AMOS 3:9 - Edisana ñwed Abasi Ibom

⁹ Mbufo ekwɔrɔ ke ikpɔ ufɔk Ashdod, ye ke ikpɔ ufɔk isɔŋ Egypt, enyuŋ edɔhɔ, ete, Mbufo esop idem ke enyɔŋ ikpɔ obot Samaria, enyuŋ ese ikpɔ ndutime ke ufɔt esie, ye nnama emi odude ke esit.

AMOS 3:9 ပူးပေါင်းရင်းမြစ်များ

2 SAMUEL 1:20

Mbufo ekutiŋ ke Gath, ekubuk mbuk ke aŋwa Ashkelon; mbak nditɔ mme Philistine iban edidat esit, mbak nditɔ mbon-edut iban edibre mbre.

MME ŊKE 1:13

Nnyin iyekut kpukpru oruk ŋkpɔ-uto, iyedɔŋ mbume ke ufɔk nnyin iyɔhɔ:

MME ŊKE 11:16

Ediye aŋwan omum ubɔŋ akama: kpa nte nyara owo emumde inyene ekama.

ECCLESIASTES 4:1

NDIEN ami ŋwɔŋɔre nnyuŋ nse kpukpru ufik emi enamde ke idak utin: ndien se mmɔŋ-eyet mmɔ emi owo efikde: ndien baba owo kiet eke ɔdɔŋde mmɔ esit iduhe; mme andifik mmɔ enyuŋ ekan mmɔ ubɔk; ndien baba owo kiet eke ɔdɔŋde mmɔ esit iduhe.

JEREMIAH 31:5

Afo eyetɔŋɔ ntak ɔtɔ iŋwaŋ-vine ke ikpɔ obot Samaria: mme anditɔ eyetɔ, enyuŋ edia mfri:

JEREMIAH 46:14

Mbufo etiŋ ke Egypt, enyuŋ ekwɔrɔ ke Migdol, enyuŋ ekwɔrɔ ke Noph, enyuŋ edɔhɔ ke Tahphanhes, ete, Nim idem, nam ŋkpɔ beŋe ke idem fo; koro ofut adiade akan fi okuk. Ata mkpɔsɔŋ owo fo enam didie eduɔhɔ?

JEREMIAH 50:2

Mbufo etiŋ, ke otu mme idut enyuŋ ekwɔrɔ, enyuŋ emenere banner, ekwɔrɔ, ekudip; edɔhɔ ete, Ema emum Babylon, but anam Bel, Merodach amasuana; but anam mbiet esie, ekpat eto esie emesuana.

EZEKIEL 36:8

Edi mbufo, ikpɔ obot Israel, eyesiaha ŋkɔk mbufo, enyuŋ eŋwum mfri mbufo enɔ ikɔt mi Israel: koro mmɔ esaŋade ekpere.

EZEKIEL 37:22

nyenyuŋ nnam mmɔ edi idut kiet ke isɔŋ ke enyɔŋ ikpɔ obot Israel; ndien edidem kiet eyedi edidem mmɔ kpukpru: mmɔ idinyuŋ idige aba idut iba, idinyuŋ ibahakede aba mmɔ ke obio iba ke nsinsi.

HOSEA 7:1

KE adaŋemi ndade ikɔt mi emi mmɔ eketaŋde efep, nnyɔŋ ndi; ke ini nnamde idiɔk okure Israel, ndien eyeyarare idiɔk ido Ephraim ye mme ukwaŋ-ŋkpɔ Samaria: koro mmɔ enamde abiaŋa; inɔ onyuŋ oduk edi, udim owo ewo ke mme efak.

AMOS 1:8

Nyenyuŋ nsibe andiduŋ Ashdod, ye andikama mmɔnyɔ ke Ashkelon mfep, nnyuŋ ndori ubɔk mi ke Ekron: ndien mme Philistine emi esuhɔde eyetak. Ntem ke Ɔbɔŋ Jehovah ɔdɔhɔ.

AMOS 4:1

MBUFO ekop uyo mi, O enaŋ Bashan emi edude ke akwa obot Samaria, emi etukde mbon unana, enyuŋ enuakde mme ubuene, emi edɔhɔde ɔbɔŋ mmɔ, ete, Da di, man nnyin iŋwɔŋ.

AMOS 5:11

Mmɔdo, koro mbufo edigide mbon unana, enyuŋ ebɔde mmɔ utomo ibokpot: mbufo ebɔp ufɔk ke ndisɔi itiat, edi ididuŋke ke esit; enyuŋ etɔ edifɔn iŋwaŋ-vine, edi idiŋwɔŋke wine mmɔ.

AMOS 6:1

OSUK ɔdɔdiɔk ɔnɔ mmɔ emi etiede ke ifure ke Zion, enyuŋ ebuɔtde idem mmɔ ke obot Samaria, akpan owo ke otu mme etubom mme idut, emi ufɔk Israel etienede mmɔ!

AMOS 6:3

Osuk ɔdɔdiɔk ɔnɔ mmɔ eke emende usen idiɔk enim anyan ebiet: edi eda itie afai ekpere;

AMOS 8:6

“Man nnyin idep mbon unana ke okuk, ye mme ubuene ke ikpa-ukot iba; nnyin iyenyuŋ inyam mbio ibokpot.”

MICAH 6:10

Nte inyene idiɔk ido esuk ena ke ufɔk idiɔk owo, ye ekpri ephah, ata idiɔk-ŋkpɔ?

1 SAMUEL 5:1

NTEM ke mme Philistine eda ekebe Abasi ke Eben-ezer, ndien mmɔ emen enye edi ke Ashdod.