AMOS 4:10 - Edisana ñwed Abasi Ibom

¹⁰ Ŋkɔdɔŋ idiɔk udɔŋɔ etiene mbufo, kpa nte ŋkanamde ke Egypt: ŋwot mkparawa mbufo ke ofut, nnyuŋ ntaŋ mme horse mbufo mfep; nnyuŋ nnam utebe nna-ekɔŋ mbufo ɔdɔk oduk mbufo ke ibuo: edi mbufo ifiakke edem itiene mi; uyo Jehovah edi emi.

AMOS 4:10 ပူးပေါင်းရင်းမြစ်များ

2 NDIDEM 10:32

Ke ini oro Jehovah ɔtɔŋɔ ndisibe ubak Israel mfep: ndien Hazael akan mmɔ ke kpukpru adaŋa Israel:

2 NDIDEM 13:3

Ndien Jehovah ayat esit ye Israel, onyuŋ ada mmɔ esin ke ubɔk Hazael edidem Syria, ye ke ubɔk Benhadad eyen Hazael, kpukpru ini.

2 NDIDEM 13:7

Koro enye mikɔkpɔŋke owo inɔ Jehoahaz, ke mibɔhɔke mbon horse aba ye duop, ye chariot duop, ye tɔsin mbon-ekɔŋ duop: koro edidem Syria okosobode mmɔ, okonyuŋ anuakde mmɔ onim nte ntɔŋ.

2 NDIDEM 8:12

Ndien Hazael obup ete, Ɔbɔŋ mi atua nso? Ndien enye ete, Koro mfiɔkde mme idiɔk-ŋkpɔ emi afo edinamde nditɔ Israel; afo eyekim ikaŋ ke mkpɔsɔŋ ebiet mmɔ, onyuŋ owot mkparawa mmɔ ke ofut, onyuŋ oyibi nditɔwɔŋ mmɔ, onyuŋ asiak iban mmɔ eke eyomode idibi.

EXODUS 10:27

Edi Jehovah ɔsɔŋ Pharaoh esit, ndien enye inyimeke ndiyak mmɔ eka.

EXODUS 10:3

Ndien Moses ye Aaron eka ke ebiet Pharaoh, ekedɔhɔ enye, ete, ntem ke Jehovah Abasi mme Hebrew ɔdɔhɔ ete, adaŋa didie ke afo edisin ndisuk idem ke iso mi? yak ikɔt mi eka, man ekenam ŋkpɔ enɔ mi.

EXODUS 14:4

Ndien nyesɔŋ Pharaoh esit, ndien enye eyebine mmɔ; ndien nyeda ukpono ke idem Pharaoh, ye ke idem kpukpru mbon-ekɔŋ esie: ndien nditɔ Egypt eyefiɔk ete ke ami ndi Jehovah. Ndien mmɔ enam ntre.

EXODUS 15:26

onyuŋ ɔdɔhɔ ete, edieke afo editimde okop uyo Jehovah Abasi fo, onyuŋ anamde se inende enye ke enyin, onyuŋ akpaŋde utɔŋ ɔnɔ mbet esie, onyuŋ onimde kpukpru ewuhɔ esie, ndidaha baba udɔŋɔ kiet emi ŋkanamde etiene Egypt, ntiene fi: koro edi ami Jehovah nnam udɔŋɔ okure fi.

EXODUS 8:19

Ndien mbia-idiɔŋ edɔhɔ Pharaoh ete, Nnuenubɔk Abasi edi emi; edi esit Pharaoh osuk ɔsɔsɔŋ, enye inyuŋ ikopke inɔ mmɔ; kpa suk nte emi Jehovah ɔkɔdɔhɔde.

EXODUS 9:12

Ndien Jehovah ɔsɔŋ Pharaoh esit, ndien enye ikopke inɔ mmɔ; kpa nte emi Jehovah ɔkɔdɔhɔde Moses.

EXODUS 9:17

Afo ke osuk emen idem fo ɔbiɔŋɔ ikɔt mi, unyuŋ usanake mmɔ uyak.

ISAIAH 34:3

Ndien eyemen mmɔ eke ekpaŋade afai, eduɔŋɔ, ndien utebe mme okpo mmɔ eyedɔk, iyip mmɔ eyenyuŋ anam ikpɔ obot etara.

ISAIAH 50:11

Sese, kpukpru mbufo eke ebarade ikaŋ, eke ebɔbɔde ndisak idaŋ ke idem: mbufo esaŋa eduk ke edemikaŋ mbufo, ye ke idaŋ ikaŋ eke mbufo ebuberede! Mbufo eyebɔ mi ŋkpɔ emi ke ubɔk; eyesuhɔre ena ke ndutuhɔ.

ISAIAH 9:12

Syria ke iso, ye mme Philistine ke edem; ndien mmɔ eyeŋwaŋade inua eta Israel. Ofuri ŋkpɔ emi isinke iyaresit esie akabare, edi enye ke anyanyan ubɔk esie kaŋa.

ISAIAH 9:13

Edi mbio emi ikabakede ibine enye emi akamiade mmɔ, inyuŋ itieneke Jehovah mme udim.

ISAIAH 9:17

Oro esin mkparawa mmɔ midinemke Ɔbɔŋ esit, esin enye mituaha nditɔ-akpa mmɔ, ye mme ebe-akpa mmɔ mbɔm: koro kpukpru mɔ edide mme oburobut ye mme anam idiɔk, kpukpru inua enyuŋ edɔhɔ ndisime. Ofuri ŋkpɔ emi isinke iyaresit esie akabare, edi enye ke anyanyan ubɔk esie kaŋa.

JEREMIAH 11:22

mmɔdo ntem ke Jehovah mme udim ɔdɔhɔ, ete, Sese, ami nyenɔ mmɔ ufen; mkparawa mmɔ eyekpaŋa ke ofut: nditɔ-iren mmɔ ye nditɔ-iban mmɔ eyekpaŋa ke akaŋ:

JEREMIAH 15:3

Jehovah ɔdɔhɔ, ete, Nyeda oruk ŋkpɔ inaŋ nnɔ mmɔ ufen: ofut eke owotde, ye ebua eke edudide, ye mme inuen enyɔŋ, ye mme unam ikɔt eke etade enyuŋ ebiatde.

JEREMIAH 16:4

mmɔ eyekpaŋa udɔŋɔ mkpa; idituaha mmɔ, idinyuŋ ibukke mmɔ; mmɔ eyekabare edi ifum ke iso isɔŋ: eyetak ke ofut, ye ke biɔŋ; mme okpo mmɔ eyenyuŋ edi udia inuen enyɔŋ, ye eke mme unam ikɔt.

JEREMIAH 18:21

Da ndien nditɔwɔŋ mmɔ nɔ biɔŋ, nyuŋ men mmɔ sin ke ubɔk ofut; yak iban mmɔ ekabare edi mme anana nditɔ, ye mme ebe-akpa; yak mkpa onyuŋ owot irenowo mmɔ; yak ofut onyuŋ ekpeŋe mkparawa mmɔ ke ekɔŋ.

JEREMIAH 48:15

Moab amabiara, mme obio esie enyuŋ edɔk (ke nsuŋikaŋ), ndimek mkparawa esie enyuŋ esuhɔre ete ekewot mmɔ; emi edi uyo edidem. Jehovah mme udim edi enyiŋ esie.

JEREMIAH 49:26

Mmɔdo mkparawa esie eyeduɔŋɔ ke aŋwa esie, kpukpru mbon-ekɔŋ eyenyuŋ etak ke usen oro; uyo Jehovah mme udim edi emi.

JEREMIAH 5:3

O Jehovah, nte enyin fo isehe akpanikɔ? Afo ɔkɔtɔ mmɔ, edi mmɔ ikopke ubiak; afo okosobo mmɔ, mmɔ inyimeke ndikop item: esɔŋɔ iso mmɔ ekan itiat; inyimeke ndifiak ndi.

JEREMIAH 6:11

Ndien iyaresit Jehovah ɔyɔhɔ mi ke idem; idem emem mi ke mmum-ŋkama: nyeŋwaŋa enye ke idem eyenɔwɔŋ ke esien, ye ke otu mkparawa ini kiet: koro eyeda ebe ye ŋwan ŋko, ye mbiowo ye owo eke uwem ɔyuhɔde enye.

JEREMIAH 9:22

Dɔhɔ ete, Ntem ke Jehovah ɔdɔhɔ, ete, Mme okpo owo emeduɔŋɔ nte ifum ke iso isɔŋ, ye nte ebek ibokpot ke edem owo eke ekpeŋede, ndien baba owo kiet eke ataŋde iduhe.

HOSEA 11:5

Ndien enye idifiakke ke Egypt, edi Assyrian eyedi edidem esie, koro mmɔ minyimeke ndikabare.

JOEL 2:20

Ndien nyesio idut edem edere mfep ŋkpɔŋ mbufo anyan usuŋ, nnyuŋ mbin enye nsin ke edisat ye ikpikpu isɔŋ, iso esie eyese inyaŋ edem usiaha-utin, edem esie eyenyuŋ ese inyaŋ edem usop-utin, ndien utebe esie eyedɔk, uŋwak esie eyenyuŋ ɔdɔk, koro enye anamde ikpɔ ŋkpɔ.

LEVITICUS 26:16

ami ŋko nyenam ŋkpɔ emi ye mbufo: nnyuŋ nda nnyek-idem, ye ndiɔkidem, ye ata ufiopidem ndori mbufo, ndien mmɔ eyetibi owo enyin, enyuŋ esin uduk ke esit: ndien mbufo eyetɔ mkpasip mbufo ke ikpikpu; ndien mme asua mbufo eyedia enye.

LEVITICUS 26:25

Nyenyuŋ nda ofut eke edisiode usiene ediomi mi, ntiene mbufo: ndien adaŋemi mbufo ebonode ke obio mbufo, nyedɔŋ idiɔk udɔŋɔ utom ke otu mbufo; ndien mbufo eyesine mme asua mbufo ke ubɔk.

AMOS 4:6

Jehovah ɔdɔhɔ, ete, Ami nnyuŋ nnɔ mbufo edisana edet ke kpukpru mme obio mbufo, ye unana uyo ke kpukpru mme ebiet mbufo: edi mbufo ifiakke edem itiene mi.

AMOS 8:3

Ɔbɔŋ Jehovah onyuŋ ɔdɔhɔ, ete, Ikwɔ ufɔk edidem eyedi eseme ke usen oro: mme okpo ewak! men mmɔ duɔk ke ebiet ekededi: dop uyo!

HAGGAI 2:17

Ŋkada nda-eyo ye mfut ye edim-itiat mmia mbufo, kpa kpukpru se ubɔk mbufo enamde; edi mbufo isehe mi, ke edi uyo Jehovah.

DEUTERONOMY 28:21

Jehovah eyenam idiɔk udɔŋɔ eyire fi, tutu enye osobo fi efep ke isɔŋ emi afo akade do ndida enye nnyene.

DEUTERONOMY 28:22

Jehovah eyeda ndiɔkidem, ye ufiopidem, ye ŋkunya, ye oyo, ye ofut, ye ikaŋ-ekpo, ye mfut, amiŋa fi: ndien mmɔ eyebine fi tutu esobo fi ema.

DEUTERONOMY 28:60

Enye eyenyuŋ ada kpukpru mme idiɔk udɔŋɔ Egypt emi afo ekefehede, anam fi; ndien mmɔ eyeyire fi.

DEUTERONOMY 7:15

Jehovah eyenyuŋ osio fi kpukpru udɔŋɔ ke idem efep, idinyuŋ idaha baba idiɔk udɔŋɔ Egypt kiet, eke afo ɔfiɔkde inam fi; edi enye eyeda mmɔ anam kpukpru owo eke esuade fi.