2 SAMUEL 6:17 - Edisana ñwed Abasi Ibom

¹⁷ Ntre ke mmɔ emen ekebe Jehovah eduk, ekediɔk enye ke ɔtɔ esie, ke ufɔt tent emi David akanamde ɔnɔ enye: ndien David awa edifɔp uwa emem ke iso Jehovah.

2 SAMUEL 6:17 ပူးပေါင်းရင်းမြစ်များ

1 NDIDEM 8:5

Ndien edidem Solomon, ye ofuri esop Israel, emi esopde ye enye, edu ye enye ke iso ekebe, ke ewa ŋkpri ufene ye enaŋ emi uwak mmɔ miyakke owo asiak, minyuŋ iyakke owo abat.

1 CHRONICLES 15:1

EKEM David ɔbɔp ufɔk esiemɔ ke obio David; onyuŋ otim ebiet ɔnɔ ekebe Abasi, onyuŋ owuk tent ɔnɔ enye.

1 CHRONICLES 15:3

Ekem David okot ofuri Israel edi ke Jerusalem, man eda ekebe Jehovah edɔk edi ke ebiet esie oro enye okotimde ɔnɔ enye.

1 CHRONICLES 16:1

NTRE ke mmɔ eda ekebe Abasi eduk ekediɔk ke esit tent oro David okowukde ɔnɔ enye: mmɔ enyuŋ ewa edifɔp uwa ye uwa emem ke iso Abasi.

1 CHRONICLES 6:31

Ndien edi mme mmɔ emi ke David okonim ke utom ikwɔ ufɔk Jehovah, adaŋemi ekebe okutde nduɔk-odudu.

2 CHRONICLES 1:4

Edi David ama ada ekebe Abasi ke Kiriath-jearim ɔdɔk edi ke ebiet oro David ɔkɔdiɔŋde ɔnɔ enye: koro enye okowukde tent ɔnɔ enye ke Jerusalem.

2 CHRONICLES 5:6

Ndien edidem Solomon ye ofuri esop Israel emi esopde ye enye ke iso ekebe oro, ewa ŋkpri ufene ye enaŋ, emi uwak mmɔ miyakke owo etiŋ minyuŋ iyakke abat.

ŊWED MME PSALM 132:8

O Jehovah, daha ke enyɔŋ koduk ebiet nduɔk-odudu fo, afo ye ekebe odudu fo.

LEVITICUS 3:9

Ndien enye edida ubak uwa emem edi ɔfɔp ɔnɔ Jehovah, ikpɔŋ esie, ye ofuri isim esie, yak owo osio enye efep ke ɔtɔ emi osobode ye asakedem, ye ikpɔŋ emi ɔfuhɔde ke ŋkpɔ esit idibi, ye ofuri ikpɔŋ emi adianade nsia,