AMOS 3:15 - Edisana ñwed Abasi Ibom

¹⁵ Ndien nyewuri ufɔk ukwɔ ŋkɔrɔ ye ufɔk nda-eyo; mme ufɔk oduk-enin eyenyuŋ etak, ikpɔ ufɔk eyenyuŋ ebiara. Uyo Jehovah edi emi.

AMOS 3:15 ပူးပေါင်းရင်းမြစ်များ

JEREMIAH 36:22

Ndien edidem etie ke ufɔk ini tuep, ke ɔyɔhɔ ɔfiɔŋ usukkiet: eso ikaŋ onyuŋ asak ke iso esie.

1 NDIDEM 22:39

Ndien ama edi ikɔ Ahab eke esuhɔde, ye kpukpru se enye akanamde, ye ufɔk oduk-enin emi enye ɔkɔbɔpde, ye kpukpru obio oro enye ɔkɔbɔpde, nte ikewetke mmɔ isin ke ŋwed ikɔ eyo edidem Israel?

JUDGES 3:20

Ekem Ehud etiene enye; ndien enye etie ke ubet usuhɔ-idem emi enye enyenede ke idem esie ikpɔŋ. Ndien Ehud ete, Mmenyene ikɔ Abasi eke ndɔhɔde fi.

AMOS 6:11

Koro, sese, Jehovah owuk, onyuŋ ɔtɔ akwa ufɔk owuri, onyuŋ ɔtɔ ekpri ufɔk asiak.

ISAIAH 5:9

Jehovah mme udim ɔdɔhɔ mi ke utɔŋ, ete, Kakpan ediwak ufɔk, ikpɔ ye nti, eyekabare edi ŋwure, koro owo eke oduŋde miduhe.

AMOS 3:11

Mmɔdo ntem ke Ɔbɔŋ Jehovah ɔdɔhɔ, ete, Mbon-usua eyekan idem isɔŋ ekuk: eyenyuŋ esuhɔre fi odudu fo: ndien eyebume ikpɔ ufɔk fo.

ŊWED MME PSALM 45:8

Kpukpru edisine-ŋkpɔ fo efuɔŋ myrrh, ye aloes, ye cassia, eke etode ke ufɔk nduk-enin eke mmɔ edatde fi esit.

AMOS 2:5

Ndien nyekim ikaŋ ke Judah, eke editade ikpɔ ufɔk Jerusalem.

AMOS 5:11

Mmɔdo, koro mbufo edigide mbon unana, enyuŋ ebɔde mmɔ utomo ibokpot: mbufo ebɔp ufɔk ke ndisɔi itiat, edi ididuŋke ke esit; enyuŋ etɔ edifɔn iŋwaŋ-vine, edi idiŋwɔŋke wine mmɔ.

MALACHI 1:4

Koro Edom ɔdɔhɔde ete, “Nnyin imesuana, edi iyetɔŋɔ ntak ibɔp ŋwure”; ntem ke Jehovah mme udim ɔdɔhɔ ete, Mmɔ eyebɔp, edi ami nyewuri: ndien eyesio mmɔ enyiŋ “Adaŋa idiɔk,” ye “Mbio emi Jehovah ofutde esit ye mmɔ ke nsinsi.”