2 SAMUEL 6:21 - Edisana ñwed Abasi Ibom

²¹ Ndien David ɔdɔhɔ Michal, ete, Ke iso Jehovah emi ɔkɔkpɔŋde usɔ, ye ofuri ufɔk esie, emek mi onim ke etubom ikɔt Jehovah, kpa Israel: oro esin mbre mbre ke iso Jehovah.

2 SAMUEL 6:21 ပူးပေါင်းရင်းမြစ်များ

2 SAMUEL 5:2

Tutuko adaŋemi Saul edide edidem nnyin, edi afo akada Israel ɔwɔrɔ, onyuŋ ada oduk. Jehovah okonyuŋ ɔdɔhɔ fi, ete, Afo eyebɔk ikɔt mi Israel, afo eyenyuŋ edi etubom Israel.

2 SAMUEL 6:14

David onyuŋ enek unek ke ofuri odudu esie ke iso Jehovah; David onyuŋ esine ephod linen.

2 SAMUEL 6:16

Ekem nte ekebe Jehovah odukde ke obio David, Michal eyen Saul aŋwan etie ke window ese, ndien enye okut David edidem nte ɔyɔrɔde enek ke iso Jehovah: ndien ese enye ke ndek ke esit esie.

2 SAMUEL 6:22

Nyenyuŋ nsuk ntie ndek-ndek ŋkan emi, nnyuŋ ŋkpri ke enyin mi: edi ama edi ifin iban oro afo ɔdɔhɔde, mmɔ eyekpono mi.

2 SAMUEL 6:5

Ndien David ye ofuri ufɔk Israel ebre ke iso Jehovah ke kpukpru oruk ŋkpɔ eto cypress, kpa ke harp, ye psaltery, ye ekɔmɔ, ye nsak, ye cymbal.

2 SAMUEL 7:8

Dɔhɔ ntem, ndien ye owo mi David, ete, Ntem ke Jehovah mme udim ɔdɔhɔ, ete, Ami ŋkosio fi ke nna-erɔŋ emi afo etienede ŋkpri ufene, man afo edi etubom ikɔt mi Israel:

1 CHRONICLES 15:29

Edikem adaŋemi ekebe ediomi Jehovah osimde obio David, Michal eyen Saul aŋwan etie ke window ese, onyuŋ okut nte edidem David enekde unek, onyuŋ ebrede mbre; ndien Michal esin enye ke ndek ke esit esie.

UTOM MME APOSTLE 13:22

Edi ke Enye ama ekemen enye efep, anam David adaha ada, ete edi edidem mmɔ: onyuŋ ɔdɔhɔ abaŋa enye ete, Mmokut David eyen Jesse, owo emi ekemde esit ye Ami, emi edinamde ofuri uduak Mi.

1 ŊWED CORINTH 10:31

Mmɔdo mme mbufo ediade, mme eŋwɔŋde, mme enamde ŋkpɔ ekededi, enam kpukpru enɔ Abasi ubɔŋ.

1 SAMUEL 13:14

Edi ke emi ubɔŋ fo idibigike: Jehovah ama oyom owo ke idem esie eke ekemde esit ye enye, Jehovah ama onyuŋ eteme enye, ete edi etubom ikɔt imɔ, koro afo mukonimke se Jehovah eketemde fi.

1 SAMUEL 15:28

Ndien Samuel ɔdɔhɔ enye, ete, Jehovah ama awai fi ubɔŋ Israel ke ubɔk osio mfin emi, ama onyuŋ ada enye ɔnɔ mbɔhiduŋ fo emi ɔfɔnde akan fi.

1 SAMUEL 16:1

EKEM Jehovah ɔdɔhɔ Samuel, ete, Adaŋa didie ke afo editua Saul, sia mma nsio enye mfep ke idaha edidem Israel? Sin aran ke nduk fo yɔhɔ; ndien ka, nyedɔŋ fi utom ke ebiet Jesse eyen Bethlehem: koro mmokut edidem mi ke otu nditɔ-iren esie.

1 SAMUEL 16:12

Ndien enye ɔdɔŋ ekeda enye edi. Enye onyuŋ oyibe, onyuŋ eye iso, onyuŋ ɔfɔn ndise. Ndien Jehovah ɔdɔhɔ enye, Daha ke enyɔŋ, yet enye aran, koro edide emi edi enye.