AMOS 2:11 - Edisana ñwed Abasi Ibom

¹¹ Ndien nda ndusuk nditɔ-iren mbufo nnim ke prophet, nda ndusuk mkparawa mbufo nnim ke Nazirite. Nte idighe kpa ntre, mbufo nditɔ Israel? Emi edi uyo Jehovah.

AMOS 2:11 ပူးပေါင်းရင်းမြစ်များ

1 NDIDEM 17:1

EKEM Elijah Tishbite emi otode ke mme andiduŋ Gilead, ɔdɔhɔ Ahab, ete Ma uwem Jehovah Abasi Israel, emi ndade enye ke iso, mbara ye edim ididuhe ke mme isua emi, ke mitoho ke uyo mi.

1 NDIDEM 18:4

koro edikem adaŋemi Jezebel okowotde mme prophet Jehovah, Obadiah ada prophet ikie, odip mmɔ owo aba ye duop, aba ye duop, ke aba itiat, onyuŋ ɔbɔk mmɔ ke uyo ye mmɔŋ.)

1 NDIDEM 19:16

nyuŋ yet Jehu eyen Nimshi aran nim ke edidem Israel: nyuŋ yet Elisha eyen Shaphat, emi otode ke Abel meholah, nim ke prophet ke itie fo.

1 NDIDEM 20:13

Ndien, sese, prophet kiet aka ke ebiet Ahab edidem Israel, ɔkɔdɔhɔ ete, Ntem ke Jehovah ɔdɔhɔ ete, Ŋkɔm afo omokut akwa otu emi. Sese, nyeda mmɔ nsin fi ke ubɔk mfin emi; ndien afo eyefiɔk ete ke ami ndi Jehovah.

1 NDIDEM 20:35

Ekem owo kiet ke otu nditɔ mme prophet ɔdɔhɔ mbɔhiduŋ esie ke uyo Jehovah, ete, Mbɔk, kam tɔ mi. Edi owo oro inyimeke nditɔ enye.

1 NDIDEM 20:41

Ndien enye eken awara osio erebin ke ɔkpɔ-iso esie; ndien edidem Israel ɔdiɔŋɔ enye, ete ke enye edi owo mme prophet kiet.

1 NDIDEM 22:8

Ndien edidem Israel ɔbɔrɔ Jehoshaphat, ete, Osuk kaŋa owo kiet, Micaiah eyen Imlah, emi nnyin ikemede ndida enye mbup Jehovah: edi ami mmasua enye: koro enye misitiŋke eti prophecy ibaŋa mi, ke mibɔhɔke idiɔk. Ndien Jehoshaphat ɔdɔhɔ, ete, Edidem okudɔhɔ ntre.

2 NDIDEM 17:13

Edi Jehovah ada inua kpukpru prophet, ye eke kpukpru mbon ŋkukut, asua ɔnɔ Israel ye Judah, ete, Mbufo ekabare ekpɔŋ mme idiɔk usuŋ mbufo, enyuŋ enim ibet mi, ye item mi, ekem ke kpukpru mme ewuhɔ emi ŋkowukde mme ete mbufo, emi ŋkonyuŋ ntobode mbufo ke ubɔk ikɔt mi mme prophet.

2 NDIDEM 6:1

EKEM nditɔ mme prophet edɔhɔ Elisha, ete, Sese, ebiet emi nnyin itiede mi ke iso fo afaha akan nnyin.

2 CHRONICLES 36:15

Ndien Jehovah Abasi mme ete mmɔ ɔdɔŋ mme isuŋ esie utom ke ɔtɔ mmɔ, abak ɔdɔŋ; koro enye enyenede mbɔm ye ikɔt esie ye ebiet iduŋ esie:

JEREMIAH 11:21

Mmɔdo, ntem ke Jehovah ɔdɔhɔ abaŋa nditɔ Anathoth, emi eyomde uwem fo, ete, Kuda enyiŋ Jehovah utiŋ prophecy, mbak afo edikpa ke ubɔk nnyin:

JEREMIAH 2:31

O emana, mbufo ekut uyo Jehovah. Nte ami ŋkedi wilderness nnɔ Israel? Nte ŋkedi isɔŋ ekim? Nsinam ikɔt mi ekedɔhɔde, ete, Nnyin imɔŋ iyɔrɔ kpukpru ebiet; nnyin ididige aba ke ɔtɔ fo?

JEREMIAH 2:5

ntem ke Jehovah ɔdɔhɔ ete, Mme ete mbufo ekekut nso ukwaŋ-ŋkpɔ ye ami eke mmɔ ekpɔŋde mi anyan usuŋ, enyuŋ ebinede ikpikpu ŋkpɔ, enyuŋ ekabare edi oburobut? Inyuŋ idɔhɔke ite,

JEREMIAH 26:11

Ndien mme oku ye mme prophet edɔhɔ ye mbɔŋ ye ofuri mbio-obio, ete, Owo emi emedue isop mkpa: koro enye ama etiŋ prophecy abaŋa obio emi, kpa nte mbufo ekopde ke utɔŋ mbufo.

JEREMIAH 7:25

Ɔtɔŋɔde ke usen oro mme ete mbufo eketode ke Egypt edi, tutu osim mfin emi, mma nnyuŋ ndɔŋ kpukpru ikɔt mi mme prophet utom ke ɔtɔ mbufo, kpukpru usen mbabak ndɔŋ:

ŊWED ESEME 4:7

Mme Nazirite esie ekesana ekan snow, efia ekan mmɔŋ-eba, ekeyibe idem ekan ruby, iwut-idem mmɔ edi sapphire.

MICAH 2:6

Mbufo ekutiŋ ikɔ. Ete, eyetiŋ; mitiŋke ntem, esuene iditreke.

UTOM MME APOSTLE 4:18

Ndien ekot mme apostle edi, enyuŋ ewuk mmɔ ete ekutiŋ ekunyuŋ ekpep baba ŋkpɔ kiet ke enyin Jesus.

UTOM MME APOSTLE 5:28

Ndien akwa oku obup mmɔ ete, Nnyin ima isɔŋ uyo ikpan mbufo, ite ekukpep aba ŋkpɔ ke enyiŋ emi: ndien sese, emɔyɔhɔ Jerusalem ye ukpep-ŋkpɔ mbufo, enyuŋ eyom iyip owo emi ɔkɔbɔ nnyin.

UTOM MME APOSTLE 7:51

Mbufo mbon nsɔŋ-ibuot, emi minaŋa mbobi ke esit ye utɔŋ, mbufo etak ndiŋwaŋwana ye Edisana Spirit kpukpru ini: nte mme ete mbufo ekenamde kpa ntre ke mbufo enam.

DEUTERONOMY 18:18

Nyenam prophet kiet, ebiet fi, adaha ada ke otu nditɔ-ete mmɔ, nyenyuŋ nda ikɔ mi nsin enye ke inua; ndien enye eyeda kpukpru se ami ntemede enye etiŋ ɔnɔ mmɔ.

1 SAMUEL 19:20

Ndien Saul ɔdɔŋ mme isuŋutom, ete ekemum David: edi ke ini mmɔ ekutde udim mme prophet, nte enamde prophecy, nte Samuel onyuŋ adade ke etubom mmɔ, spirit Abasi oduk mme isuŋutom Saul ke idem, ndien mmɔ enyuŋ enam prophecy.

1 SAMUEL 3:20

Ekem ofuri Israel, ɔtɔŋɔde ke Dan tutu osim ke Beersheba, efiɔk ete ke ema enim Samuel ke prophet Jehovah.