AMOS 2:10 - Edisana ñwed Abasi Ibom

¹⁰ Ami ŋkonyuŋ nda mbufo ke isɔŋ Egypt ndɔk, nnyuŋ nda mbufo ke usuŋ wilderness ke isua aba, man eda isɔŋ mme Amorite enyene.

AMOS 2:10 ပူးပေါင်းရင်းမြစ်များ

NEHEMIAH 9:21

Ndien afo ɔbɔk mmɔ ke wilderness ke isua aba; ŋkpɔ inanake mmɔ, edisine-ŋkpɔ mmɔ itahake, ukot mmɔ inyuŋ ifutke.

ŊWED MME PSALM 95:10

Emana oro ada efek mi ke ofuri isua aba, ndien ndɔhɔ nte ke mmɔ edi mbon eke esit mmɔ eyode, ndien mmɔ ifiɔkke usuŋ mi.

EXODUS 12:51

Ekem ke idem usen oro ke Jehovah osioŋo nditɔ Israel ke mme udim mmɔ efep ke isɔŋ Egypt.

EXODUS 20:2

Jehovah Abasi fo, emi ŋkosiode fi ke isɔŋ Egypt, ke ufɔk ufin mfep.

EXODUS 3:8

mmonyuŋ nsuhɔre ndisio mmɔ nditɔ Egypt ke ubɔk, ndinyuŋ nda mmɔ ŋwɔrɔ ke isɔŋ oro, ndɔk ŋka isɔŋ emi ɔfɔnde, onyuŋ aŋwaŋade, ke isɔŋ emi ɔfiɔrɔde mmɔŋ-eba ye aran-ɔkwɔk; ke ɔtɔ mme Canaanite, ye mme Hittite, ye mme Amorite, ye mme Perizzite, ye mme Hivite, ye mme Jebusite.

JEREMIAH 2:6

Enye Jehovah emi akadade nnyin ke isɔŋ Egypt ɔdɔk? Emi akadade nnyin usuŋ ke wilderness, ke isɔŋ desert ye obube, ke edisat isɔŋ, ye isɔŋ mfut mkpa, ke isɔŋ eke baba owo kiet misaŋake ke esit ibe, eke owo minyuŋ iduŋke do?

EZEKIEL 20:10

Ndien ŋkosio mmɔ ke isɔŋ Egypt, nnyuŋ nda mmɔ nduk ke wilderness.

AMOS 3:1

NDITƆ Israel, mbufo ekop uyo emi Jehovah ɔdɔhɔde abaŋa mbufo, abaŋa ofuri oruk owo oro ami ŋkosiode ke isɔŋ Egypt ndɔk, nte,

AMOS 9:7

Jehovah ɔdɔhɔ, ete, Nte mbatke mbufo, nditɔ Israel, nte nditɔ Ethiopia? Nte ŋkadaha Israel ke isɔŋ Egypt ndɔk? ye mme Philistine ke Caphtor? ye Syria ke Kir?

MICAH 6:4

Ŋkɔm ŋkada mbufo ke isɔŋ Egypt ndɔk, nnyuŋ mfak mbufo nsio ke ufɔk ufin; nnyuŋ ndɔŋ Moses ye Aaron ye Miriam, nte ebem mbufo iso.

NUMBERS 13:32

Ndien mmɔ eda idiɔk mbuk ebaŋa isɔŋ oro mmɔ ekekade ndiyep, editiŋ enɔ nditɔ Israel, ete, Isɔŋ oro nnyin ikebede ika enye ndiyep, edi isɔŋ eke adiade mme andiduŋ enye; ndien kpukpru owo emi nnyin ikokutde ke esit ekoŋ idaha.

NUMBERS 21:25

Israel onyuŋ ada kpukpru obio emi, Israel onyuŋ oduŋ ke kpukpru obio mme Amorite, ke Heshbon, ye ke kpukpru obio iŋwaŋ mmɔ.

NUMBERS 32:13

Ndien Jehovah ayat esit ye Israel, onyuŋ anam mmɔ ediyo ke wilderness ke ofuri isua aba, tutu ofuri emana oro ɔkɔdiɔkde ke iso Jehovah, osobo ama.

UTOM MME APOSTLE 13:18

Enye onyuŋ eme ime ye ido mmɔ ke desert ke adaŋa isua aba.

UTOM MME APOSTLE 7:42

Edi Abasi ɔwɔŋɔre ɔkpɔŋ mmɔ, onyuŋ asana mmɔ ayak ete, enam ŋkpɔ enɔ udim enyɔŋ: kpa nte ewetde ke ŋwed mme prophet, ete, Nte mbufo ekeda unam eke ewotde ye uwa esɔk Mi Ke isua aba ke desert, O ufɔk Israel?

DEUTERONOMY 1:39

Ama onyuŋ edi nditɔwɔŋ mbufo, emi mbufo ekedɔhɔde ete, Ke mmɔ eyedi ŋkpɔ mbume, ye nditɔ-iren mbufo emi mikefiɔkke se idide eti ye idiɔk, ke usen oro, mmɔ eyeduk do, nyenyuŋ nda enye nnɔ mmɔ, ndien mmɔ eyenyene enye.

DEUTERONOMY 2:7

Koro Jehovah Abasi fo ama ɔdiɔŋ fi ke kpukpru utom ubɔk fo: enye ɔmɔfiɔk nte afo akasaŋade ke akwa wilderness emi: Jehovah Abasi fo ama odu ye afo ke isua mbaba emi; ukananake ŋkpɔ ndomo kiet.

JOSHUA 13:4

ye mme Avvim ŋko ke edem usuk: ofuri isɔŋ mme Canaanite, ye Mearah emi enyenede mme Zidonian, tutu osim ke Aphek, osim adaŋa mme Amorite:

JOSHUA 24:8

Ndien nda mbufo nduk ke isɔŋ mme Amorite, emi eduŋde ke edem Jordan oko; ndien mmɔ eŋwana ekɔŋ ye mbufo: ndien mmen mmɔ nsin mbufo ke ubɔk, mbufo enyuŋ eda isɔŋ mmɔ enyene; ami nnyuŋ nsobo mmɔ ke iso mbufo mfep.