AMOS 1:2 - Edisana ñwed Abasi Ibom

² Ndien enye ɔdɔhɔ ete, Jehovah etie ke Zion ofiori, onyuŋ etie ke Jerusalem okuni: ndien mbiet mme ekpeme-ufene etuaŋa, ibuot Carmel onyuŋ asat.

AMOS 1:2 ပူးပေါင်းရင်းမြစ်များ

ŊWED MME PSALM 29:4

Uyo Jehovah ɔmɔsɔŋ: uyo Jehovah enyene ubɔŋ.

ŊWED MME PSALM 46:6

Mme idut eyomo, mme obio esehere: enye emenere uyo esie, isɔŋ eyetara.

MME ŊKE 20:2

Ndik edidem ebiet ŋkuni lion: owo eke ayatde enye esit ɔdiɔk ye ukpɔŋ esiemɔ.

ISAIAH 33:9

Isɔŋ ke atua, eyemere; but anam Lebanon, enye akpa; Sharon amakabare edi wilderness; Bashan ye Carmel enyuŋ ekeŋe ikɔŋ.

ISAIAH 35:2

Eyediɔŋ asiaha ikɔŋ, onyuŋ ebre mbre, onyuŋ ɔkwɔ: eyenɔ enye ubɔŋ Lebanon, ye uyai Carmel ye Sharon; mmɔ eyekut ubɔŋ Jehovah, uyai Abasi nnyin.

ISAIAH 42:13

Jehovah eyewɔrɔ nte owo uko, eyedemere ufup nte owo ekɔŋ: enye eyefiori, eyefiori akamba; eyesɔŋɔ idem akan mme asua esiemɔ.

JEREMIAH 12:4

Adaŋa didie ke isɔŋ editua, mbiet kpukpru iŋwaŋ edinyuŋ asat, abaŋa mme idiɔk ido mmɔ eke eduŋde ke esit? Mme unam ye inuen emesobo: koro mmɔ ekedɔhɔde ete, Baba owo kiet idikwe utit nnyin.

JEREMIAH 14:2

Judah ke atua, mme inua-otop esie enyuŋ ekpa idem; mmɔ etie ikpo ke isɔŋ; eseme Jerusalem omonyuŋ ɔdɔk.

JEREMIAH 25:30

Afo tiŋ ndien kpukpru ikɔ prophecy emi nɔ mmɔ, nyuŋ dɔhɔ mmɔ, ete, Jehovah eyetie ke enyɔŋ ofiori, enyenyuŋ etie ke edisana iduŋ esie osioro uyo esie; enye eyesɔŋ ofiori abaŋa ebiet iduŋ esiemɔ; eyesio mkpo, ebiet eke mme edigi-wine, abaŋa kpukpru mme andiduŋ ererimbot.

JEREMIAH 28:8

mme prophet oro ekebemde mi ye afo iso ke eyo oko, ekenyuŋ etiŋde prophecy enɔ ediwak mme idut ye ikpɔ obio, etiŋ ebaŋa ekɔŋ, ye idiɔk-ŋkpɔ, ye udɔŋɔ.

JEREMIAH 50:19

Ndien nyeda Israel mfiak ndi ke iduŋ esie, ndien enye eyeta mbiet ke Carmel ye ke Bashan, ukpɔŋ esie eyenyuŋ ɔyuhɔ ke obot Ephraim ye ke Gilead.

HOSEA 11:10

Mmɔ eyesaŋa etiene Jehovah: enye eyekuni nte lion: koro enye edikunide, ndien nditɔ eyeto ke edem usop-utin esɔp edi;

HOSEA 13:8

Ami nsim mmɔ nte bear eke ebɔde enye nditɔ, nnyuŋ nwai se ifuhɔde mmɔ ke oti; nnyuŋ nta mmɔ do nte uman lion: unam ikɔt asiak mmɔ mbak-mbak.

JOEL 1:19

Nyeseme ŋkot fi, O Jehovah: koro ikaŋ atade mbiet wilderness, edem-ikaŋ onyuŋ ɔfɔp kpukpru eto obot iŋwaŋ.

JOEL 2:11

Ndien Jehovah ebem mbon-ekɔŋ esie iso ŋko osioro uyo: koro nna-ekɔŋ esie okponde eti-eti: koro enye edide ɔkpɔsɔŋ, anam uyo esie: koro usen Jehovah okponde onyuŋ enyenede ndik eti-eti: ndien anie ekeme ndiyɔ enye?

JOEL 3:16

Ndien Jehovah eyetie ke Zion ofiori, onyuŋ etie ke Jerusalem osioro uyo esie: ndien enyɔŋ ye isɔŋ eyenyek: Jehovah eyenyuŋ edi ubɔhɔ ikɔt esie, edi odudu nditɔ Israel.

AMOS 9:3

Ekpenyuŋ edibe ke ibuot Carmel, nyeyom mmɔ, nnyuŋ nsio mmɔ do; ekpedibe mi ke enyin ke idem isɔŋ akamba mmɔŋ, ŋkpowuk urukikɔt mi, nte oto aka okodom mmɔ do:

NAHUM 1:4

Enye aduari inyaŋ ibom, onyuŋ anam enye asat, onyuŋ anam mmɔŋ okure ke kpukpru mme akpa: Bashan eyemere ye Carmel ŋko, nsehe Lebanon onyuŋ eyemere.

1 SAMUEL 25:2

Ndien owo kiet odu ke Maon, emi inyene esie edude ke Carmel; owo oro onyuŋ okpon eti-eti, enye onyuŋ enyene tɔsin erɔŋ ita, ye tɔsin ebot; ndien enye afat erɔŋ esie ke Carmel.