AMOS 2:7 - Edisana ñwed Abasi Ibom

⁷ itɔŋ ntanisɔŋ ke ibuot mbon-unana ɔdɔŋ mmɔ, mmɔ enyuŋ efimede usuŋ mbon ukut efep; ndien owo ye ete esie etiene eyen-aŋwan kiet, man esabare edisana enyiŋ mi.

AMOS 2:7 ပူးပေါင်းရင်းမြစ်များ

2 SAMUEL 12:14

Edi koro afo amada ŋkpɔ emi esin mme asua Jehovah etiŋ idiɔk ikɔ, eyen emi amanade ɔnɔ fi ŋko iditreke ndikpa.

1 NDIDEM 21:4

Ndien Ahab ɔnyɔŋ ke ufɔk esie ke mfuhɔ ye iyaresit, abaŋa ikɔ oro Naboth a Jezreel ɔkɔdɔhɔde enye: koro ɔkɔdɔhɔde, ete, Ndinɔŋɔ fi udeme mme ete mi. Ndien enye ɔsuhɔre ana ke bed esie, onyuŋ ɔwɔŋɔre iso esie, inyimeke ndidia ŋkpɔ.

MME ŊKE 28:21

Uteŋe-enyin ifɔnke: koro owo eyedue abaŋa udia.

ISAIAH 10:1

IFƆNKE fɔn inɔ mmɔ eke ewukde ukwaŋ ewuhɔ, ye mme ewet-ŋwed ukut;

ISAIAH 10:2

man enuk mbon unana ke itie ikpe efep, enyuŋ eda ŋkanubɔk ebɔ mme ubuene ikɔt mi se inende, man mme ebe-akpa edi mbume mmɔ, man mmɔ enyuŋ ewo ŋwo ye nditɔ-akpa.

ISAIAH 3:14

Jehovah eyeda mbiowo ikɔt esie, ye mbɔŋ mmɔ oduk ke ikpe: “Mbufo ŋko emeta iŋwaŋ-vine; mbume mme ubuene odu ke ufɔk mbufo.

ISAIAH 3:15

Nsinam mbufo enuakde ikɔt mi, enyuŋ etukde mme ubuene iso?” Ntem ke Ɔbɔŋ Jehovah mme udim ɔdɔhɔ.

EZEKIEL 22:11

owo onyuŋ anam oburobut ye ŋwan mbɔhiduŋ esie; owo onyuŋ asabare ŋwan eyen esie ata oburobut oburobut; owo onyuŋ abiat idem eyen-ete esie aŋwan ke ufɔt fo.

EZEKIEL 36:20

Ndien adaŋemi mmɔ esimde mme idut emi mmɔ ekade do, mmɔ ebiat edisana enyiŋ mi, koro edɔhɔde ebaŋa mmɔ, ete, Mme mmɔ emi edi ikɔt Jehovah, enyuŋ eto ke isɔŋ esie edi.

HOSEA 4:14

Ndinɔŋɔ nditɔ-iban mbufo ufen, koro mmɔ enamde use, ndinyuŋ nnɔŋɔ iban mbufo ufen, koro mmɔ esinde efibe: koro mmɔ ke idem-mmɔ ewahade etiene mme akpara, enyuŋ ewade uwa ye iban use: ndien mbio emi enanade ibuot eyetak.

LEVITICUS 18:15

Kufuhɔre ŋwan eyen fo iferi: enye edi ŋwan eyen fo; kufuhɔre enye iferi.

LEVITICUS 18:21

Kunyuŋ uda ubon fo unɔ Molech man ebe oduk (ke ikaŋ), kunyuŋ ubiat enyiŋ Abasi fo: ami ndi Jehovah.

LEVITICUS 18:8

Kufuhɔre ŋwan usɔ iferi: emi edi iferi usɔ.

LEVITICUS 20:3

Ami nyenyuŋ ŋwuk iso mi nse owo oro, nnyuŋ nsibe enye ke otu mbio-obio mmɔ mfep; koro enye akadade eyen esie ɔnɔ Molech, man enye asabare edisana ebiet mi, onyuŋ abiat edisana enyiŋ mi.

AMOS 4:1

MBUFO ekop uyo mi, O enaŋ Bashan emi edude ke akwa obot Samaria, emi etukde mbon unana, enyuŋ enuakde mme ubuene, emi edɔhɔde ɔbɔŋ mmɔ, ete, Da di, man nnyin iŋwɔŋ.

AMOS 5:11

Mmɔdo, koro mbufo edigide mbon unana, enyuŋ ebɔde mmɔ utomo ibokpot: mbufo ebɔp ufɔk ke ndisɔi itiat, edi ididuŋke ke esit; enyuŋ etɔ edifɔn iŋwaŋ-vine, edi idiŋwɔŋke wine mmɔ.

AMOS 5:12

Koro mmɔfiɔk ediwak mme idiɔk ido mbufo, ye mkpɔsɔŋ ukwaŋ-ŋkpɔ mbufo: ke etuk nti owo, ke ebɔ utip, enyuŋ enuk mme ubuene efep ke inua-otop.

AMOS 8:4

Mbufo emi itɔŋ mme ubuene ɔdɔŋde mbufo, ekop ikɔ emi, man etak mbon unana ke isɔŋ,

MICAH 2:2

Mmɔ enyuŋ esin esit mmɔ ke iŋwaŋ, ndien eda mmɔ ke ŋkanubɔk: enyuŋ esin esit ke ufɔk, ndien ebɔ mmɔ: mmɔ enyuŋ etuk owo ye ufɔk esie, etuk owo ye udeme esie.

MICAH 2:9

Mbufo emebin iban ikɔt mi ke edima ufɔk mmɔ efep: emesio abak-inua mmɔ ubɔŋ mi ke idem efep ke nsinsi.

ZEPHANIAH 3:3

Mbɔŋ esie ke ufɔt esie edi lion mfriori: mme ebierikpe esie edi wolf mbubreyo; mmɔ isuhɔke baba ŋkpɔ kiet inɔ usenubɔk.

ŊWED MBON ROME 2:24

Koro ewet ete, Oto mbufo ke esuŋi enyiŋ Abasi ke otu mme Gentile.

1 ŊWED CORINTH 5:1

EMA ekekop ete, use odu ke otu mbufo, kpa oruk use eke miduhe ke otu mme Gentile, ete, owo mbufo kiet akada ŋwan ete esie ɔdɔ.