2 SAMUEL 8:15 - Edisana ñwed Abasi Ibom

¹⁵ Ntre ke David edi edidem ofuri Israel; David onyuŋ ekpe edinen ikpe ɔnɔ kpukpru ikɔt esie.

2 SAMUEL 8:15 ပူးပေါင်းရင်းမြစ်များ

2 SAMUEL 15:3

Ndien Absalom ɔdɔhɔ enye, ete, Sese, ikɔ fo ɔfɔn, onyuŋ enen; edi edidem inimke baba owo kiet eke okpokopde, inɔ fi.

2 SAMUEL 20:23

Ntre ke Joab edi etubom kpukpru mbon-ekɔŋ Israel: Benaiah eyen Jehoiada onyuŋ edi etubom mme Cherethite ye eke mme Pelethite:

2 SAMUEL 3:12

Ekem Abner ɔdɔŋ mme isuŋ-utom ke idemesie ekedɔhɔ David ete, Anie edi andinyene obio? ete, Diomi ediomi fo ye ami, ndien, sese, ubɔk mi eyediana ye afo, man nda ofuri Israel ŋkabare nsɔk fi.

2 SAMUEL 5:5

Enye edi edidem Judah ke Hebron ke isua itiaba ye ɔfiɔŋ itiokiet; onyuŋ edi edidem ofuri Israel ye Judah ke Jerusalem ke isua edip ye duopeta.

2 SAMUEL 8:14

Enye onyuŋ onim mbon-ekɔŋ ke itie, ke itie, ke Edom; ke ofuri Edom ke enye onim mbon-ekɔŋ ke itie, ofuri Edom enyuŋ ekabare edi ifin David. Jehovah onyuŋ anyaŋa David ke kpukpru ebiet emi enye akade.

2 SAMUEL 8:16

Joab eyen Zeruiah onyuŋ edi etubom mbon-ekɔŋ; Jehoshaphat eyen Ahilud onyuŋ edi andiwet ŋwed obio;

1 NDIDEM 10:9

Etoro Jehovah Abasi fo, emi amade fi, onyuŋ emende fi odori ke ebekpo Israel: koro Jehovah amade Israel ke nsinsi esin enye onim fi ke edidem, man afo ekpe ikpe eke enende.

1 NDIDEM 4:1

NTEM ke edidem Solomon edi edidem ofuri Israel. Ndien mme mmɔ emi edi ikpɔ owo esie;

1 CHRONICLES 18:14

Ntre ke David ada ubɔŋ ofuri Israel, onyuŋ ekpe edinen ikpe ɔnɔ kpukpru ikɔt esie.

ŊWED MME PSALM 119:121

Ŋkpe edinen ikpe: kuyak mi unɔ mmɔ eke etukde mi.

ŊWED MME PSALM 72:2

Enye eyebiere ikɔ ikɔt fo nte enende, ye eke mme ubuene fo nte ɔfɔnde.

ŊWED MME PSALM 75:2

Koro nyeda ini enimde; nyekpe ikpe nte enende.

ŊWED MME PSALM 89:14

Edinen ido ye ikpe edi itie ebekpo fo: ima ye akpanikɔ eyebem fi iso esaŋa.

ISAIAH 9:7

Ubɔŋ ye emem ididopke ndikɔri ke ebekpo David, ye ke itie ubɔŋ esie, man onim enye, onyuŋ ɔsɔŋ owuk enye ke ikpe ye ke edinen ido, ke emi ye ke nsinsi. Ufup Jehovah mme udim eyenam ŋkpɔ emi.

AMOS 5:15

Mbufo esua idiɔk, enyuŋ ema eti, enyuŋ ewuk edinen ikpe ke inua-otop: mme Jehovah Abasi mme udim eyetua nsuhɔ Joseph mbɔm.

AMOS 5:24

Edi yak ikpe ɔfiɔrɔ nte mmɔŋ, ye edinen ido nte nsinsi akpa.

MME HEBREW 11:33

ye mme prophet; emi ekedade mbuɔtidem ekan mme idut, enam edinen ido, ebɔ mme uŋwɔŋɔ, ekibi mme lion inua, enime ide ikaŋ,

1 SAMUEL 14:47

Ke ntem ke Saul akada ubɔŋ ke Israel, onyuŋ ŋwana ekɔŋ ye kpukpru mme asua esie emi ekande enye ekuk, ye Moab, ye nditɔ Ammon, ye Edom, ye ndidem Zobah, ye mme Philistine: onyuŋ akan ke kpukpru ebiet eke enye akakabarede.