2 SAMUEL 6:5 - Edisana ñwed Abasi Ibom

⁵ Ndien David ye ofuri ufɔk Israel ebre ke iso Jehovah ke kpukpru oruk ŋkpɔ eto cypress, kpa ke harp, ye psaltery, ye ekɔmɔ, ye nsak, ye cymbal.

2 SAMUEL 6:5 ပူးပေါင်းရင်းမြစ်များ

2 NDIDEM 3:15

Mbufo eda ndien ebre harp esɔk mi. Ndien edikem adaŋemi ebre-harp ebrede, ubɔk Jehovah edidoro enye ke idem.

1 CHRONICLES 13:8

David ye ofuri Israel enyuŋ ebre ke iso Abasi ke ofuri ukeme mmɔ, ke ikwɔ, ye ke harp, ye ke psaltery, ye ke ekɔmɔ, ye ke cymbal, ye ke ukorowo.

1 CHRONICLES 15:28

Ofuri Israel enyuŋ eda ekebe ediomi Jehovah edɔk ke mkpo, ye ke uyom obukpoŋ, ye ukorowo, ye cymbal, ke enam uyom ke psaltery, ye ke harp.

2 CHRONICLES 20:28

Ekem mmɔ esim ke Jerusalem ekama psaltery, ye harp, ye ukorowo, edi ke ufɔk Jehovah.

ŊWED MME PSALM 47:5

Abasi ɔmɔdɔk ke mkpo idara, Jehovah, ke uyom ukorowo.

DANIEL 3:10

afo, O edidem, okowuk ewuhɔ, ete, Kpukpru owo eke edikopde uyo obukpoŋ, ye ifiom, ye harp, ye sackbut, ye psaltery, ye dulcimer, ye kpukpru oruk ndido, eduɔŋɔ ke isɔŋ enyuŋ etuak ibuot enɔ owo o-gold emi:

DANIEL 3:15

Edi edieke mbufo enyimede ndien ndiduɔŋɔ ke isɔŋ nnyuŋ ntuak ibuot nnɔ owo o-gold emi ŋkowukde, ke adaŋemi mbufo edikopde uyo obukpoŋ, ye ifiom, ye harp, ye sacbut, ye psaltery, ye dulcimer, ye kpukpru oruk ndido, ɔfɔn: edi mbufo mituakke ibuot, ke ndo-ndo emi eyemen mbufo eduɔk ke akwa ikaŋ eke asakde; ndien ewe abasi odu eke edikemede ndinyaŋa mbufo nsio mi ke ubɔk?

DANIEL 3:5

Ke ini emi mbufo ekopde uyo obukpoŋ, ye ifiom, ye harp, ye sackbut, ye psaltery, ye dulcimer, ye kpukpru oruk ndido, mbufo eduɔŋɔ ke isɔŋ enyuŋ etuak ibuot enɔ owo o-gold emi edidem Nebuchadnezzar okonimde:

DANIEL 3:7

Oto oro kpasuk ini oro kpukpru mme idut ekopde uyo obukpoŋ, ye ifiom, ye harp, ye sackbut, ye psaltery, ye kpukpru oruk ndido, kpukpru mme idut ye obio ye usem eduɔŋɔ ke isɔŋ enyuŋ etuak ibuot enɔ owo o-gold oro edidem Nebuchadnezzar okonimde.

AMOS 5:23

Men uyom ikwɔ fo fep kpɔŋ mi; ndien nyomke ndikop ikwɔ ndido fo.

AMOS 6:5

eke ekwɔde harp ebɔ: mmɔ esin ibuot enam ndido idem mmɔ, nte David;

1 SAMUEL 10:5

Oro ama ebe afo eyesim ke obot Abasi, emi mbon-ukpeme mme Philistine edude do: ama ekem, adaŋemi afo edisimde do ke obio, eyesim udim prophet eke etode ke edikoŋ ebiet esuhɔre, psaltery, ye ekɔmɔ, ye obukpoŋ, ye harp enyuŋ ebem mmɔ iso; ndien mmɔ eyenam prophecy:

1 SAMUEL 16:16

Mbɔk, ete nnyin, dɔhɔ ikɔt fo emi edude ke iso fo, ete eyom owo eke ɔfiɔkde ndibre harp: ndien ama ekem adaŋemi idiɔk spirit Abasi anamde fi, yak enye ada ubɔk esie ebre, ndien eyefɔn fi.