AMOS 4:9 - Edisana ñwed Abasi Ibom

⁹ Ŋkada nda-eyo ye mfut mmia mbufo eti-eti; ŋkukuŋkpɔyɔriyɔ ata mbuŋwum iŋwaŋ-esa mbufo, ye iŋwaŋ-vine mbufo, ye fig mbufo, ye mme olive mbufo: edi mbufo ifiakke itiene mi; uyo Jehovah edi emi.

AMOS 4:9 ပူးပေါင်းရင်းမြစ်များ

1 NDIDEM 8:37

Ke ini akaŋ edidude ke isɔŋ, ke idiɔk udɔŋɔ edidude, ke ikaŋ ekpo, mme mfut, mme ŋkukuŋkpɔyɔriyɔ eke atade edidude; ke ini mme asua mmɔ edikande mmɔ ekuk ke isɔŋ obio mmɔ; ufen ekededi,

2 CHRONICLES 6:28

Ke ini akaŋ edidude ke isɔŋ emi, ke idiɔk udɔŋɔ edidude, ke nda-eyo, mme mfut, mme ŋkukuŋkpɔyɔriyɔ eke etade edidude; ke ini mme asua mmɔ edikande inua-otop isɔŋ mmɔ ekuk: ke ufen ekededi, mme udɔŋɔ ekededi edidude:

ISAIAH 1:5

Edinam didie esuk emia mbufo? Mbufo edediɔŋ ekabare ekpɔŋ mi: ofuri ibuot ke ɔdɔŋɔ, ofuri esit ke onyuŋ akpa.

ISAIAH 50:11

Sese, kpukpru mbufo eke ebarade ikaŋ, eke ebɔbɔde ndisak idaŋ ke idem: mbufo esaŋa eduk ke edemikaŋ mbufo, ye ke idaŋ ikaŋ eke mbufo ebuberede! Mbufo eyebɔ mi ŋkpɔ emi ke ubɔk; eyesuhɔre ena ke ndutuhɔ.

ISAIAH 9:12

Syria ke iso, ye mme Philistine ke edem; ndien mmɔ eyeŋwaŋade inua eta Israel. Ofuri ŋkpɔ emi isinke iyaresit esie akabare, edi enye ke anyanyan ubɔk esie kaŋa.

JEREMIAH 3:10

Ndien idem ofuri ŋkpɔ emi isinke Judah ama-nsu eyen eka esie aŋwan afiak etiene mi ke ofuri esit esie, edi ke abiaŋa. Emi edi uyo Jehovah.

JEREMIAH 5:3

O Jehovah, nte enyin fo isehe akpanikɔ? Afo ɔkɔtɔ mmɔ, edi mmɔ ikopke ubiak; afo okosobo mmɔ, mmɔ inyimeke ndikop item: esɔŋɔ iso mmɔ ekan itiat; inyimeke ndifiak ndi.

HOSEA 11:5

Ndien enye idifiakke ke Egypt, edi Assyrian eyedi edidem esie, koro mmɔ minyimeke ndikabare.

JOEL 1:4

Ŋkukuŋkpɔyɔriyɔ ata se idiaŋ ɔsuhɔde; ŋkuku onyuŋ ata se ŋkukuŋkpɔyɔriyɔ ɔsuhɔde; itut onyuŋ ata se ŋkuku ɔsuhɔde.

JOEL 1:7

Enye abiat vine mi, onyuŋ obuŋ eto fig mi: osio enye ofuri ikpɔk, onyuŋ emen ɔduɔk; mmɔ enam ŋkɔk esie efia.

JOEL 2:25

Ndien nyenɔ mbufo usiene mme isua oro ŋkukuŋkpɔyɔriyɔ ye ŋkuku ye itut ye idiaŋ eketade, akwa udim mi emi ŋkɔdɔŋde ekɔŋ ke ɔtɔ mbufo.

AMOS 4:6

Jehovah ɔdɔhɔ, ete, Ami nnyuŋ nnɔ mbufo edisana edet ke kpukpru mme obio mbufo, ye unana uyo ke kpukpru mme ebiet mbufo: edi mbufo ifiakke edem itiene mi.

AMOS 4:8

Ndien obio iba mme obio ita eyɔrɔ ke obio kiet, man eŋwɔŋ mmɔŋ, edi iyuhɔke; edi mbufo ifiakke edem itiene mi. Uyo Jehovah edi emi.

HABAKKUK 3:17

Koro eto fig midiseheke, baba mfri midinyuŋ iduhe ke mme vine: mbuŋwum olive eyenyuŋ okpu, iŋwaŋ idi-nyuŋ idukke udia; ŋkpri ufene eyetre ke ebiet ufene, baba enaŋ kiet idinyuŋ iduhe ke ufɔk enaŋ.

HAGGAI 2:17

Ŋkada nda-eyo ye mfut ye edim-itiat mmia mbufo, kpa kpukpru se ubɔk mbufo enamde; edi mbufo isehe mi, ke edi uyo Jehovah.

MALACHI 3:11

Ndien nyeduat andita nnɔ mbufo, ndien enye idibiatke aba mbuŋwum iŋwaŋ mbufo: vine ke iŋwaŋ idinyuŋ iforoke ayara inɔ mbufo, Jehovah mme udim ɔdɔhɔ.

DEUTERONOMY 28:22

Jehovah eyeda ndiɔkidem, ye ufiopidem, ye ŋkunya, ye oyo, ye ofut, ye ikaŋ-ekpo, ye mfut, amiŋa fi: ndien mmɔ eyebine fi tutu esobo fi ema.

DEUTERONOMY 28:42

Ŋkukuŋkpɔyɔriyɔ eyeta kpukpru eto fo ye mfri iŋwaŋ fo.