AMOS 3:7 - Edisana ñwed Abasi Ibom

⁷ Koro Ɔbɔŋ Jehovah midinamke baba ŋkpɔ kiet, ke mibɔhɔke ini enye ayarade uduak esie ɔnɔ ikɔt esie mme prophet.

AMOS 3:7 ပူးပေါင်းရင်းမြစ်များ

GENESIS 18:17

Ndien Jehovah ɔdɔhɔ, ete, Nte ndedip Abraham se ami nyomde ndinam;

GENESIS 6:13

Ndien Abasi ɔdɔhɔ Noah, ete, Utit kpukpru obuk owo emedi ke iso mi, koro oto mmɔ afai ɔyɔhɔ ke isɔŋ; ndien, sese, ami mmɔŋ nsobo mmɔ ye isɔŋ.

2 NDIDEM 22:13

Mbufo eka ekebup Jehovah enɔ mi, ye mbio emi, ye ofuri Judah, ebaŋa ikɔ ŋwed emi ekutde: koro iyaresit Jehovah emi asakde ye nnyin omokpon eti, koro mme ete nnyin mikokopke ikɔ ŋwed emi, mikonyuŋ inamke kpukpru se ewetde ebaŋa nnyin.

2 NDIDEM 22:20

Mmɔdo, sese, nyeyak fi obono ye mme usɔ, eyenyuŋ emen fi esin ke udi ke ifure; enyin fo idinyuŋ ikwe kpukpru mme idiɔk-ŋkpɔ eke ami ndidade ntiene ebiet emi. Ndien mmɔ emen ikɔ oro, efiak eketiŋ enɔ edidem.

2 NDIDEM 6:12

Ndien owo ikɔt esie kiet ɔdɔhɔ ete, Idige ntre, ɔbɔŋ mi, edidem; edi Elisha prophet emi odude ke Israel asian edidem Israel ikɔ emi afo etiŋde ke ubet nna fo.

ŊWED MME PSALM 25:14

Jehovah etie ufan ye mmɔ eke ebakde enye, ndien enye eyeteme mmɔ ediomi esie.

ISAIAH 18:4

Koro ntem ke Jehovah ɔdɔhɔ mi, ete, Nyetie suŋ ke itie mi, nnyuŋ ntiŋ enyin, nte afia eyo esede ikɔŋ, ye nte obubit enyɔŋ ekeŋede mbara ke ufiop ini ukpeŋe.

JEREMIAH 23:22

Ekpedi nte, mmɔ ekedade ke odu mi, enyuŋ enamde ikɔt mi ekop ikɔ mi, mmɔ ekpekabare mmɔ ndien esio ke idiɔk usuŋ mmɔ, ye ke idiɔk ido mmɔ.

EZEKIEL 29:21

Ke usen oro nyenam nduk otibe ɔnɔ ufɔk Israel nnyuŋ nyak fi aŋwaŋade inua ke otu mmɔ: ndien mmɔ eyefiɔk ete ke ami ndi Jehovah.

DANIEL 10:21

Nyenyuŋ ŋwut fi se ekewetde ke ŋwed akpanikɔ. Ndien baba owo kiet eke ɔsɔŋde ada ye ami ke ŋkpɔ emi iduhe, ke mibɔhɔke Michael ɔbɔŋ mbufo.

DANIEL 11:2

Ndien ke emi nyesian fi akpanikɔ. Sese, ndidem ita eyedaha ke enyɔŋ kaŋa eda ke Persia; ndien ɔyɔhɔ inaŋ eyenyene akwa inyene akan mmɔ kpukpru: ndien adaŋemi enye ɔsɔŋɔde ke inyene esie, enye eyedemere kpukpru eka ekɔŋ ye edidem Javan.

DANIEL 2:47

Edidem ɔbɔrɔ Daniel onyuŋ ɔdɔhɔ, ete, Ke akpanikɔ Abasi mbufo edi Abasi mme abasi ye Ɔbɔŋ ndidem: edi enye ayarare ndibe-ndibe ŋkpɔ, koro afo ekemede ndiyarare ndibe ŋkpɔ emi.

JOHN 15:15

Ŋkotke aba mbufo mme asaŋutom, koro asaŋutom mifiɔkke se ete-ufɔk esie anamde; edi ŋkot mbufo mme ufan, koro mma mmen kpukpru se ŋkokopde ke inua Ete Mi nyarare nnɔ mbufo.

ERIYARARE 1:1

IKƆ eriyarare Jesus Christ, emi Abasi ɔkɔnɔde Enye, ete owut ikɔt Esie, kpa ŋkpɔ eke enyenede ndisu ke ekpri ibio ini: ndien Enye ɔkɔdɔŋ angel Esie okowut ŋkpɔ emi ɔnɔ owo Esie John;

ERIYARARE 1:19

Men se ama okokut ndien, ye se idude ke emi, ye se idisude ke ini iso, wet;

ERIYARARE 10:7

edi ke mme usen emi ɔyɔhɔ angel itiaba osiorode uyo, ke adaŋemi enye oyomde ndifri ukorowo, adaŋoro ke ndibe uduak Abasi ososu, asaŋa ekekem ye eti etop emi Enye akayararede ɔnɔ nti ikɔt Esie, kpa mme prophet.

ERIYARARE 4:1

KE ŋkpɔ emi ema ekebe, ŋkut, ndien sese, inua-otop eberere ke heaven; ndien akpa uyo eke ŋkokopde, nte ukorowo osiorode uyo ke utɔŋ mi, ete, Dɔk di ken, ndien nyewut fi se idisude ke ini emi edidide.

1 SAMUEL 9:15

Ndien Jehovah ama ayarare ke utɔŋ Samuel edem mkpɔŋ, ndien Saul edidi,ete,