2 SAMUEL 4:11 - Edisana ñwed Abasi Ibom

¹¹ ŋwaŋawa edi nso ke adaŋemi mme idiɔk owo ewotde edinen owo ke ufɔk esie, ye ke bed esie, ke nnyene ndiyom iyip esie ke ubɔk mbufo, nyuŋ nsɔhi mbufo ke isɔŋ mfep?

2 SAMUEL 4:11 ပူးပေါင်းရင်းမြစ်များ

GENESIS 4:11

Ke emi idiɔk oto ke isɔŋ emi akatatde inua esie ɔbɔ fi iyip eyen-uka ke ubɔk, etiene fi.

GENESIS 6:13

Ndien Abasi ɔdɔhɔ Noah, ete, Utit kpukpru obuk owo emedi ke iso mi, koro oto mmɔ afai ɔyɔhɔ ke isɔŋ; ndien, sese, ami mmɔŋ nsobo mmɔ ye isɔŋ.

GENESIS 7:23

Enye onyuŋ ɔsɔhi kpukpru se idude uwem ke iso isɔŋ efep, ye owo, ye ufene, ye mme andinyɔni, ye inuen enyɔŋ; onyuŋ ɔsɔhi mmɔ efep ke isɔŋ. Ndien Noah ɔsuhɔ ikpɔŋ, ye mmɔ emi edude ye enye ke ubom.

2 SAMUEL 16:8

Jehovah anam ofuri iyip ufɔk Saul, emi afo adade ubɔŋ ke ibuot esie, ɔsɔp fi; Jehovah omonyuŋ ɔbɔ fi ubɔŋ esin ke ubɔk Absalom eyen fo: ndien, sese, afo emeyire ke ibak fo, koro afo edide owo iyip.

2 SAMUEL 3:27

Ekem ke ini Abner afiakde okosim Hebron, Joab ada enye ɔkpɔnɔre ada ke inua-otop, ete idɔhɔ ikɔ suŋ-suŋ ye enye; ndien okim enye do ke idibi owot, abaŋa iyip Asahel eyen-eka esie.

2 SAMUEL 3:39

Ndien ami ndi mfefere mfin emi, okposuk edi nte ekeyetde mi aran enim ke edidem: mbon emi, nditɔ Zeruiaih enyuŋ esɔŋ ekan mi: Jehovah eyesio usiene ye owo eke anamde idiɔk nte ekemde ke idiɔk ido esie.

1 NDIDEM 2:32

Ntem ke Jehovah anam iyip esie afiak odoro enye ke ibuot, koro enye okokpokde owo iba emi enende, enyuŋ efɔnde ekan enye, okonyuŋ owotde mmɔ ke ofut, ke ini David ete mi mifiɔkke, kpa Abner eyen Ner, etubom mbon-ekɔŋ Israel, ye Amasa eyen Jether, etubom mbon-ekɔŋ Judah.

ŊWED MME PSALM 109:15

Yak mmɔ edu ke iso Jehovah kpukpru ini, yak enye onyuŋ osibe enyiŋ mmɔ ke isɔŋ efep.

ŊWED MME PSALM 9:12

Koro enye etide mmɔ ke ini enye obupde ikɔ iyip: enye ifreke eseme mbon ukut.

EXODUS 21:12

Owo eke oyibide owo owot, okutre ndikpa.

EXODUS 9:15

Koro ke emi ke ŋkpanyanarede ubɔk mi mmia fi, ye ikɔt fo, ke idiɔk udɔŋɔ; ndien ekpesobo fi ke ererimbot efep.

MME ŊKE 2:22

Edi eyesobo mme idiɔk owo ke isɔŋ efep, enyuŋ esɔhi mbon abiaŋa efep ke esit.

MME ŊKE 25:26

Idim eke etimerede, ye obube mmɔŋ eke abiarade, ebiet eti owo eke ɔduɔde ke iso idiɔk.

JEREMIAH 10:11

Ntem ke mbufo edidɔhɔ mmɔ, ete, Eyesobo mme abasi oro mikenamke enyɔŋ ye isɔŋ, efep ke isɔŋ ye ke idak ikpa-enyɔŋ emi.

HABAKKUK 1:12

Nte afo udige Jehovah edisana Abasi mi toto ko? Nnyin idikpaha. O Jehovah, afo onim mmɔ ɔnɔ ikpe; O akwa itiat, afo owuk mmɔ onim ɔnɔ nduari.

HABAKKUK 1:4

Oro esin ibet okpu, ikpe inyuŋ iwɔrɔke nte asaŋade ye akpanikɔ: koro mme idiɔk owo ekande nti owo ekuk; mmɔdo edikwaŋa ikpe ɔwɔrɔde.

1 JOHN 3:12

ikubiet Cain, emi ekedide eke andidiɔk, onyuŋ owotde eyen-ete esie. Ndien ntak owotde enye? Koro utom esiemɔ ɔdiɔkde, edi eke eyen-ete esie enende.