AMOS 1:14 - Edisana ñwed Abasi Ibom

¹⁴ Ndien ami nyebara ikaŋ ke ibibene Rabbah, eke editade ikpɔ ufɔk mmɔ ke mkpo ke usen ekɔŋ, ye ke idio ke usen oyobio:

AMOS 1:14 ပူးပေါင်းရင်းမြစ်များ

2 SAMUEL 11:1

EDIKEM ke isua akabarede, ekem ke ini emi ndidem ekam ewɔŋɔde eka ekɔŋ, David ɔdɔŋ Joab ye ikɔt esie ŋko, ye ofuri Israel, ekesobo ye nditɔ Ammon, ndien mmɔ ekan Rabbah ekuk. Edi David etie ke Jerusalem.

2 SAMUEL 12:26

Ekem Joab aŋwana ekɔŋ ye Rabbah nditɔ Ammon, onyuŋ ada obio edidem.

2 SAMUEL 12:31

onyuŋ osio kpukpru owo eke edude ke esit, esin mmɔ ke idak uyɔkŋkpɔ ye harrow ukwak, ye ke ekudi ukwak, onyuŋ anam mmɔ ebe eduk ke ufɔp e brick: ntre ke enye onyuŋ anam ŋkpɔ ye kpukpru obio nditɔ Ammon. Ekem David ye kpukpru owo enyɔŋɔ eka ke Jerusalem.

1 CHRONICLES 20:1

EDIKEM ke ini isua akabarede, ke ini ndidem ekam ewɔŋɔde (eka ekɔŋ), Joab ada mbon-ekɔŋ usuŋ akabiat isɔŋ nditɔ Ammon, onyuŋ aka akakan Rabbah okuk. Edi David etie ke Jerusalem. Ndien Joab asuan Rabbah, onyuŋ osobo enye.

ŊWED JOB 39:25

Uyo ukorowo esin enye ɔdɔhɔ ete, Ha, ha! Onyuŋ oŋwume ekɔŋ anyan usuŋ, mfiori mme etubom ye mkpo ekɔŋ.

ŊWED MME PSALM 83:15

kpa ntre bine mmɔ ke idio fo, nyuŋ da oyobio fo nam mmɔ eyomo nsia.

ISAIAH 29:6

Ndien obuma, ye unyek-isɔŋ, ye akwa uyom, ye idio, ye oyobio, ye edemikaŋ eke etade, eyeto Jehovah mme udim, edinam fi.

ISAIAH 30:30

Ndien Jehovah eyenam ekop ubom uyo esiemɔ, onyuŋ owut mmɔ iduɔ ubɔk esie, ke ifuresit ye ikpahesit ye edemikaŋ eke atade, ke oyobio, ye edim, ye edim itiat.

ISAIAH 9:5

Koro kpukpru ŋkpɔ ekɔŋ eke owo ekɔŋ adade oduk ke ekɔŋ, ye ɔfɔŋ-idem eke ewerede ke iyip, edi se edifɔpde udia ikaŋ.

JEREMIAH 23:19

Sese, oyobio Jehovah ɔwɔrɔ ke iyaresit, kpa ibumere-ibumere oyobio: eyebumere ɔtɔ mme idiɔk owo ke ibuot.

JEREMIAH 49:2

Jehovah ɔdɔhɔ ete, Mmɔdo, sese, mme usen ke edi eke ndinamde ekop mkpo ekɔŋ ke Rabbah nditɔ Ammon; ndien enye eyekabare edi ibombom ŋwure, eyenyuŋ efɔp nditɔ-iban esie ke ikaŋ: ndien Israel eyeda mmɔ eke edade enye enyene; Jehovah ɔdɔhɔ.

EZEKIEL 21:20

Siak usuŋ eke ofut edikade Rabbah nditɔ Ammon, aka Judah osim Jerusalem emi enyenede ibibene ekɔŋ.

EZEKIEL 21:22

Idiɔŋ Jerusalem odu enye ke ubɔk nnasia, ete, inim ŋkpɔ uwuri ibibene, itat inua ibaŋa eriwot owo, isio uyo mkpo, ete inim ŋkpɔ uwuri ke mme inua-otop, ete ikubi ibombom, inyuŋ ikɔŋ akwa ufɔk ekɔŋ.

EZEKIEL 21:25

Ndien afo idiɔk ɔbɔŋ Israel emi ewotde, emi usen esie edide ke ini akpatre idiɔk ido,

EZEKIEL 25:5

Ndien nyeda Rabbah nnim ke iduŋ camel; nnyuŋ nda nditɔ Ammon nnim ke ebiet eke ŋkpri ufene enade. Ndien mbufo eyefiɔk ete ke ami ndi Jehovah.

EZEKIEL 25:7

Mmɔdo, sese, ami mmɔŋ nyanare ubɔk mi ndori fi ke idem, nnyuŋ nda fi nnɔ mme idut ke ŋkpɔ mbume, nnyuŋ nsibe fi ke mme idut mfep, nnyuŋ nsobo fi mfep ke mme obio: nyenyuŋ mbiat fi; ndien afo eyefiɔk ete ke ami ndi Jehovah.

DANIEL 11:40

Ama ekem ke utit ini, edidem usuk eyenuk enye: edidem edere eyenyuŋ ada chariot, ye mbon horse, ye ubom mbakara ediwak, obumere anam enye nte oyobio; ndien enye eyeduk ke mme idut oro, onyuŋ ofuk mmɔ, onyuŋ asaŋa ebe.

AMOS 2:2

Ndien nyekim ikaŋ ke Moab, eke editade ikpɔ ufɔk Kerioth: ndien Moab eyekpa ke ndutime ye ke mkpo, ye ke uyo ukorowo.

ZECHARIAH 7:14

ndien ami nsuan mmɔ nnyeŋe ke otu kpukpru mme idut emi mmɔ mifiɔkke: ndien isɔŋ emi ana ikpikpu ke edem mmɔ: owo isaŋake ibe, inyuŋ ifiakke edem: mmɔ enyuŋ enam edifɔn isɔŋ emi akabare edi ikpikpu.

DEUTERONOMY 3:11

(Koro Og ɔbɔŋ Bashan ikpɔŋ ɔsuhɔde ke otu mme Rephaim efen; sese, bed esie onyuŋ edi bed ukwak; nte idige enye odu ke Rabbah nditɔ Ammon? uniɔŋ esie edi ibio idomo-okuk usukiet, ubom esie ɔnyuŋ edi ibio idomo-okuk inaŋ, nte idomo owo asaŋade.)