AMOS 3:12 - Edisana ñwed Abasi Ibom

¹² Ntem ke Jehovah ɔdɔhɔ ete, Kpa nte ekpemerɔŋ osiode lion ukot iba ye ubak utɔŋ ke inua efep; kpasuk ntre ke edisioŋo nditɔ Israel emi eduŋde ke Samaria ke inuk e-bed, ye ke Damascus ke mkpana.

AMOS 3:12 ပူးပေါင်းရင်းမြစ်များ

1 NDIDEM 20:30

Ndien mmɔ emi esuhɔde efeŋe eka Aphek, ekeduk ke obio oro; ndien ibibene ɔduɔ ofuk tɔsin owo edip ye itiaba emi esuhɔde. Benhadad efehe ŋko aka okoduk ke obio ke esit ubet.

1 NDIDEM 20:34

Ndien enye (Benhadad) ɔdɔhɔ enye, ete, Nyeyak mme obio oro ete mi ɔkɔbɔde usɔ; afo eyenyuŋ anam efak ɔnɔ idemfo ke Damascus, kpa nte ete mi akanamde ke Samaria. Ndien enye (Ahab) ɔdɔhɔ ete, Ami ŋko nyediomi ediomi ntem nsana fi nyak Ndien enye odiomi ediomi ye enye, onyuŋ asana enye ayak.

1 NDIDEM 22:25

Ndien Micaiah ɔbɔrɔ ete, Sese, afo eyekut ke usen emi afo edidukde ke esit ubet okodibe.

2 NDIDEM 16:9

Ndien edidem Assyria okop uyo esie: edidem Assyria onyuŋ ɔdɔk aka Damascus, akada enye, onyuŋ ataŋ mmɔ ɔnyɔŋ ke Kir, onyuŋ owot Rezin.

ESTHER 1:6

ndien eda uruk eti linen ye purple eyiri ikpehe afia linen, ye afia ɔfɔŋ, ye awawa, ke mkpanuen silver, ye mme adaha marble: mkpana gold ye silver ediɔhɔ ke pavement porphyre, ye eke afia marble, ye pearl, ye awawa itiat.

ESTHER 7:8

Ekem edidem oto ke iŋwaŋ-esa akwa ufɔk, afiak ke ɔtɔ uŋwɔŋ wine; ndien Haman ana ke mkpana emi Esther anade ke esit. Ndien edidem ɔdɔhɔ ete, Emie! enye onyuŋ oyom ndisabare ɔbɔŋ-aŋwan ke ŋkaŋ mi ke ufɔk mi? Ikɔ oro osuk ɔwɔwɔrɔ edidem ntem ke inua, ndien mmɔ efuk Haman iso.

ŊWED MME PSALM 132:3

Ndidukke ke tent iduŋ mi, ndinyuŋ ndɔkke ke bed emi mbride;

ISAIAH 17:7

Ke usen oro owo eyetiŋ enyin ke andinam enye, enyin esie eyenyuŋ ese Edisana Abasi Israel.

ISAIAH 31:4

Koro ntem ke Jehovah ɔdɔhɔ mi, ete, Kpa nte lion ye abak lion ekunide ebaŋa unam mmɔ, emi mmɔ ekotde otu mme ekpeme-ufene ete ediwot enye, edi uyom mmɔ inamke enye ndik, iwok mmɔ inyuŋ inamke esit akpa enye; kpasuk ntre ke Jehovah mme udim edisuhɔre aŋwana ekɔŋ ke akamba obot Zion, ye ke ekpri obot esie.

ISAIAH 8:4

Koro ke eyenɔwɔŋ emi mika-ifiɔkke nte okotde, ete, Ete mi, ye eka mi! mmɔ eyemen inyene Damascus, ye mbume Samaria, ebiom ke iso edidem Assyria.

AMOS 6:4

eke enade ke bed oduk-enin, enyuŋ enyanarede ena ke mkpana mmɔ, enyuŋ etade nditɔ-erɔŋ eke etode ke ŋkpri ufene, ye nditɔ-enaŋ eke etode ke ebiet ŋkuhɔ;

AMOS 9:8

Sese, Ɔbɔŋ Jehovah etiŋ enyin ke idiɔk idut emi, nyenyuŋ nsobo enye ke iso ererimbot mfep; edi ndisoboke ufɔk Jacob kpukpru;