AMOS 4:1 - Edisana ñwed Abasi Ibom

¹ MBUFO ekop uyo mi, O enaŋ Bashan emi edude ke akwa obot Samaria, emi etukde mbon unana, enyuŋ enuakde mme ubuene, emi edɔhɔde ɔbɔŋ mmɔ, ete, Da di, man nnyin iŋwɔŋ.

AMOS 4:1 ပူးပေါင်းရင်းမြစ်များ

1 NDIDEM 16:24

Ndien enye edep obot Samaria ye Shemer ke talent silver iba, onyuŋ ɔbɔp (obio) ke obot oro, onyuŋ ada enyiŋ Shemer, andinyene obot, osio obio oro enye ɔkɔbɔpde, okot ete Samaria.

ŊWED JOB 20:19

Koro enye okotukde onyuŋ ɔkpɔŋde mme ubuene; ada ŋkanubɔk ɔbɔ ufɔk eke midige enye ɔkɔbɔp:

ŊWED JOB 24:4

Enuk mbon-unana ke usuŋ efep, mme ubuene isɔŋ edibe ɔtɔ kiet.

ŊWED MME PSALM 12:5

Jehovah ɔdɔhɔ ete, Ke emi ke ndidaha ke enyɔŋ, mbaŋa ufik mbon ukut, mbaŋa mmum mme ubuene; nyeda enye nsin ke ifure emi enye oyomde eti-eti.

ŊWED MME PSALM 140:12

Mmɔfiɔk nte ke Jehovah ekpe ikɔ eyen ukut, onyuŋ anam se inende ye eyen ubuene.

ŊWED MME PSALM 22:12

Ediwak nyara enaŋ ekan mi ekuk; mkpɔsɔŋ enaŋ Bashan ekan mi ekuk.

MME ŊKE 22:7

Enyene-ŋkpɔ akara mme anana-ŋkpɔ: owo eke ɔbuɔtde onyuŋ edi ofin owo eke ɔnɔde.

ECCLESIASTES 4:1

NDIEN ami ŋwɔŋɔre nnyuŋ nse kpukpru ufik emi enamde ke idak utin: ndien se mmɔŋ-eyet mmɔ emi owo efikde: ndien baba owo kiet eke ɔdɔŋde mmɔ esit iduhe; mme andifik mmɔ enyuŋ ekan mmɔ ubɔk; ndien baba owo kiet eke ɔdɔŋde mmɔ esit iduhe.

ECCLESIASTES 5:8

Afo ama okut nte efikde mme ubuene, enyuŋ eyutde ikpe ye se inende ke mme province, kuyik oruk ŋkpɔ ntem: koro kiet emi okoŋde akan edikoŋ ekpeme; ndien Ata Andikoŋ akan mmɔ.

ISAIAH 28:1

IFƆNKE fɔn inɔ edikoŋ anyanya mbon mmin Ephraim, ye ediyemere ikɔŋ ediye mbana esie emi odorode ke ibuot eti itihere isɔŋ mmɔ eke wine amiade.

ISAIAH 5:8

Ifɔnke fɔn inɔ mmɔ eke ekɔtde ufɔk ke ufɔk, edian iŋwaŋ ke iŋwaŋ, tutu ebiet iduhe, mbufo enyuŋ eduŋ ikpɔŋ ke ufɔt isɔŋ.

ISAIAH 56:12

“Mbufo edi! nyeda wine ndi, ndien nnyin iyeŋwɔŋ mmin ikpa; ndien mkpɔŋ eyetie kpa nte mfin, akamba, awak akaha.”

ISAIAH 58:6

Nte idige emi edi utre-udia eke ndimekde enye: eritat uruk idiɔk ido, erikpɔhɔre ubɔp-ŋkpɔ ɔkpɔnɔ, nnyuŋ nsana mmɔ eke owo efikde nnyak, nnyuŋ mbuŋ kpukpru ɔkpɔnɔ?

JEREMIAH 50:11

Koro esit ekadatde mbufo, koro mbufo ekebrede mbre, mbufo mme ndibiat udeme mi, koro mbufo efrɔde nte abak uman enaŋ ke mbiet, enyuŋ esiorode uyo nte nyara horse:

JEREMIAH 50:27

Mbufo esobo kpukpru mme enaŋ esie; yak mmɔ esuhɔre eka mkpa: ɔdɔdiɔk ɔnɔ mmɔ! koro usen mmɔ edide, kpa ini ufen mmɔ.

JEREMIAH 51:34

Nebuchadrezzar edidem Babylon ama adia mi, ama asuan mi, ama onim mi nte ukpɔk abaŋ, ama emen mi nte kukubarakpa, ama ada edinem udia mi esin ke idibi esie ɔyɔhɔ, ama ebin mi efep.

JEREMIAH 6:6

Koro ntem ke Jehovah mme udim ɔdɔhɔ, ete, Mbufo ekpeŋe eto, enyuŋ ekubi akwa ibombom ke ɔtɔ Jerusalem: emi edi obio eke edidade ufen; ŋkanubɔk ɔyɔhɔ enye kpukpru.

JEREMIAH 7:6

edieke mbufo mitukke esen owo, ye eyen-akpa, ye ebe-akpa, minyuŋ iduɔkke iyip owo eke miduehe isop ke ebiet emi, minyuŋ ibineke abasi efen, eke ɔdiɔkde ye mbufo:

EZEKIEL 18:12

eke otukde owo ukut ye ubuene, owode ŋwo, ndien misanake ubiɔŋ iyak, onyuŋ emenere enyin esie ese ibɔk, anam mbubiam;

EZEKIEL 22:12

Ebɔ inyene ke ufɔt fo, ete iduɔk iyip; afo ada udori ye nkɔri, onyuŋ adia mbɔhiduŋ fo ke ŋwo, onyuŋ efre mi. Uyo Ɔbɔŋ Jehovah edi emi.

EZEKIEL 22:27

Mbɔŋ esie ke otu mmɔ ebiet wolf eke ewaide ŋkpɔ, ke eriduɔk iyip, nnyuŋ nsobo ukpɔŋ, man mmɔ edia udori utuk.

EZEKIEL 22:29

Mbio isɔŋ enam nnama, enyuŋ ewo ŋwo, enyuŋ efik eyen ukut ye ubuene, enyuŋ etuk esen owo ke ido eke minenke.

EZEKIEL 22:7

Mmɔ ese ete ye eka ke ndek ke ufɔt fo: enam esen owo nnama ke ufɔt fo: efik ebe-akpa ye eyen-akpa ke ufɔt fo.

EZEKIEL 34:16

Nyeyom se isopde, nnyuŋ nda se ekebinde efep mfiak ndi, nnyuŋ mbɔp se ibuŋɔde, nnyuŋ nsɔŋ se idem ememde enye: nnyuŋ nsobo se ikponde ye se isɔŋde; nnyuŋ nda ikpe mbɔk mmɔ.

EZEKIEL 39:18

Mbufo eyeta unam mbon uko, enyuŋ eŋwɔŋ iyip mbon ererimbot, eke okukim, ye eke nditɔ-erɔŋ, ye eke okpo ebot, ye eke enaŋ, kpukpru mmɔ ekpon idem enyuŋ eto ke Bashan.

JOEL 3:3

Mmɔ ekenyuŋ esin afia ebaŋa ikɔt mi; enyuŋ enɔ eyen-eren ke akpara, enyuŋ enyam eyen-aŋwan ke wine eke ekpeŋwɔŋde.

AMOS 3:1

NDITƆ Israel, mbufo ekop uyo emi Jehovah ɔdɔhɔde abaŋa mbufo, abaŋa ofuri oruk owo oro ami ŋkosiode ke isɔŋ Egypt ndɔk, nte,

AMOS 3:3

Nte iba eyesaŋa kiet ye kiet ke mmɔ midige esit kiet?

AMOS 5:11

Mmɔdo, koro mbufo edigide mbon unana, enyuŋ ebɔde mmɔ utomo ibokpot: mbufo ebɔp ufɔk ke ndisɔi itiat, edi ididuŋke ke esit; enyuŋ etɔ edifɔn iŋwaŋ-vine, edi idiŋwɔŋke wine mmɔ.

AMOS 6:1

OSUK ɔdɔdiɔk ɔnɔ mmɔ emi etiede ke ifure ke Zion, enyuŋ ebuɔtde idem mmɔ ke obot Samaria, akpan owo ke otu mme etubom mme idut, emi ufɔk Israel etienede mmɔ!

AMOS 6:6

eke eŋwɔŋde bowl wine, enyuŋ eyetde akpan aran ke idem: edi ikereke nditaha Joseph.

MALACHI 3:5

Ndien ami nyesaŋa ŋkpere mbufo ke ikpe, nnyuŋ nnim owowo ntiense mbaŋa mbia-idiɔŋ ye mme esin efibe, ye mmɔ eke eŋwɔŋɔde nsu, ye mmɔ eke etukde anam-utom ke utip esie, etuk ebe-akpa ye eyen-akpa, emi enyuŋ efikde esen owo, ndien mibakke mi, Jehovah mme udim ɔdɔhɔ.

NUMBERS 21:33

Ndien mmɔ ewɔŋɔre edɔk ke usuŋ Bashan: ndien Og edidem Bashan ye kpukpru ikɔt esie ewɔŋɔ ekebiɔŋ mmɔ, eka ekɔŋ ye mmɔ ke Edrei.

DEUTERONOMY 24:14

Kufik owo eke ekpede utom, eke ananade ŋkpɔ onyuŋ ebuenede, edide ke otu nditɔ-usɔ, onyuŋ edide ke otu isen owo eke edude ke isɔŋ fo, ke obio fo:

DEUTERONOMY 28:33

Idut eke afo mufiɔkke eyedia mfri iŋwaŋ fo, ye ofuri utom fo; ndien afo eyesuk edi se efikde, enyuŋ etukde, kpukpru usen.