2 SAMUEL 7:23 - Edisana ñwed Abasi Ibom

²³ Ndien ewe idut kiet ke ererimbot ebiet ikɔt fo Israel, emi Abasi akakade ndifak nnim ke ikɔt esiemɔ, nnyuŋ nnam enyiŋ ke idemesie, nnyuŋ nnam ikpɔ ŋkpɔ nnɔ mbufo, ye ŋkpɔ ndik nnɔ isɔŋ fo ke iso ikɔt fo, emi afo akafakde ke Egypt (ɔbɔ) mme idut ye mme abasi mmɔ, osio ɔnɔ idemfo?

2 SAMUEL 7:23 ပူးပေါင်းရင်းမြစ်များ

2 SAMUEL 7:24

Afo omonyuŋ ɔsɔŋ onim ikɔt fo Israel ke idemfo ke ikɔt fo ke nsinsi: afo, Jehovah, omonyuŋ akabare edi Abasi mmɔ.

1 CHRONICLES 17:21

Ndien anie ebiet ikɔt fo Israel, idut kiet ke ererimbot, emi Abasi akade akafak, ada ke ikɔt esiemɔ, man anam enyiŋ eke okponde, onyuŋ enyenede ndik ɔnɔ idem fo, ke eribin idut mfep ke iso ikɔt fo, emi afo akafakde ke Egypt osio?

NEHEMIAH 1:10

Ndien mme mmɔ emi edi ifin fo, emi afo akafakde ke akwa odudu fo, ye ke ɔkpɔsɔŋ ubɔk fo.

ŊWED MME PSALM 106:22

mme utibe ŋkpɔ ke isɔŋ Ham, ye ŋkpɔ ndik ke Ididuot Inyaŋ.

ŊWED MME PSALM 111:9

Enye ɔnɔ ufak esɔk ikɔt esiemɔ: onyuŋ owuk ediomi esie ke nsinsi: enyiŋ esie edi edisana, onyuŋ enyene uteŋe.

ŊWED MME PSALM 145:6

Ndien mmɔ eyedɔhɔ ebaŋa odudu ŋkpɔ ndik fo: ndien ama edi ubom fo, nyebuk enye.

ŊWED MME PSALM 147:20

Enye ikanamke ntem ye baba idut kiet: ndien ama edi mme ikpe esie, mmɔ ifiɔkke mmɔ. Mbufo etoro Jehovah.

ŊWED MME PSALM 40:5

Afo, O Jehovah Abasi mi, amanam utibe ido fo, ye ekikere fo eke ekerede nnyin, ewak: idige nte etiŋde mmɔ enɔ fi: mmoyom ndisiak nnyuŋ mbuk mmɔ, edi mmɔ ekan nte ebatde.

ŊWED MME PSALM 44:3

koro midige ofut mmɔ ke mmɔ eda ebɔ isɔŋ enyene, minyuŋ idige ubɔk mmɔ anyaŋa mmɔ: koro edide ita nnasia fo, ye ubɔk fo, ye uŋwana iso fo, koro afo amade mmɔ.

ŊWED MME PSALM 65:5

Afo eyeda akpakop ŋkpɔ ndik ɔbɔrɔ nnyin ke edinen ido, O Abasi, andinyaŋa nnyin, iberedem kpukpru mme utit ererimbot, ye eke inyaŋ, kpa eke mmɔ eke eyomde usuŋ.

ŊWED MME PSALM 66:3

Edɔhɔ Abasi, ete, Se afo anamde enyene ndik adaŋa didie! Akwa odudu fo esin mme asua fo enem inua enɔ fi.

EXODUS 12:12

Koro nyesaŋa ke ufɔt isɔŋ Egypt ke okoneyo emi mbe, nyenyuŋ ŋwot kpukpru akpan ke isɔŋ Egypt, ntɔŋɔ ye owo nsim ufene; nnyuŋ mmia kpukpru mme abasi Egypt ufen; ami ndi Jehovah.

EXODUS 33:16

Edinam didie, ndien, efiɔk ete ke afo enen iso ye ami ye ikɔt fo? Nte idige ke erika emi afo akade ye nnyin? Ntre ke eyedianare mi ye ikɔt fo ke kpukpru owo emi edude ke isɔŋ?

EXODUS 6:7

nyenyuŋ nda mbufo nnim ke ikɔt mi, nnyuŋ ndi Abasi mbufo; mbufo eyenyuŋ efiɔk ete ke ami ndi Jehovah Abasi mbufo, emi nsiode mbufo ke idak mbiomɔ Egypt mfep.

EXODUS 9:15

Koro ke emi ke ŋkpanyanarede ubɔk mi mmia fi, ye ikɔt fo, ke idiɔk udɔŋɔ; ndien ekpesobo fi ke ererimbot efep.

EXODUS 9:16

Edi ŋkɔm edi emi ekesin mi nnim fi, man ŋwut fi odudu mi; man enyuŋ ekwɔrɔ enyiŋ mi ke ofuri ererimbot.

JEREMIAH 32:20

emi okonimde mme idiɔŋɔ ye mme utibe ŋkpɔ ke isɔŋ Egypt tutu osim mfin emi, ye ke Israel, ye ke otu owo efen, onyuŋ anam enyiŋ ɔnɔ idem fo, kpa nte edide mfin emi;

JEREMIAH 32:21

onyuŋ ada ikɔt fo Israel ke isɔŋ Egypt ɔwɔrɔ, ke mme idiɔŋɔ, ye ke mme utibe ŋkpɔ, ye ke ɔkpɔsɔŋ ita, ye ke edimenere ubɔk, ye ke akwa ndik;

EZEKIEL 20:9

Ndien ŋkanam ntre mbaŋa enyiŋ mi, man ekusabare mi ke enyin mme idut emi mmɔ edude ke otu mmɔ, emi ŋwutde mmɔ idem mi ke iso mmɔ, man nsio mmɔ ke isɔŋ Egypt mfep.

NUMBERS 6:27

Ntem ke edida enyiŋ mi edori nditɔ Israel ke idem, ndien ami nyefɔn ye mmɔ.

ŊWED MBON EPHESUS 1:6

enem Enye esit ndinam emi, man ɔwɔrɔ itoro ɔnɔ ubɔŋ mfɔn Esie, emi Enye ɔkɔfɔnde ye nnyin ke Eyen Ima Esie.

DEUTERONOMY 10:21

Enye edi itoro fo, onyuŋ edi Abasi fo, emi akanamde ikpɔ ŋkpɔ ye ŋkpɔ ndik emi ye afo, nte enyin fo ema ekekut.

DEUTERONOMY 15:15

Nyuŋ ti nte afo ekedide ofin ke isɔŋ Egypt, nte Jehovah Abasi fo okonyuŋ afakde fi; mmɔdo ami ntemede fi ŋkpɔ emi mfin emi.

DEUTERONOMY 33:29

Ɔfɔfɔn ɔnɔ fi, O Israel; anie ebiet fi, mbio emi Jehovah anyaŋade, emi edide otu ekɔŋ eke ekpemede fi, emi onyuŋ edide ofut ubɔŋ fo; mme asua fo eyenyuŋ enem inua enɔ fi; afo eyenyuŋ edigi ŋkokoŋo ebiet mmɔ.

DEUTERONOMY 9:26

Ndien ŋkpe Jehovah ubɔk, nte, O Jehovah ɔbɔŋ, kusobo ikɔt fo, kpa udeme fo, emi afo akadade ubom fo afak, emi afo akadade ɔkpɔsɔŋ ubɔk osioŋo mmɔ ke Egypt.

TITUS 2:14

Emi akayakde Idem Esie ɔnɔ kabaŋa nnyin, man Enye afak nnyin osio ke kpukpru mme idiɔk-ŋkpɔ, onyuŋ anam nnyin asak-ubɔk ikɔt Esie, emi isinde esit inam nti utom.

JOSHUA 7:9

Mme Canaanite ye kpukpru mme andiduŋ isɔŋ emi, eyenyuŋ ekop, enyuŋ ekan nnyin ekuk, enyuŋ esibe enyiŋ nnyin ke isɔŋ efep: ndien afo edinam didie ye akwa enyiŋ fo?

1 PETER 2:9

Edi mbufo edi ubon eke emekde; edi mme oku edidem, edi edisana obio, edi ikɔt eke Abasi onimde ɔnɔ Idem Esie, man mbufo eka ekataŋa mme utibe erinam Esie, emi okokotde mbufo osio ke ekim, esin ke utibe uŋwana esie;

ERIYARARE 5:9

Ndien mmɔ ekwɔ obufa ikwɔ ete, Afo omodot ndida ŋwed, ndinyuŋ ndianare mme ufik-ŋkpɔ esie; koro ekewotde Fi, Afo ama onyuŋ ada iyip fo osio owo ke kpukpru esien, ye usem, ye obio, ye idut, afak mmɔ ɔnɔ Abasi;