke efak mfep ye mkparawa ke aŋwa obio.

JEREMIAH 9:9

Jehovah ete, Nte ndinɔŋɔ mmɔ ufen mbaŋa ŋkpɔ emi? Nte ukpɔŋ mi idisioho usiene ye oruk idut emi?

ŊWED ESEME 2:13

Ndidɔhɔ fi didie nte ntiense? Ndɔhɔ nte afo ebiet nso? Adiaha Jerusalem, ndida nso ndomo fi, man ndɔŋ fi esit, O adiaha Zion, eyenɔwɔŋ? koro ŋwure fo okponde nte inyaŋ; anie ekeme ndidiɔŋ fi?

HOSEA 14:1

O ISRAEL, fiak tiene Jehovah Abasi fo: koro afo ɔmɔduɔ ke idiɔk ido fo.

HOSEA 6:2

Ke usen iba ebede, enye eyenam nnyin iset: ke ɔyɔhɔ usen ita enye eyedemere nnyin, ndien nnyin iyedu uwem ke iso esie.

AMOS 8:14

emi etomode isop Samaria, enyuŋ edɔhɔde, ete, Ma uwem Abasi fo, O Dan! edɔhɔ ete, Ma uwem usuŋ Beer-sheba; ndien mmɔ eyeduɔŋɔ ke isɔŋ, ndien ididahake aba ke enyɔŋ.

AMOS 9:11

Ke usen oro nyediɔŋ ataya David emi ɔduɔde, nnyuŋ nsiri ŋwure esie; nnyuŋ ndiɔŋ ufɔk esie emi ebiarade, nnyuŋ mbɔp enye, kpa nte ke eyo oko: