AMOS 4:4 - Edisana ñwed Abasi Ibom

⁴ Mbufo edi ke Bethel enam idiɔk; enyuŋ enam ediwak mme idiɔk ido ke Gilgal; enyuŋ eda uwa mbufo ke usenubɔk edi, ye ɔyɔhɔ mbak duop mbufo ke isua ita:

AMOS 4:4 ပူးပေါင်းရင်းမြစ်များ

ECCLESIASTES 11:9

O akparawa, dara ke uyen fo; yak esit fo onyuŋ enem fi ke usen emi afo edide akparawa, nyuŋ tiene usuŋ esit fo, ye se enyin fo okutde: edi fiɔk ete ke Abasi edikot fi edi ikpe abaŋa kpukpru ŋkpɔ emi.

EZEKIEL 20:39

Ndien ama edi mbufo, ufɔk Israel, ntem ke Ɔbɔŋ Jehovah ɔdɔhɔ, ete, Mbufo kpukpru eka ekenam ŋkpɔ mme ibɔk mbufo ye ke ini iso, ke baba owo mbufo kiet mikopke uyo mi: mbufo ekunyuŋ esabare aba edisana enyiŋ mi ke enɔ mbufo, ye ibɔk mbufo.

HOSEA 12:11

Ŋkɔm Gilead anam oburobut: mmɔ edi ata mbon nsu: mmɔ ewa enaŋ ke Gilgal; mme itie-uwa mmɔ enyuŋ ebiet ibombom ke iŋwaŋ eke efuŋde.

HOSEA 4:15

Edieke afo Israel edide akpara, Judah okukam edue; mbufo ekunyuŋ edi ke Gilgal, ekunyuŋ edɔk eka ke Beth-aven, ekunyuŋ etomo, ete, Ma uwem Jehovah.

HOSEA 9:15

Ofuri idiɔk ido mmɔ edu do ke Gilgal: koro do ke ŋkasua mmɔ: nyebin mmɔ ke ufɔk mi mfep, mbaŋa mme idiɔk ŋkpɔ emi mmɔ ekenamde: ndimaŋa aba mmɔ: kpukpru mbɔŋ mmɔ esɔŋ ibuot.

AMOS 3:14

Ke usen eke ndidade ufen idiɔk ido Israel nnɔ enye, ke ndinyuŋ nnɔ mme itie-uwa Bethel ufen: ndien eyesibe nduk itie-uwa efep, ndien mmɔ eyeduɔŋɔ ke isɔŋ.

AMOS 5:5

ndien mbufo ekuyom Bethel, ekunyuŋ eka ke Gilgal, ekunyuŋ ebe ekesim Beer-sheba: koro miditreke nditaŋ Gilgal nnyɔŋ, Bethel eyenyuŋ akabare edi ikpikpu.

MATTHEW 23:32

Mbufo enyuŋ enam idomo idiɔk-ŋkpɔ mme ete mbufo ɔyɔhɔ ndien.

MATTHEW 26:45

Ekem Enye asaŋa ekpere mbet Esie, ete, Edɔdiɔŋ ede idap, eda nduɔkodudu: sese, ini ke ekpere; emonyuŋ eda Eyen Owo esin mme idiɔk owo ke ubɔk.

MARK 14:41

Ekem Enye edi ɔyɔhɔ utim ikata, ɔdɔhɔ mmɔ ete, Edɔdiɔŋ ede idap ndien, enyuŋ eda nduɔk-odudu. Ekem adaŋoro; ini oro ama edi; ema eda Eyen Owo esin mme idiɔk owo ke ubɔk.

MARK 5:5

Kpukpru ini, ke okoneyo ye ke uwemeyo, ke mme udi ye ke ikpɔ obot, enye ke ofofiori onyuŋ ekpeŋe idem ke itiat.

DEUTERONOMY 26:12

Ke ini afo ama akada ɔyɔhɔ ubak ofuri mbuŋwum fo duop ɔnɔ ama, ke ɔyɔhɔ isua ita, eke edide isua erinɔ ɔyɔhɔ ubak duop, ama onyuŋ emen enye ɔnɔ mme Levite, ye esen owo, ye eyen-akpa, ye ebe-akpa, man mmɔ eda edia ŋkpɔ ke mme obio fo, eyuhɔ;