AMOS 5:14 - Edisana ñwed Abasi Ibom

¹⁴ Mbufo eyom eti ŋkpɔ, ekuyom idiɔk, man edu uwem: ndien ntem ke Jehovah Abasi mme udim edidu ye mbufo, kpa nte mbufo ekedɔhɔde.

AMOS 5:14 ပူးပေါင်းရင်းမြစ်များ

GENESIS 39:23

do. Ete ufɔk ukpeme isehe ŋkpɔ ndomo kiet ke ubɔk esie; koro Jehovah odude ye enye, Jehovah onyuŋ anam se enye anamde ɔwɔrɔ usuŋ.

1 CHRONICLES 28:20

Ndien David ɔdɔhɔ Solomon eyen esie, ete, Sɔŋ idem, sɔŋ esit, nyuŋ nam: kufehe, kunyuŋ udikhe: koro Jehovah Abasi, Abasi mi, odude ye afo; enye idimenke fi iduɔk, idinyuŋ ikpɔŋke fi, tutu afo ama ofuri utom usɔ ufɔk Jehovah.

2 CHRONICLES 15:2

ndien enye ɔwɔrɔ okosobo ye Asa, onyuŋ ɔdɔhɔ enye, ete: Asa ye ofuri Judah ye Benjamin, mbufo ekop uyo mi, Jehovah ada ye mbufo ke ini mbufo ededa ye enye; ndien edieke mbufo ediyomde enye, mbufo eyekut enye; edi edieke mbufo edikpɔŋde enye, enye eyekpɔŋ mbufo.

ŊWED MME PSALM 46:11

Jehovah mme udim odu ye nnyin; Abasi Jacob edi ebiet-ubɔhɔ nnyin. [Selah.]

ŊWED MME PSALM 97:10

Mbufo emi emade Jehovah, esua idiɔk ido: enye onim ukpɔŋ mbon ima esie; eyesio mmɔ mme idiɔk owo ke ubɔk.

EXODUS 3:12

Ndien Enye ɔdɔhɔ ete, Nditreke ndidu ye afo; ndien emi eyedi idiɔŋɔ fo, ete ke edi ami ndɔŋ fi utom: ke ini afo ama ada mbio oro ke Egypt ɔwɔrɔ, mbufo eyenam ŋkpɔ enɔ Abasi ke akamba obot emi.

MME ŊKE 11:27

Owo eke abakde oyom eti ŋkpɔ eye-bine mfɔn: ndien ama edi owo eke oyomde idiɔk-ŋkpɔ, idiɔk eyesim enye.

ISAIAH 55:2

Nsinam mbufo edomode silver enɔ ke se midige uyo? ye utom mbufo ke se miyuhɔke? Etim ekop uyo mi, enyuŋ edia se ifɔnde, yak ukpɔŋ mbufo onyuŋ enem esit ke isek.

ISAIAH 8:10

Mbufo eduak uduak, ndien eyekpu: edɔhɔ ikɔ, ndien ididaha: koro Abasi odude ye nnyin.

AMOS 3:3

Nte iba eyesaŋa kiet ye kiet ke mmɔ midige esit kiet?

AMOS 5:6

Mbufo eyom Jehovah, enyuŋ edu uwem, mbak enye edibumere nte ikaŋ ke ufɔk Joseph, onyuŋ ata enye, ndien baba owo kiet eke onimede enye iduhe ke Bethel.

MICAH 3:11

Mme etubom esie ebiere ikɔ ke okuk, mme oku esie enyuŋ eteme owo ke inyene, mme prophet esie enyuŋ ebre mfa ke silver: ndien mmɔ ebere edem ye Jehovah, ete, Nte Jehovah iduhe ke otu nnyin? Idiɔk-ŋkpɔ idisimke nnyin.

MICAH 6:8

O owo, enye omowut fi se ifɔnde; ndien nso ke Jehovah oyom ye afo, ke mibɔhɔke ndinam se inende, nnyuŋ mma ima Abasi, nnyuŋ nsuk idem nsaŋa ye Abasi fo?

ZEPHANIAH 2:3

Mbufo kpukpru suŋ-suŋ mbio isɔŋ emi enamde ikpe esie, eyom Jehovah; mbufo eyom edinen ido, eyom suŋ-suŋ ido: mme mbufo eyedibe ke usen iyaresit Jehovah.

NUMBERS 16:3

Ndien mmɔ esop idem enam ikɔ ye Moses ye Aaron, ekedɔhɔ mmɔ, ete, Eke mbufo ekem ke adaŋa oro: koro ofuri esop kpukpru edide edisana, Jehovah onyuŋ odu ke otu mmɔ ŋko: nsinam ndien mbufo emende idem mbufo ke enyɔŋ ntre ekan esop Jehovah.

MATTHEW 1:23

Sese, eyenɔwɔŋ aŋwan eyeyomo, onyuŋ aman eyeneren; Enyeyuŋ esio enye enyiŋ Immanuel, oro ɔwɔrɔ ete, Abasi ke ododu ye nnyin.

MATTHEW 28:20

enyuŋ ekpep mmɔ enam kpukpru ŋkpɔ eke ŋketemede mbufo: ndien sese, Ami ndodu ye mbufo kpukpru ini, tutu osim utit ererimbot. Amen.

MATTHEW 6:33

Ekam ebem iso eyom Obio Ubɔŋ Esie ye edinen ido Esie; ndien eyedian kpukpru ŋkpɔ emi enɔ mbufo.

2 ŊWED TIMOTHY 4:22

Ɔbɔŋ akpakam odu ye spirit fo. Mfɔn akpakam odu ye mbufo.

JOSHUA 1:9

onyuŋ otim anam. Nte idige ami nteme fi? sɔŋ ubɔk, nyuŋ sɔŋ esit; kudige, kunyuŋ uyak esit ɔduɔ fi: koro Jehovah Abasi fo odude ye afo ke kpukpru ŋkpɔ eke afo akade.