2 SAMUEL 9:1 - Edisana ñwed Abasi Ibom

¹ EKEM David ɔdɔhɔ ete, Nte owo ke odudu kaŋa osuk ke ufɔk Saul, man mfɔn ido ye enye mbaŋa Jonathan?

2 SAMUEL 9:1 ပူးပေါင်းရင်းမြစ်များ

2 SAMUEL 1:26

Esit ayat mi abaŋa fi, eyenete mi Jonathan; afo ama enem mi eti-eti: ima oro afo akamade mi edi utibe, akan ima iban.

2 SAMUEL 21:7

Edi edidem ɔkpɔŋ Mephibosheth, eyen Jonathan, eyen Saul, abaŋa uŋwɔŋɔ Jehovah oro okodude ke ufɔt mmɔ, kpa ke ufɔt David ye Jonathan eyen Saul.

2 SAMUEL 9:7

Ndien David ɔdɔhɔ enye, ete, Kufehe ndik; koro ndinamde mfɔn-ido ye afo mbaŋa Jonathan usɔ, nyenyuŋ nyak kpukpru iŋwaŋ Saul usɔ nnɔ fi; afo eyenyuŋ adia ŋkpɔ ke okpokoro mi kpukpru ini.

1 NDIDEM 2:7

Edi fɔn ido ye nditɔ Barzillai-a-Gilead, yak mmɔ enyuŋ edu ke otu mmɔ eke ediade ŋkpɔ ke okpokoro fo; koro ntem ke mmɔ eketiene mi ke ini ŋkefehede mbɔhɔ Absalom eyen-usɔ.

MME ŊKE 27:10

Kukpɔŋ ufan fo ye ufan usɔ: kunyuŋ uduk ke ufɔk eyen uso ke usen ukut fo: owo eke oduŋde ɔtɔ kiet ɔfɔn akan eyen-ete eke odude nsan-nsan.

MATTHEW 10:42

Ndien owo ekededi eke edidade cup mbit-mbit mmɔŋ ɔnɔ kiet ke otu ŋkpri owo emi ɔŋwɔŋ ke enyiŋ mbet Mi, ke akpanikɔ ke ndɔhɔ mbufo, enye iditreketre ndibɔ utip esie.

MATTHEW 25:40

Ndien Edidem eyebɔrɔ mmɔ ete, Ke akpanikɔ ke ndɔhɔ mbufo, Adaŋa nte mbufo ekanamde ŋkpɔ emi enɔ kiet ke otu nditɔ-ete Mi, kpa ata ŋkpri emi, mbufo ekanam enɔ Mi.

MARK 9:41

Koro owo ekededi eke edinɔde mbufo cup mmɔŋ eŋwɔŋ ke ntak enyiŋ Mi, koro mbufo enyenede Christ, ke akpanikɔ ke ndɔhɔ mbufo, enye iditreke tre ndibɔ utip esie.

1 PETER 3:8

Ke akpatre itie, mbufo kpukpru enyene esit kiet, ekop mbɔm ye kiet eken, etie ima-ima nte nditɔ-ete, enyene mfefere esit, enyuŋ esuhɔre idem.

1 SAMUEL 20:42

Ndien Jonathan ɔdɔhɔ David, ete, Ka ke ifure, koro nnyin owo mbiba ike ŋwɔŋɔde, itomo enyiŋ Jehovah, ite Jehovah osuk odu ke ufɔt mi ye afo, ye ke ufɔt ubon fo ye ubon mi ke nsinsi. Ndien enye (David) adaha: Jonathan onyuŋ ɔnyɔŋ ke obio ŋko.