2 SAMUEL 8:10 - Edisana ñwed Abasi Ibom

¹⁰ Ndien Toi ɔdɔŋ Joram eyen esie utom ke ɔtɔ edidem David ete ɔkɔm enye, onyuŋ otoro enye: koro enye akaŋwanade ekɔŋ ye Hadadezer, okonyuŋ asuande enye: koro Hadadezer akam aŋwanade ekɔŋ ye Toi. Ŋkpɔ silver, ye ŋkpɔ gold, ye ŋkpɔ okpoho enyuŋ edu enye (Joram) ke ubɔk:

2 SAMUEL 8:10 ပူးပေါင်းရင်းမြစ်များ

GENESIS 43:27

Enye onyuŋ obup mmɔ ete mme idem ɔsɔŋ mmɔ, onyuŋ ɔdɔhɔ ete, Nte idem ɔsɔŋ ete mbufo, akani owo oro mbufo ekedɔhɔde? nte enye osuk odu uwem kaŋa?

2 SAMUEL 8:11

ndien David edidem onyuŋ ada mmɔ onim ɔnɔ Jehovah, ɔkɔrɔ ye silver, ye gold oro enye ɔkɔbɔde kpukpru mme idut emi enye akakande, onim (ɔnɔ Jehovah); eke Syria,

2 SAMUEL 8:9

Ekem Toi edidem Hamath okop, ete ke David ama akan ofuri udim - ekɔŋ Hadadezer.

1 NDIDEM 1:47

Ndien ikɔt edidem ŋko ema eka eketoro ɔbɔŋ nnyin, edidem David, ete, Yak Abasi fo ofori enyiŋ Solomon akan enyiŋ fo, onyuŋ anam ebekpo esie okpon akan ebekpo fo: ndien edidem etie ke bed atuak ibuot.

1 CHRONICLES 18:10

ndien enye ɔdɔŋ Hadoram eyen esie etiene edidem David, ndikɔm enye nnyuŋ ndara enye, koro enye akaŋwanade ekɔŋ ye Hadarezer, onyuŋ asuande enye; koro Hadarezer akaŋwanade ekɔŋ ye Tou; enye onyuŋ ɔnɔ kpukpru oruk ŋkpɔ gold, ye eke silver, ye eke okpoho, esɔk enye.

2 CHRONICLES 32:23

Ndien ediwak owo eda enɔ esɔk Jehovah ke Jerusalem, enyuŋ eda ŋkpɔ-uto esɔk Hezekiah edidem Judah: ndien toto ke ini oro enye okpon ke enyin kpukpru mme idut.

ŊWED MME PSALM 129:8

Ndien mmɔ eke esaŋade ebe idɔhɔke, ite, “Yak ufɔn Jehovah osim mbufo: nnyin ida enyiŋ Jehovah ikɔm mbufo.”

ISAIAH 39:1

KE ini oro Merodach-baladan eyen Baladan, edidem Babylon, ɔnɔ ŋwed ye enɔ esɔk Hezekiah; enye onyuŋ okop ete ke enye ɔkɔdɔŋɔ, ndien okop idem.

1 SAMUEL 13:10

Edikem adaŋemi enye osuk ɔfɔfɔp edifɔp uwa ntem ama, sese, Samuel ɔbiɔŋɔre; Saul onyuŋ ɔwɔrɔ ndisobo ye enye, man ɔkɔm enye.