AMOS 5:16 - Edisana ñwed Abasi Ibom

¹⁶ Mmɔdo ntem ke Jehovah Abasi mme udim, Ɔbɔŋ, ɔdɔhɔ, ete, Ntuaŋa odu ke kpukpru mme aŋwa; mmɔ enyuŋ edɔhɔ, ete, “Mbɔm! mbɔm!” ke kpukpru efak; mbufo ekot mbio iŋwaŋ edi eseme, enyuŋ ekot mmɔ eke efiɔkde ikwɔ edi ntuaŋa.

AMOS 5:16 ပူးပေါင်းရင်းမြစ်များ

2 CHRONICLES 35:25

Jeremiah onyuŋ ewet ikwɔ-eyet abaŋa Josiah: ndien kpukpru mme ɔkwɔ-ikwɔ iren ye iban edɔhɔ ebaŋa Josiah ke ikwɔ-eyet mmɔ tutu osim mfin emi, enyuŋ enim mmɔ ke ido ke Israel: ndien, sese, ekewet mmɔ ke otu mme ikwɔ-eyet.

ISAIAH 15:8

Koro eseme mmɔ akanarede adaŋa Moab okuk; ntuaŋa esie omosim ke Eglaim, ntuaŋa esie omonyuŋ osim ke Beer-elim.

ISAIAH 22:12

Ndien ke usen oro Ɔbɔŋ Jehovah mme udim okot eyet, ye eseme, ye ibɔ, ye ukune ɔfɔŋ-ikpo.

JEREMIAH 30:5

Koro ntem ke Jehovah ɔdɔhɔ, ete, Nnyin ikop uyo unyek idem, ye eke ndik, emem inyuŋ iduhe.

JEREMIAH 4:31

Koro ŋkopde uyo ebiet aŋwan uman, ubiak ebiet eke ŋwan eke amande akpan eyen, uyo adiaha zion, enye eŋwek, anyan ekaubɔk esie; ete, “Mbɔm mi ndien: koro mme owot-owo esinde ukpɔŋ akpa mi.”

JEREMIAH 9:10

Nyemen eyet ye ntuaŋa mbaŋa ikpɔ obot, nyemen eseme mbaŋa mbiet wilderness koro esobode mmɔ, owo minyuŋ isaŋake ke esit ibe: ndien mmɔ ikopke uyo ufene; mme inuen enyɔŋ ye mme unam isɔŋ emefeŋe; emedaŋa!

JEREMIAH 9:16

Ndien nyesuan mmɔ ke otu mme idut, eke mmɔ ye mme ete mmɔ mikɔfiɔkke, nyenyuŋ ndɔŋ ofut utom, nte ebine mmɔ, tutu nsobo mmɔ mma.

HOSEA 4:3

Mmɔdo isɔŋ eyetua eyet, kpukpru mmɔ eke eduŋde ke esit eyenyuŋ eyemere, ye mme unam ikɔt, ye mme inuen enyɔŋ; ndien eyenyuŋ emen iyak ke inyaŋ efep.

JOEL 1:11

Mbufo mbon-iŋwaŋ eda but; mbufo mme andidiɔŋ iŋwaŋ-vine eseme ebaŋa wheat ye barley; koro ukpeŋe iŋwaŋ atakde.

JOEL 1:14

Mbufo enim utre-udia: ekwɔrɔ usɔrɔ; ebon mbiowo, kpukpru mme andiduŋ isɔŋ, edi ufɔk Jehovah Abasi mbufo, enyuŋ eseme enɔ Jehovah.

JOEL 1:15

Mbɔm usen oro! koro usen Jehovah emekpere, enye eyenyuŋ edi nte nsobo eke otode Ata Ɔkpɔsɔŋ.

JOEL 1:8

Tua nte eyen-aŋwan eke esinede ɔfɔŋ-ikpo atuade abaŋa ebe uyen esie.

AMOS 3:13

Ɔbɔŋ Jehovah, Abasi mme udim, ɔdɔhɔ ete, Mbufo ekop, enyuŋ etiŋ ke ufɔk Jacob, ete,

AMOS 5:27

Ndien nyetaŋ mbufo mfep nnim ke edem Damascus oko; Jehovah, emi enyiŋ esie edide Abasi mme udim, ɔdɔhɔ ntre.

AMOS 8:10

ndien nyekabare usɔrɔ mbufo nsin ke ntuaŋa, ye kpukpru ikwɔ mbufo nsin ke eseme; ndien nyeda ɔfɔŋ-ikpo nsine kpukpru owo ke isin; nnyuŋ ndori ibɔ ke kpukpru ibuot, nnyuŋ nnim enye ke ntuaŋa ikpɔŋ eyen: ndien utit esie eyedi ndot-ndot usen.

AMOS 8:3

Ɔbɔŋ Jehovah onyuŋ ɔdɔhɔ, ete, Ikwɔ ufɔk edidem eyedi eseme ke usen oro: mme okpo ewak! men mmɔ duɔk ke ebiet ekededi: dop uyo!

MICAH 1:8

Nyeseme nnyuŋ ntua mbaŋa ŋkpɔ emi, nyesioŋo ŋkpɔ ke idem nsaŋa iferi: nyeseme eseme nte jackal, nnyuŋ ntua nte ostrich.

MICAH 2:4

Ke usen oro owo eyetop ŋke abaŋa mbufo, onyuŋ eseme ata eseme mbɔm, ɔdɔhɔ ete, Nnyin imabiara kpukpru: enye ɔkpuhɔre udeme ikɔt nnyin: enye anam didie adaha ɔkpɔŋ mi? onyuŋ edeme iŋwaŋ nnyin ɔnɔ owo nsɔŋ ibuot.

ERIYARARE 18:10

Mbɔm, mbɔm, akwa obio, ɔkpɔsɔŋ obio Babylon! koro ke hour kiet ubiom-ikpe akabuat fi.

ERIYARARE 18:19

Mmɔ enyuŋ ewobi ntɔŋ eduɔk ke ibuot, esio mkpo, etuaŋa enyuŋ efuhɔ, ete, Mbɔm, mbɔm, akwa obio, emi akanamde kpukpru mme enyene ubom ke akpa eforo oto ke eriduɔk inyene esie! ke hour kiet ema enam enye odu ke ndobo.