AMOS 5:1 - Edisana ñwed Abasi Ibom

¹ MBUFO ekop uyo emi ami mmende ntiŋ mbaŋa mbufo, kpa ikwɔ eseme, O ufɔk Israel.

AMOS 5:1 ပူးပေါင်းရင်းမြစ်များ

JEREMIAH 18:13

Mmɔdo ntem ke Jehovah ɔdɔhɔ ete, Mbufo ebup ndien ke otu mme idut: Anie okokop oruk ŋkpɔ ntem? Eyen aŋwan Israel amanam ata ŋkpɔ ndik.

JEREMIAH 7:29

O Jerusalem, fat idet fo nyuŋ duɔk; nyuŋ menere eseme ke ŋkokoŋo ebiet: koro Jehovah amasua onyuŋ ɔduɔk emana emi enye ayatde esit ye mmɔ.

JEREMIAH 9:10

Nyemen eyet ye ntuaŋa mbaŋa ikpɔ obot, nyemen eseme mbaŋa mbiet wilderness koro esobode mmɔ, owo minyuŋ isaŋake ke esit ibe: ndien mmɔ ikopke uyo ufene; mme inuen enyɔŋ ye mme unam isɔŋ emefeŋe; emedaŋa!

JEREMIAH 9:17

Ntem ke Jehovah mme udim ɔdɔhɔ, ete, Mbufo ekere enyuŋ ekot iban ntuaŋa edi, ndien mmɔ eyedi; enyuŋ edɔŋ ekekot mme ɔfiɔkŋkpɔ iban edi, ndien mmɔ eyedi.

JEREMIAH 9:20

Mbufo iban ekop ndien uyo Jehovah, yak utɔŋ mbufo enyuŋ ebɔ uyo inua esie, mbufo enyuŋ ekpep nditɔ-iban mbufo ntuaŋa, yak kpukpru iban enyuŋ ekpep mbɔhiduŋ mmɔ eseme.

JEREMIAH 9:9

Jehovah ete, Nte ndinɔŋɔ mmɔ ufen mbaŋa ŋkpɔ emi? Nte ukpɔŋ mi idisioho usiene ye oruk idut emi?

EZEKIEL 19:1

AFO ŋko nyuŋ men eseme baŋa mbɔŋ Israel, Nyuŋ dɔhɔ, ete, Uka edi anie? Uman lion.

EZEKIEL 19:14

Ndien ikaŋ omoto ke esaŋ ŋkɔk esie, amata mfri esie, ŋkpɔsɔŋ esaŋ ke eke mmɔnyɔ ɔbɔŋ inyuŋ iduhe enye ke esit. Emi edi eseme, eyenyuŋ edi se edisemede.

EZEKIEL 26:17

Ndien mmɔ eyemenere ikwɔ eseme ebaŋa fi, enyuŋ edɔhɔ fi, ete, Afo andiduŋ ke inyaŋ, anam didie osobo, obio emi etorode, emi ɔsɔŋɔde ada ke inyaŋ, enye ye mme andiduŋ enye, emi ekedade uteŋe mmɔ edori kpukpru mme andiduŋ enye ke idem!

EZEKIEL 27:2

men ndien ikwɔ eseme baŋa Tyre;

EZEKIEL 28:12

Eyen owo, men ikwɔ eseme baŋa edidem Tyre, nyuŋ dɔhɔ enye, ete, Ntem ke Ɔbɔŋ Jehovah ɔdɔhɔ, ete, Afo efik idiɔŋɔ mfɔn-mma, ɔmɔyɔhɔ ifiɔk, omonyuŋ eye ama.

EZEKIEL 32:16

Emi edi ikwɔ eseme, ndien mmɔ eseme enye; nditɔ-iban mme idut eyeseme enye; mmɔ eyeseme enye, kpa Egypt ye ofuri otu owo esie. Uyo Ɔbɔŋ Jehovah edi emi.

EZEKIEL 32:2

Eyen owo, men ikwɔ eseme baŋa Pharaoh edidem Egypt, nyuŋ dɔhɔ enye, ete, Afo ekebiet akparawa lion mme idut, afo onyuŋ edi ofiom ke akwa mmɔŋ, onyuŋ oto ke mme akpa mmɔŋ fo obumere ɔwɔrɔ, onyuŋ etimere mmɔŋ ke ukot fo, onyuŋ anam mmɔŋ mmɔ edehe.

AMOS 3:1

NDITƆ Israel, mbufo ekop uyo emi Jehovah ɔdɔhɔde abaŋa mbufo, abaŋa ofuri oruk owo oro ami ŋkosiode ke isɔŋ Egypt ndɔk, nte,

AMOS 4:1

MBUFO ekop uyo mi, O enaŋ Bashan emi edude ke akwa obot Samaria, emi etukde mbon unana, enyuŋ enuakde mme ubuene, emi edɔhɔde ɔbɔŋ mmɔ, ete, Da di, man nnyin iŋwɔŋ.

AMOS 5:16

Mmɔdo ntem ke Jehovah Abasi mme udim, Ɔbɔŋ, ɔdɔhɔ, ete, Ntuaŋa odu ke kpukpru mme aŋwa; mmɔ enyuŋ edɔhɔ, ete, “Mbɔm! mbɔm!” ke kpukpru efak; mbufo ekot mbio iŋwaŋ edi eseme, enyuŋ ekot mmɔ eke efiɔkde ikwɔ edi ntuaŋa.

AMOS 8:14

emi etomode isop Samaria, enyuŋ edɔhɔde, ete, Ma uwem Abasi fo, O Dan! edɔhɔ ete, Ma uwem usuŋ Beer-sheba; ndien mmɔ eyeduɔŋɔ ke isɔŋ, ndien ididahake aba ke enyɔŋ.

MICAH 2:4

Ke usen oro owo eyetop ŋke abaŋa mbufo, onyuŋ eseme ata eseme mbɔm, ɔdɔhɔ ete, Nnyin imabiara kpukpru: enye ɔkpuhɔre udeme ikɔt nnyin: enye anam didie adaha ɔkpɔŋ mi? onyuŋ edeme iŋwaŋ nnyin ɔnɔ owo nsɔŋ ibuot.